Boto si Miss Philippines Earth 2016 Imelda Schweighart sa pagkapanalo ni Miss USA Abena Appiah bilang Miss Grand International 2020.
Ang nakalaban ni Abena sa titulo ay ang kapwa Pilipino ni Imelda na si Samantha Bernardo, na hinirang namang first runner-up.
Sa tingin ng Filipino-Austrian ex-beauty queen, walang “cooking show” o hindi luto ang naging resulta ng Miss Grand International na ginanap noong Sabado, March 27, sa Bangkok, Thailand.
Pahayag ni Imelda sa kanyang Facebook post kagabi, Match 28, “I’m in no position to state my opinion on this one but there was no cooking show.”
Napakalinaw rin daw ng sagot ni Abena sa final question ng timpalak—kung kanino niya ibibigay ang huling COVID vacccine, sa 15-year-old o sa isang senior citizen.
Pinili ni Miss USA ang "16-year-old" dahil ang mga kabataan daw ang kinabukasan natin.
Sabi pa ni Imelda, “Miss USA gave me goosebumps, authenticity, original pasarela, a diplomatic answer and i think it’s well deserved.
“I am mere a national title holder only, and have consciously sabotaged my international stint because it doesn’t fulfill me.”
Nagbitiw sa kanyang reign si Imelda bilang Miss Philippines Earth 2016 matapos siyang matalo ni Miss Ecuador Katherine Espin sa Miss Earth 2016.
Ito ay matapos makuhanan ng video ang panlalait niya kay Miss Ecuador habang kausap ang kanyang mga tagahanga pagkatapos ng pageant.
Dagdag pa ni Imelda sa kanyang post, “But i know how to win. My pageant skills and knowing is very much satisfied with the performance and the appearance of the winner.
“It’s raw yet tact and queenly. It’s so my style!!”
Puring-puri rin niya si Abena na sobrang pinaghandaan daw ang international pageant.
Ani Imelda, “Let’s talk about the vibe of her answers, i can hear my ancestors speaking to me.
“So prepared with her speeches. Like a real queen.
“This is the thing about performing art, you got to be it, and i think she would do well to represent the organization along with her advocacies."
“PROUD OF SAM”
Dagdag pa ni Imelda, nag-level up na raw ang Miss Grand International (MGI) dahil tumigil na ito sa pagpili ng mga “fake-looking women.”
Sabi nito, “Miss Grand International has shifted from choosing fake looking women to hiring natural looking women as their ambassadress.”
Sa kabilang banda, proud din daw si Imelda sa kandidata ng Pilipinas na si Samantha Bernardo.
Aniya, “Proud of Sam for representing not only Palawan but the whole country.
“She showed perseverance, grit, grace. I’m glad to have pushed her to join Binibini again.
“Love, Imelda”
Sa ngayon, tila hindi pa rin tanggap ng Pinoy pageant fans na tinalo ni Abena si Samantha dahil lutang daw nang di hamak ang ganda at talino ng ating kandidata laban sa pambato ng United States of America.
Kaya naman nabalingan ng netizens ng bashing—hindi lamang ng mga Filipino kundi maging ng ibang lahi—ang may-ari ng MGI na si Nawat Itsaragrisil.
Ito raw kasi ang tanging nagdedesisyon sa timpalak kahit may mga hurado ang pageant.
Wala pang sagot si Nawat sa mga akusasyon laban sa kanya.