JERRY OLEA
No. 1 ngayon ang English Only, Please sa talaan ng Top 10 Movies in the Philippines Today sa Netflix.
Ang nasabing romantic comedy ay official entry sa MMFF 2014, kung saan nagkamit ito ng parangal para sa best actor (Derek Ramsay), best actress (Jennylyn Mercado), best director (Dan Villegas), at best screenplay (Antoinette Jadaone at Anjeli Pessumal).
Kinilala rin itong second best picture. Ang best picture ay ang Bonifacio: Ang Unang Pangulo na pinagbidahan ni Robin Padilla.
Read: MMFF 2014 winners honored; Jennylyn Mercado, Lotlot de Leon shed tears
Bale tatlo ang pelikulang Pinoy sa listahan ng top 10 most watched films sa Netflix Philippines ngayong Pebrero 16, 2024, Biyernes.
Nasa pangatlong puwesto ang Summer MMFF 2023 entry na Apag, kung saan itinanghal na best actress si Gladys Reyes.
Read: Gladys Reyes beats two Padillas for best actress in 2023 Summer MMFF Gabi ng Parangal
Nasa pampitong posisyon ang Trip Ubusan: The Lolas vs Zombies ng JoWaPao.
Ligwak na sa Top 10 ang Instant Daddy nina Jerald Napoles at Althea Ruedas.
Magtatagal kaya sa top spot iyong English Only, Please?
Iyong Trip Ubusan: The Lolas vs Zombies ay two non-consecutive days sa nanguna, samantalang ang Apag ay isang araw lang nag-No. 1.
Streaming na sa Netflix PH ang Cinemalaya 2023 film nina Khalil Ramos at Ashley Ortega na As If It's True.
Madi-displace kaya agad nito ang Derek-Jennylyn movie?
Sa Pebrero 24 ang streaming ng Cinemalaya 2023 best picture na Iti Mapukpukaw starring Carlo Aquino, Gio Gahol, and Dolly de Leon.
Read: Highlights and sidelights of Cinemalaya 2023 awards night
Last year, apat na pelikula ni Carlo ang nag-No. 1 sa Netflix PH — Seasons with Lovi Poe, I Love Lizzy with Barbie Imperial, Third World Romance with Charlie Dizon, at Love You, Long Time with Eisel Serrano.
Read: Carlo Aquino, ratsada ang mga pelikula sa sinehan man o online
Sa Marso 1 ang streaming ng Shake, Rattle & Roll Extreme kung saan tampok sina Iza Calzado, Jane Oineza, Jane de Leon, RK Bagatsing, Ninong Ry, Paolo Gumabao, Paul Salas, at marami pang iba.
Read: Shake, Rattle & Roll Extreme R-18 version ipalalabas sa Netflix worldwide
At sa Marso 14 ang streaming ng comedy special ni Rod Ollero na Mabuhay is a Lie.
Ang Top 10 Movies in the Philippines Today sa Netflix — English Only, Please, Malignant, Apag, Creation of the Gods I: Kingdom of Storms, Ambulance, The Devil Wears Prada, Trip Ubusan: The Lolas vs Zombies, Demolition Man, Lover Stalker Killer, at Despicable Me 2.
Ang Top 10 TV Shows in the Philippines Today sa Netflix — A Killer Paradox, Doctor Slump, Solo Leveling, Can’t Buy Me Love, One Day, Captivating the King, An Incurable Case of Love, House, Mashle: Magic and Muscles, at My Demon.
GORGY RULA
Malaking tulong talaga ang mga streaming service, kagaya ng Netflix, sa movie producers.
Kasi dati ay TV rights at video rights, pati sa airplane, ay nabebenta ang kanilang pelikula. Ngayon lang nadagdag itong streaming na dagdag pang kita nila kahit matagal na ang kanilang pelikula.
Maaring ang iba ay tapos na ang kontrata sa TV rights, at siguro hindi pa kasali ang streaming rights kaya free silang ibenta ito sa Netflix at iba pang streaming service.
Kaya asahan natin sa mga ganitong streaming apps ang mga dating box-office hits na pelikula kagaya ng English Only, Please; Train Ubusan; at iba pang lumang pelikula.
Sana mapapanood din natin ang mga pelikula ng Reynafilms na idinirek ni Carlitos Siguion-Reyna sa mga ganitong streaming service, pati ang mga dating pelikula nina Direk Ishmael Bernal, Lino Brocka, Marilou Diaz-Abaya, at ang malalanding pelikula ni Joey Gosiengfiao.
NOEL FERRER
Second wind kung matatawag ang pagiging successful sa streaming platform — katulad ng nangyayari sa English Only, Please.
Kumita na ito sa takilya noon, at may bonus pang mga awards, kaya ito ang ideal scenario sa kahihinatnan ng local films. Na dumami pa ang mga revenue possibilities lalo pa’t struggle talaga na magpa-hit sa sinehan ngayon.
Take the case of Kampon nina Derek Ramsay at Beauty Gonzalez. Sana, bumawi ito kapag pinalabas sa streaming.
Read: Derek Ramsay, worth it ang pagbabalik-acting sa MMFF entry na Kampon
Kung nagsipag sanang mag-promote ang lead stars nito, baka lalong na-boost ang box-office standing nito.
Well, in the first place, ginawa na rin lang ito ni Derek, tinodo sana ang pagpu-push nito like all the other entries.
It’s never too late anyway. Puwede pang i-push at paingayin ang second wind nito sa streaming kung sakali.
All the best!