JERRY OLEA
Pinagkakaabalahan ni Eric Quizon ang pag-aalaga sa 34 bagets na bumubuo sa Starkada ng NET 25.
Read: Eric Quizon, nilinaw na hindi exclusive sa NET25 ang Star Center artists
“Okey naman sila,” say ni Eric nang mainterbyu namin noong Pebrero 13, 2024, sa office ng Brightlight Productions sa Samar Avenue, Quezon City.
“We’re on the verge of turning a new leaf for them. Kasi nung una, pinakita namin yung journey nila kung papaano sila naging artista.
“So ngayon naman, parang ang gagawin namin is, we’re going to do a musical-variety show.
“Parang ano siya, parang That’s Entertainment. Kasi I think, kung babalikan pa rin natin, tama pa rin talaga si Kuya Germs, e.
“In order for you to hone your craft, you have to have a venue, na puwede mong mapraktis o ma-enhance yung mga talents mo.
“Kasi yung variety show na gagawin namin, magho-host sila, kakanta sila, sasayaw sila. At may mga acting skits din.
“So, ganun yung format.”
Kasama ba siya roon bilang pangunahing host o mentor, para masabing siya ang bagong German "Kuya Germs" Moreno?
“Hindi. Hindi naman. Una sa lahat, mahirap pantayan si Kuya Germs. Kumbaga, parang haligi yan,” tugon ni Eric.
“At pangalawa, hindi ako kasali dun. I want the kids to shine on their own. Hayaan mo sila. Behind the scenes na lang ako.”
Starkada ang title ng nasabing musical-variety show.
Bilang head ng NET 25 Star Center, maihahalintulad si Eric kay Johnny Manahan o Mr. M na nagpasimuno ng Star Magic sa ABS-CBN.
“Parang ganun. Mr. Q na nga ang tawag nila sa akin,” pakli ni Eric.
Kabilang sa Starkada sina Bo Bautista, Drei Arias, John Heindrick, Shira Tweg, Jannah Madrid, Arwen Cruz, Aaron Gonzalez, Gia Gonzales, Celyn David, Crissie Mathay, Mischka Mathay, David Racelis, Dana Davids, Gera Suarez, at Jam Aquino.
Nandiyan din sina Juan Atienza, Kanishia Santos, Migs Rubia, Marco Ramos, Miyuki de Leon, Nate Reyes, Nicky Gilbert, Ornella Brianna, Patrick Roxas, Rachel Gabreza, Shanicka Arganda, Sofi Fermazi, Tim Figueroa, Via Lorica, Yvan Castro, Victoria Wood, at Zach Francisco.
Eric Quizon (with eyeglasses) with the Starkada talents
Siyangapala, ongoing pa rin sa NET 25 ang 3-in-1 nina Maricel Soriano, Epy Quizon, Vandolph, at Eric. Meron ding movie project na isusyut si Eric sa Marso sa U.S.
NOEL FERRER
Puwedeng lumabas ang Starkada talents sa ibang TV network.
Sabi ni Eric, “They’re open to work outside. Kasi ang NET 25 naman, nag-uumpisa pa lang din namang mag-grow.
“Kaya lang siyempre maganda na yung mga bata, mag-grow with the growth of the network.
“However, sayang kasi yung opportunity kung hahayaan ko na… kung merong mag-offer sa kanila…
“Kamukha nun, pinapunta ko si Roselle [Monteverde] the other day, ininterbyu ko as a producer.
“Kasi merong challenge na hosting challenge yung mga bata, e. So, pinainterbyu ko si Roselle, si Ara Mina. Marami akong pinainterbyu.
“So prinesent ko yung mga kids. After nung interbyu, sabi niya, ‘Dalhin mo sa akin ang mga batang ito.’ Di ba?
“Sabi ko, yehey! At least, yung intensiyon ko na mapansin niya yung mga bata, it happened. Napansin niya.
“Sabi niya, ‘OK sila, ha? Sige, ibigay mo sa akin ang mga pictures.’”
