Si Paolo Contis, 37, ang mismong nagkumpirma na magkasama sila ni Yen Santos, 29, sa isang romantic dinner date.
Base ito sa Instagram Story ni Paolo kagabi, November 20.
Habang isinusulat ang artikulong ito ay makikitang naka-tag si Yen sa post ni Paolo.
Hindi agad makikita na naka-tag si Yen sa post ni Paolo dahil naka-camouflage ito.
Kailangan pang pindutin ang background color sa ibabang bahagi ng post ni Paolo para makitang naka-tag nga si Yen.
Pati mga netizen na nagpadala ng mensahe sa PEP.ph (Philippine Entertainment Portal) ay napansin iyon.
Sa selfie photo ni Paolo, masisilayan ang white curtain at Christmas lights na dekorasyon sa likuran niya.
Tugma iyon sa hiwalay na Instagram Story ni Yen na nagpapakita ng litrato ng isang venue para sa isang romantic dinner date.
May set-up na dinner table for two sa isang gazebo na may palamuting Christmas lights at white curtain.
Kalakip nito ay caption ni Yen na "birthday dinner" patungkol sa selebrasyon niya ng kanyang ika-29 kaarawan.
Hindi naka-tag si Paolo sa post ni Yen.
Pero malinaw na magkasama ang dalawa base sa tag ni Paolo.
PAOLO AND YEN'S CRYPTIC EXCHANGE ON INSTAGRAM
Hindi ito ang unang pagkakataong may camouflaged Instagram Stories sina Paolo at Yen para sa isa't isa.
Noon lamang Lunes, November 15, nag-post si Paolo ng "good morning" selfie kunsaan naka-tag si Yen.
Noong unang linggo rin ng November 2021, may Instagram Stories din sina Paolo at Yen kunsaan mahihinuhang nagpalitan sila ng mensahe at pinatutungkulan nila ang isa't isa.
Bunsod nito, patuloy ang espekulasyon hinggil sa hinihinalang pagkakamabutihan ng dalawa.
Narito ang reaksyon ng netizens:
Nagkatambal sina Paolo at Yen sa Faraway Land, isang online streaming movie na ipinalabas noong August 2021.
Kinunan iyon sa Faroe Islands sa Denmark mula November 24, 2020 hanggang December 9, 2020.
August 19, 2021 nang pumutok ang balitang hiwalay na si Paolo at longtime partner na si LJ Reyes matapos ang anim na taong pagsasama.
Itinuro si Yen na diumano'y third party matapos mamataang magkasama sila ni Paolo sa Baguio noong August 27.
Noong September 8, kinumpirma ni Paolo na totoong nagkita sila ni Yen sa Baguio, pero idiniin niyang "as a friend" lang ang turingan nila.
Hindi raw third party si Yen sa breakup nila ni LJ noon.
Use these Nike promo codes when you shop or order online. Marami pang ibang coupons dito.
