Pinasilip na nina Paulo Avelino at Janine Gutierrez ang kanilang work-and-play moments sa Amerika.
Sa Instagram ni Paulo kahapon, March 28, 2022, ipinakita niya ang litrato ng isang babaeng nakatalikod habang naglalakad sa beach sa Santa Monica, California.
Walang caption na inilagay si Paulo at wala rin siyang tinag kung sino ang babaeng kasama, pero naniniwala ang netizens na si Janine iyon.
Tugma kasi ang suot na sneakers ng babae sa sneakers na suot ni Janine sa Instagram post ng aktres noong March 27.
Hindi rin kaila na magkasama sina Paulo at Janine sa U.S. dahil guests sila sa concert tour ni Ogie Alcasid na OA sa Love in the USA.
Nitong Martes, March 29, 2022, si Janine naman ang nagpakita ng litrato nila ni Paulo na magkahawak-kamay sa stage.
Kuha iyon sa first night ng concert ni Ogie sa Glendale, California.
Kinilig nang husto ang PauNine—Paulo at Janine—fans na nag-aabang ng update tungkol sa dalawa.
JANINE ON "MASAYANG LEVEL" WITH PAULO
Bago umalis patungong U.S., tinukso at pinaaamin ng PEP Troika sina Paulo at Janine tungkol sa hinihinalang espesyal na ugnayan nila.
Hindi naman itinago ni Janine na nasa "masayang level" ang ugnayan nila ni Paulo.
Read: Janine Gutierrez at Paulo Avelino, nasa "masayang level" na ang relasyon; aamin na ba?
Maging si Paulo ay dati pang humihirit ng "no questions asked" na posibleng mahulog ang loob niya kay Janine.
Dati nang magkaibigan sina Paulo at Janine na nagkatrabaho sa pelikulang Ngayon Kaya, na hindi pa naipalalabas sa mga sinehan.
Lalo silang naging malapit sa isa't isa nang magkatambal sa Kapamilya prime-time series na Marry Me, Marry You, na umere mula September 2021 hanggang January 2022.
Read: Paulo Avelino, Janine Gutierrez reveal going on a date twice
Read: Janine Gutierrez, Paulo Avelino grilled about rumored romance
single and ready to get into a new relationship?
Noong January 2022, namataan pang magkasamang nagbakasyon sina Paulo at Janine kasama sina Cherry Pie Picache at Edu Manzano sa Palawan.
Pero tikom ang bibig ng dalawa kung hudyat na iyon na opisyal silang magkarelasyon.
Kung anu't ano man, parehong single sina Janine at Paulo.
Hiwalay na si Paulo sa model-girlfriend niyang si Jodie Tarasek, habang si Janine ay break na rin sa longtime boyfriend na si Rayver Cruz.