Isa sa labis na natuwa sa pag-amin ni Heaven Peralejo na sila na ni Kiko Estrada ay ang kaibigan ng young actress na si Sarah Carlos.
Sa post ni Heaven tungkol sa relasyon nila ni Kiko, nag-comment si Sarah na bagay raw ang dalawa.
View this post on Instagram
Aniya, “BAGAY PO KAYO OMG!! [three red hearts emojis] @heavenperalejo [orange heart emoji]”
Pero dahil sa simpleng komento niyang ito, kinuyog ng netizens si Sarah.
Sabi ng isa, “@carlos.sarah sipsip”
Sinagot ito ng dating Prima Donnas star.
Paano raw siya naging sipsip gayong wala naman siyang nakukuha sa pagkakaibigan nila ni Heaven.
Buong sagot niya, “How am I sipsip if I don’t get anything from my friendship with her? Like.. chill.
"I didn’t even know there was an issue but even with, who are we to judge? Perfect kayo?”
Dahil sa sinabi ni Sarah na hindi niya alam na may issu, isang netizen ang napatanong: “seryuso ka?”
Ang tinutukoy marahil ng netizen ay ang breakup ni Kiko at ng dati niyang nobya na si Devon Seron na napabalita noong Marso ng taong kasalukuyan.
At ang itinuturong third party sa hiwalayan nila ay si Heaven.
Magkasama sina Heaven at Kiko sa teleserye ng ABS-CBN na Bagong Umaga.
Mariing pinabulaanan ni Heaven na may kinalaman siya sa paghihiwalay nina Kiko at Devon.
Nanindigan si Sarah na hindi niya alam na may isyu pala, pero sino raw ba tayo para manghusga.
Aniya, “I wasn’t informed there was an issue but guys, chill. We’re not one to judge."
Ayon sa isa pang nagkomento, nagmamaang-maangan lamang si Sarah ukol sa isyu kina Heaven at Kiko.
Sabi nito, “birds of a feather flock together [winking face, face with tongue emojis] kunwari kapa ehh lols [peace sign emoji]”
Pero giit ni Sarah, hindi niya alam na may isyu at sa pagkakakilala raw niya kay Heaven ay duda siyang "may foul play."
Buong komento niya, “HAHAHA Gaga ka. [face of joy emojis] But for real though, hindi naman ako informed na May issue and knowing Heaven, I honestly doubt na May foul play talaga. But yeah, believe what you want to believe nalang po. :)”
“I DON’T KEEP UP WITH CHISMIS”
Sabi ng isa pang nagkomento, “bulag at binge ka? Wahahah”
Sagot ni Sarah, hindi siya mahilig sa mga tsismis.
Tugon niya, “I don’t keep up with chismis. :)) And I’d rather hear what personalities have to say about an issue through interviews, not tabloid articles because I know how those can be clickbait most of the time. :)”
Puna ng isa pang netizen, best supporting actress daw si Sarah sa kakatanggol kay Heaven.
Panunuya pa nito, “keep it up ghorl!! Best supporting actress [ zany face, face with rolling eyes, grinning face with sweat emojis]”
Komento ni Sarah, "Ghorl, I just know Heaven better than you po. But like I said, you guys believe what you want to believe. :)”
Ipinaalala naman ng isa pang netizen kay Sarah ang mga dating isyu na ikinakabit sa pangalan ni Heaven kaya hindi raw ito gusto ng ibang mga nakatrabaho nito.
Aniya, “di mo ba alam dami n din kasama si heaven n nag react before s issue na yan., di ka din informed? That’s why they don’t like her lol"
Pagtatanggol naman ni Sarah sa kaibigan, “I don’t know how other people feel about Heaven but if you can send me a news article saying that then go ahead. I’d love to read it.
"But if it’s anything like the Pacquio credit card issue like before.. uhmmm girl. No more comment kasi at the end of the day po, people will believe what they want to believe.
"But ok, kakagat ako. Let’s assume na May foul play and everything. Parang si boy naman ata, according to interviews, said na single siya nung April?
"So he probably broke up with his ex because he was falling for Heaven? Won’t that be better than having him cheat?
"And if 'inagaw' talaga niya si boy, BAKIT NAMAN NAGPAAGAW SI BOY? Food for thought lang. but yeah, this is such a debate-able topic which no one wins in.”
Dagdag pa niya, “HAHA sorry. May time ako. Anyway, I have to go. But thanks for not throwing around insults and asking me questions first. Apart from the bulag and bingi part. Medyo mean ka dun!”
Sabi naman ng isa pang netizen, “ganun tlga ghorl pag same ng gawain! Sana makatulog ka ng mahimbing”
Tugon ni Sarah, “Ok by that logic, I haven’t stolen someone else’s man so I guess Heaven is *gasps* innocent?? You too! Matulog ka na! :)”
SNAKE EMOJIS IN HEAVEN'S POST
Samantala, sa latest Instagram post ni Heaven kahapon, August 16, bumaha ng “snake emojis” sa comments section.
View this post on Instagram
Walang sinagot si Heaven ni isa sa mga ito.
Kinumpirma nina Heaven at Kiko ang kanilang relasyon noong August 13 sa pamamagitan ng Instagram.
Bago pa rito, namataang magkasama sa Boracay ang dalawa at sa isang pagtitipon sa bahay nina Heaven.
Wala pang pahayag si Devon ukol sa rebelasyon ng ex-boyfriend at ni Heaven.
Use these Klook promo codes when you shop or order online. Marami pang ibang coupons dito.