GORGY RULA:
Napansin ng netizens sa May 18, Saturday episode ng It’s Showtime ang kantiyaw nina Vice Ganda sa dating lovelife ni Kim Chiu.
Pero napag-usapan din sa X na may hashtag na #ShowtimeMAYganern ang tila patutsada ni Vice Ganda sa Philippine Airlines.
Nangyari rin ito sa segment ng EXpecially For You kung saan ay pinag-usapan ang paraan ng pagpapahatid ng mensahe noong unang panahon.
Iba kasi ang noong araw na karamihan ay idinadaan sa love letters, o kaya makipagtelebabad sa telepono ng kapitbahay o kaya sa katabing tindahan.
Napag-usapan din nila ang crossline noong araw kapag may nagtatawagan sa telepono.
Sinariwa pa nina Vice Ganda at Vhong Navarro na sa eskuwelahan ay ginagawa pang eroplano ang love letter, at paliliparin papunta sa taong papadalhan mo ng sulat.
Pero iba ang hirit ng Unkabogable Star. Aniya, “Ginawa ko yan dati yung bet ko talaga, ginanun ko ang eroplano, hindi umabot. Delayed yung eroplano.
“Papel pala sa PAL yung nagamit ko. Kaya hindi umabot. So ganun, delayed siya.”
Napatili na lang si Kim Chiu at wala nang nag-follow up na komento sa hirit niya.
Matatandaang hindi ito ang kauna-unahang pagkakataon na tinawag ni Vice ang pansin ng PAL.
Noong October 2023 ay naging viral ang reklamo ni Vice sa PAL dahil sa “overbooking” issue kunsaan mismong siya ay nawalan ng upuan.
READ:
Vice Ganda airs frustration over “overbooked” flight; airline company issues apology and explanation
Vice Ganda commended for "Piliin Mo Ang Pilipinas" video
Pero agad naman itong inimbestigahan at inaksyunan ng PAL, na naglabas din ng kanilang statement tungkol sa isyu.
JERRY OLEA:
Na-late ng dating si Vice Ganda sa It’s Showtime noong Biyernes, Mayo 17.
Na-delay pala ang flight niya pagbalik ng Maynila.
Hindi nabanggit kung saan siya nanggaling. Pero hindi na nakasali si Vice Ganda sa mga naunang segment.
Pagsisimula pa lang ng EXpecially For You siya dumating, dahil na-delay ang flight niya pabalik ng Maynila.
Hindi pa nakapag-move on si Vice Ganda, nagpasaring pa siya sa PAL kinabukasan.
Iyun na!
READ:
What makes Vice Ganda agree to an endorsement?
Vice Ganda responds to critics of “pisikalan” jokes in It’s Showtime
NOEL FERRER:
Nakaka-relate ako kay Vice. Sa recent trip ko sa U.S., na-cancel naman ang trip ko back through PAL.
Pero buti may United Airlines naman na sumalo. At efficient naman.
Nangyayari talaga ang mga delays at cancellation na iyan! Basta sana, isolated case lang iyung mga ganyan at hindi sana maging kalakaran.
READ:
Vice Ganda pokes fun at Francine Diaz-Orange & Lemons gig issue