JERRY OLEA:
Nakipagsaya sina Charo Santos-Concio at Barbie Forteza sa 81st birthday celebration ni Boots Anson Roa-Rodrigo noong Enero 30, 2026, Biyernes, sa Kalayaan Hall ng Club Filipino, Greenhills, San Juan City.
Kabilang sina Barbie, Ma’am Charo, at Nova Villa sa mga huling nag-abot ng white rose kay Tita Boots sa pag-uumpisa ng programa.
Surprise kay Tita Boots na aabutan siya ng 80 white roses ng mga panauhin, habang nagsasayawan ang mga tao sa saliw ng Dancing Queen.
BOOTS ANSON ROA-RODRIGO LAUNCHES GRATEFUL
Siyempre, ang huling nagbigay ng white roses kay Tita Boots ay ang husband niyang si Atty. Francisko “King” Rodrigo Jr., na publisher ng libro ni Tita Boots na Grateful.
Doon na rin ang book launch ng Grateful, na ang host ay si Butch Francisco.
Katabi ni Tita Boots si “Tito” King nang kantahan ang celebrator ng “Happy Birthday” sa tono ng folk song na "Paru-parong Bukid."
Co-stars ni Tita Boots sina Barbie at Ma’am Charo sa pelikulang Until She Remembers, sa direksyon ni Brillante Mendoza.
Ipinalabas sa party ang trailer ng pelikula na magso-showing sa mga sinehan sa Pebrero 25, 2026.
CHARO SANTOS-CONCIO TRIBUTE SPEECH
Kabilang sa mga nagbigay ng mensahe kay Tita Boots sa programa sina Ma’am Charo at FDCP Chairperson Jose Javier Reyes.
Pagbati ni Ma’am Charo, “Happy birthday, Tita Boots! Thank you very much for the friendship.
“Now let me explain why I call Miss Boots Anson-Roa ‘Tita Boots’ kahit na ten years lang po ang difference ng edad namin.
“You know, I first met Tita Boots when I was 17 years old. So she was 27. I’m originally from Calapan City, Oriental Mindoro.
“And when my family moved to Manila, I was requested to join the pageant Miss Green Race [1974]. This is a project of the former First Lady Imelda Marcos. It was called the Green Revolution.
"Sa mga kabagets natin, siguro you must have heard about it, 'no?
“So on the night of the finals, all the finalists were asked to stand in line and greet the judges.
“Tita Boots was there. She was with the late Fernando Poe Jr. And when I saw her, I felt like I saw an apparition of Mama Mary.
“Wala pong biro. Talagang nakanganga ako. Sabi ko, ‘Oh, my god! This is Mama Mary in person!’
“You know, because her aura was so radiant. Her light was really shining through and she was so pretty and so elegant.
“And Tita, that image is still here,” pagmumuwestra ni Ma’am Charo, bago nagpatuloy.
"And I’m very proud to say that she was the one who crowned me Miss Green Race.” Nagpalakpakan ang mga bisita.
NOEL FERRER:
Ipinagtapat ni Charo Santos-Concio na fan siya ni Boots Anson Roa-Rodrigo noon pa mang dekada ‘70.
Pinanood daw niya ang TV shows at movies ni Tita Boots. Ilan sa mga paborito ni Ma’am Charo na pelikula ni Tita Boots ay Wanted: Perfect Mother (1970), Santiago! (1970), Ang Uliran: Imelda (1970), Tatay na si Erap (1972), Ander Di Saya si Erap (1973), Isang Gabi, Tatlong Babae (1975), at ang prinodyus ng Star Cinema na May Minamahal (1993).
Iyong May Minamahal ay pinagbidahan nina Aga Muhlach at Aiko Mendez, sa direksyon ni Jose Javier Reyes.
Ginawa iyon ni Tita Boots pag-uwi niya sa Pilipinas matapos ang ilang taong paninirahan sa U.S.A.
Pahayag pa ni Ma’am Charo, “As an actress, Tita Boots was very professional. She’s consistently prepared, disciplined and respectful on the set.
