Espesyal ang pagdiriwang ng ika-26 kaarawan ng actress-singer na si Maymay Entrata.
Bukod sa natanggap na pagbati mula sa malalapit niyang kaibigan at fans, may espesyal pa siyang performance sa ASAP Natin 'To nitong Linggo, May 7, 2023.
Sa unang pagkakataon, inawit ni Maymay sa ASAP Natin 'To stage ang latest single niyang "Autodedma."
Mas lalo pa itong naging espesyal dahil live siyang pinanood ng kanyang Canadian boyfriend na si Aaron Haskell.
Ayon sa Kapamilya star, mula Canada ay lumipad pa patungong Pilipinas si Aaron para makasama siya sa selebrasyon ng kanyang kaarawan.
Hindi rin daw niya sukat-akalaing sasamahan siya nito lalo na't may taglay na pagkamahiyain ang nobyo.
Pahayag ng "Autodedma" singer, "Gusto ko lang magpasalamat sa kanya kasi sobrang mahiyain po talaga siya."
Ito rin daw ang unang beses na makita siyang mag-perform ni Aaron.
Sabi ni Maymay, "Thank you rin po sa ASAP family po dahil binigyan niyo po kami ng pagkakataon na nandito po siya, mapanood ako for the first time mag-perform.
"Thank you, sobrang na-appreciate ko yun."
Sa likod ng tinatamasang tagumpay sa career, buhay, at love life, ano pa kaya ang birthday wish ni Maymay?
Aniya, "Ang birthday wish ko po, in general na lang talaga.
"Nasa imperfect world kasi tayo kaya nawa po talaga mangibabaw yung pagmamahal at kabutihan po natin sa bawat isa.
"Magiging possible lang po yon kapag nagde-defend po tayo sa perfect one kundi yung Panginoon.
"Kasi hindi ko ma-imagine yung buhay ko kapag wala Siya sa buhay ko kasi, kasi kung wala Siya, wala rin yung mga taong nagmamahal sa akin."
Valentine's Day noong February 2022 nang buksan ni Maymay sa publiko ang tungkol sa relasyon nila ni Aaron.
Nasa Canada noon si Maymay para mag-aral ng acting lessons at makasama ang nobyong nakabase roon.
Kahit na magkalayo, masaya raw si Maymay sa piling ni Aaron at panatag siyang tapat at higit na mas mahal siya nito.
Read: Maymay Entrata reveals what she likes most about boyfriend Aaron Haskell
Sa panayam niya sa Star Magic Inside News noong June 8, 2022, ibinahagi rin ni Maymay ang mga katangian ni Aaron na nagustuhan at minahal niya.
Read: Maymay Entrata on boyfriend: "Ganito pala ang feeling na ako naman yung priority."
"Very mature na siya, sobrang madiskarte siya sa buhay, very mapagmahal sa family.
"Awww... Napaka-caring niya talaga, hindi lang sa salita, pati sa gawa.
"Ang maganda dun, pag consistent yung taong nagmamahal sa iyo, araw-araw kang napu-fall, hindi lang sa umpisa.
"Oh my god! Ganito pala ang feeling na ako naman yung priority."
Read: Maymay Entrata calls boyfriend Aaron Haskell her “true love” on Valentine’s Day