All the best, Eric, on your big dreams for the NET 25 talents. And yes, in following the footsteps of our dear Mr. M.
Speaking of Mr. M, nasaan na nga ba si Mr. M na kabi-birthday lang? Nasa GMA-7 pa rin ba siya?
We are awaiting for his usual pioneering and visionary moves for talents and the TV industry as well.
Nabanggit na rin lang ang Star Magic, magbabalik ang Star Magical Prom sa Marso 14, at mapapanood iyon nang live sa YouTube channel ng Star Magic.
Sa pinost na teaser ng ABS-CBN, sumayaw ang lead stars ng Zoomers na sina Criza Taa at Harvey Bautista, at nag-transform bilang prinsipe at prinsesa.
Fairy tale ang tema ng Star Magical Prom this year.
May chance ang piling fans na makamit ang pangarap na magkaroon ng fairytale prom journey sa "Once a Fan A Time."
Mag-post lamang ng isang creative at unique promposal video kung saan tinatanong nila ang kanilang idolo para maging date sa naturang gabi sa kanilang Facebook, X, Instagram o TikTok account kasama ang hashtag na #OnceAFanATime.
Dalawang mapipiling fans ang magkakaroon ng magical prom makeover sa tulong ng fairytale glam mothers at makakasama ang stars na rumampa sa ivory carpet.
GORGY RULA
Noong nakaraang Nobyembre pa nag-umpisa ang Call for Nominations sa Order of National Artist.
Hanggang Hunyo 30, 2024 ang pagno-nominate. Anim na buwan ang research, Hulyo hanggang Disyembre 2024.
Kasunod niyon ang limang buwan na deliberasyon, Enero hanggang Mayo 2025.
Ang awarding at conferment ay sa Hunyo 30, 2025.
May nag-nominate na ba uli sa ama ni Eric na si Dolphy para maging National Artist?
“Yun ang hindi ko alam. Ahh wala akong balita doon,” pagtatapat ni Eric.
“But usually talaga, there are people who really rally for my dad. Meron talaga.
“Parang whenever they open up… every time na may nomination, he always gets nominated.
“Pero kami naman, kung ibibigay, then OK. Kung hindi, OK lang din. Basta sa akin… my dad’s biggest contribution is that he made a lot of people happy.
“So, kaya kaming mga anak, ang gusto lang namin talaga is to continue his legacy.
“So, marami, maraming mga pending projects. Even like mga pagkain, mga franchisees, they want to tie up with us and use my dad’s name or picture.”
Read: Eric Quizon remembers dad Dolphy's huling habilin: "Ayoko ng away-away."
May whiskey na gumamit kay Dolphy. Hindi iyon authorized ng pamilya niya.
Pahayag ni Eric, “Up to now, nagbebenta pa rin sila. Kaya inaasikaso na namin yung mga papeles namin.
“Kasi anytime, ire-raid na namin sila. Kasi up to now, they’re still selling whiskeys with my dad’s face on it.”
Kumusta yung mga property na iniwan ni Dolphy at dine-develop nila?
“OK naman. Yung sa Calatagan, sold out na siya. We’re planning to expand,” pagbabalita ni Eric.
“Tapos may mga ibang projects, e. Like meron sa Antipolo. Tapos dun din sa Calatagan, we’re putting up a hotel. Maliit lang siya, Dolphy Manor.
“And then yung hotel na yun, andun din yung museum ng daddy ko. So, parang yung hotel is a structure na parang events place siya.
“Kasi yung loob niya, think Manila Peninsula. Merong parang courtyard sa loob. Tapos may grand staircase.”
View this post on Instagram
Kailan mag-o-open ang Dolphy Museum?
“Medyo matagal pa yan. Kasi nandudun pa lang kami sa planning stages ng pagpapatayo sa kanya.”
Read: Quizon family, hinihintay na lang ang "blessings" mula sa mga ari-arian ni Dolphy