Dali-daling nagtungo sina Bianca Gonzalez at Robi Domingo sa Pinoy Big Brother (PBB) house sa may Eugenio Lopez Drive, Diliman, Quezon City, nang malaman nilang sinisimulan na ang pagde-demolish sa ilang parte nito.
Noong May 13, 2023, mismong si ABS-CBN executive Laurenti Dyogi ang nag-anunsiyo sa publiko na ginigiba na ang ilang bahagi ng PBB house.
Read: Is PBB house closing its doors for good? Laurenti Dyogi's IG post triggers nostalgia
Natapos na kasi ang lease contract ng nasabing gusali. Hindi na rin daw praktikal na ito'y i-renew lalo na't hanggang ngayon ay wala pa ring panibagong prangkisa ang ABS-CBN.
Read: President Ferdinand Marcos Jr. answers issue about ABS-CBN franchise renewal
Sina Bianca at Robi ay parehong naging housemates at kalaunan ay naging hosts ng programa.
Read: Bianca Gonzalez cries after PBB Big Night; thanks fans for support
Noong Lunes, May 15, 2023, sa Instagram, muling binalikan at sinariwa ni Bianca ang masasayang alaala nila sa loob ng PBB house.
Kalakip ng kanyang post ang kuhang litrato nila ng co-host niyang si Robi sa harap ng ginigibang gusali.
Ayon kay Bianca, sa bawat sulok at pasilyo ng PBB house ay mayroon siyang naaalala na kahit ito'y mabuwag ay hinding-hindi niya makakalimutan.
Read: Toni Gonzaga "voluntarily" leaves Pinoy Big Brother; entrusts main hosting job to Bianca Gonzalez
Mababasa sa kanyang post (published as is), "When we found out that half of the PBB House would be demolished soon, we HAD to visit.
"Too many memories on this side of the house: from the hallways that saw our highest highs and our lowest lows (if those walls could talk!!!), from our small studio inside where we did hundreds of spiels (and blunders), to the balcony tambayan when things got too heated (or it was too cold) inside, to this not so secret door where fans of the housemates patiently waited for hours.
"Good times and unforgettable memories."
Dagdag pa ni Bianca, "As @direklauren said, "We still have the main PBB House and control room which hopefully we still get to use for the next PBB edition... it's an end of an era but hopefully we move on find a better home in the future!"
Si Bianca ay naging housemate sa Celebrity Edition ng PBB noong 2006 kung saan siya ay naging Big Third Placer.
Kalaunan ay naging host siya reality show.
Read: ABS-CBN still weighing options about franchise renewal
"whatever happens, you'll always be our home."
Maging si Robi ay hindi rin napigilang maging sentimental sa pagdalaw sa itinuturing niyang pangalawang tahanan.
Sa kanyang Instagram post nitong Martes, May 16, sinabi ni Robi na mawala man ang ilang parte ng kilalang gusali, ay hindi nito mabubura ang alaalang naging tahanan nila ito sa mahabang panahon.
Aniya, "A part of the house may be gone but whatever happens, you'll always be our home."
Si Robi ay naging housemate sa PBB Teen Edition Plus noong 2008, kung saan itinanghal siyang Second Big Placer. Noong 2011 naman siya naging regular host ng show.
Noong 2004 nang maitayo ang PBB house.
Ilan pa sa mga kilalang personalidad na nagsimula sa PBB bilang housemate ay sina Kim Chiu, Melai Cantiveros, Zanjoe Marudo, Beauty Gonzalez, James Reid, Joshua Garcia, at Maymay Entrata.
Read: Lopez Family to demolish old ABS-CBN building, says report