"Never arrogant. Despite her stature, she treats everyone as an equal. Kaya bagay talaga sa kanya na maging pinuno ng Mowelfund [Movie Workers Welfare Foundation, Inc.].
“Dahil napakalakas po ng empathy niya for other people.”
Namataan din natin sa pagtitipon ang isa pang mala-Mama Mary na mentee ni Tita Boots, ang AKTOR President na si Iza Calzado with Maricel Laxa, Isay Alvarez, and Robert Seña.
Sa aming ekslusibong panayam kay Tita Boots sa Level Up sa Radyo Katipunan, nasabi niya ang ilang detalye na wala sa kanyang Grateful na libro.
Sa tanong ko kung ano iyung bagay na hindi pa niya nagagawa at gusto niyong maisakatupuran, buong ningning na sinabi ni Tita Boots na kasama nina Ma’am Charo Santos at Tita Helen Gamboa, gusto niyang sumayaw sila sa ASAP.
Iyung todo rehearsals hanggang magkandasakit-sakit ang kanilang katawan. Iyung HipHop, aniya! Tingnan natin kung matutuloy iyang birthday wish na iyan… sana!!!
GORGY RULA:
Maliban sa pag-aartista, naglaan ng oras si Boots Anson Roa-Rodrigo sa public service at mga adhikain upang i-uplift ang kapwa.
“Tita Boots speaks with clarity. With intention. With kindess. She listens deeply and responds with empathy,” saad pa ni Charo Santos-Concio.
“And when facing personal loss, career transitions, or public scrutiny, she carries herself with composure, steady and dignified.
“Really, she’s a picture of grace under pressure. And even after decades in the industry, she continues to approach acting with curiosity and respect.
“Proving that growth doesn’t stop with age. I think, our recent project, Until She Remembers, is a wish fulfillment for the both of us.”
Sa pagkakatanda ni Ma’am Charo, Marso 2025 nang magkausap sila ni Tita Boots doon din sa Club Filipino, kunsaan minanifest nila na makagawa sila ng movie kung saan lovers ang papel nila.
“Not as sisters, not as mga tita, but as special friends. Lovers at a time when it was frowned upon by society,” sabi ni Ma’am Charo.
Setyembre 2025 nang i-offer sa kanila ni Direk Brillante Mendoza ang Until She Remembers na isang lesbian story.
Oktubre 2025 nila iyon syinuting.
Dagdag ni Ma’am Charo, “It’s a beautiful story and I hope you get to catch it in the cinemas. It’s opening on February 25.
“It is directed by—talagang nag-plug na ako—Direk Brillante Mendoza.
"To me, the most important quality of Tita Boots is she is a genuine person. She doesn’t perform a persona off camera.
"And this authenticity builds trust and leaves a lasting impact."
Nag-request si Ma’am Charo sa mga bisita na tumayo (kung gusto nilang tumayo, OK lang sa seniors na manatiling nakaupo) and raise a glass for Tita Boots.
May lechon sa pagtitipon, na pinilahan ng maraming senior citizens na bisita, kaya ang laman ng mga basong itinaas para kay Tita Boots ay hindi alak o champagne kundi tubig o iced tea.
Ang husband ni Tita Boots na si “Tito” King ang nag-abot kay Ma’am Charo ng isang basong may tubig.
Toast ni Ma’am Charo, “Tita Boots, thank you very much for all the qualities of a good person that we emulate about you.
“We wish you the best. We wish you much, much happiness! And much, much more love from Tito King and your family.
“And many more wonderful adventures! Thank you very much, Tita Boots… happy birthday! Cheers!!!”
READ MORE STORIES
- Rhian at Michelle, inireklamo ng torture at illegal detention
- Michelle Dee, sinampahan ng qualified theft ang driver ni Rhian
- VACC supports driver's complaints vs Rhian, Michelle, Samantha
- Sam Verzosa, Wil Dasovich dawit sa isyu ng driver ni Rhian Ramos
- Samantha Panlilio camp refutes allegations of Rhian's driver