Tatlong taon na ngayong araw, May 5, 2023, mula nang magpaalam sa ere ang dati ay tinaguriang "the country’s biggest network"—ang ABS-CBN.
May 5, 2020, eksaktong 7:52 ng gabi, tumigil ang TV at radio broadcast operations ng Kapamilya network.
Ang makikita na lang sa telebisyon ay black screen.
Read: ABS-CBN went off the air 7:52 tonight, May 5, 2020
Sa Instagram ngayong araw, muling ginunita ng pinakamatagal na TV Patrol anchor na si Noli de Castro ang pamamaalam nila sa ere tatlong taon na ang nakararaan.
Sa live airing ng TV Patrol itinaon ang huling pag-ere ng ABS-CBN sa himpapawid noong May 5, 2020.
Sabi ni Noli, kahit nawalan ng prangkisa ang kanilang istasyon, patuloy pa rin nilang ginagawa ang mga nakasanayang gawain maihatid lamang sa publiko ang balita.
Mabuti na lamang daw at may mga bagong teknolohiya na ngayon.
Buong caption niya: “Tatlong taon na.
“Tinutupad po namin na hindi kami mananatiling nakatikom ang mga bibig…
“itutuloy pa rin po namin kung ano ang aming ginagawa, may mga paraan…
“salamat na lamang po sa teknolohiya, dahil nandito pa rin kami.
“#Kapamilya #kabayan #nolidecastro #abscbn #shutdown #franchise”
View this post on Instagram
View this post on Instagram
Napaso ang prangkisa ng ABS-CBN noong May 4, 2020.
Hindi binigyan ng National Telecommunications Commission (NTC) ng provisional authority ang ABS-CBN upang mag-operate habang ang franchise renewal nito ay nakabinbin sa Kongreso noong panahong iyon.
Bunsod nito, kinailangang itigil lahat ng broadcast operations ng network alinsunod sa kautusan ng NTC.
STATEMENT OF ABS-CBN
Nangyari ang ABS-CBN shutdown noong May 5, 2020.
Kasunod nito ay naglabas ng official statement ang ABS-CBN.
Anila, ipinatigil ang broadcast operations nila sa kabila ng mga senyales na karapat-dapat bigyan ang Kapamilya network ng provisional authority.
Kasama rito ang isang Senate resolution, ang sulat ng committee on legislative franchises ng Kongreso, ang rekomendasyon ng Department of Justice, at ang sworn statement ni dating NTC Commissioner Gamaliel Cordoba.
Binanggit din sa pahayag na nagbigay ng assurance si noo'y House Speaker Alan Peter Cayetano sa isang radio interview na walang hakbang upang ipasara ang ABS-CBN.
Narito ang kabuuang pahayag ng ABS-CBN noong May 5, 2020:
"Millions of Filipinos will lose their source of news and entertainment when ABS-CBN is ordered to go off-air on TV and radio tonight (5 May 2020) when people need crucial and timely information as the nation deals with the COVID-19 pandemic.
"This is in compliance with the cease and desist order issued by the National Telecommunications Commission (NTC) today that prohibits ABS-CBN from continuing its broadcast operations effective immediately.
"Despite Senate Resolution No. 40, the House of Representatives’ committee on legislative franchises’ letter, the guidance of the Department of Justice, and the sworn statement of NTC Commissioner Gamaliel Cordoba, the NTC did not grant ABS-CBN a provisional authority to operate while its franchise renewal remains pending in Congress.
"In an interview with DZMM last week, House Speaker Alan Peter Cayetano even gave an assurance that there is no move to shut down the network.
"ABS-CBN has been providing comprehensive news coverage on the public health crisis and working with local governments and the private sector in providing food and basic goods for those in need through its 'Pantawid ng Pag-ibig' campaign.
"To date, it has delivered over P300 million worth of goods for the benefit of over 600,000 families affected by the enhanced community quarantine.
"We trust that the government will decide on our franchise with the best interest of the Filipino people in mind, recognizing ABS-CBN’s role and efforts in providing the latest news and information during these challenging times.
"ABS-CBN remains committed to being in the service of the Filipino and we will find ways to continue providing meaningful service to them."
MALACAÑANG TO ABS-CBN: EXHAUST ALL LEGAL REMEDIES
Naglabas naman ang Malacañang ng pahayag noong gabing yun tungkol sa pagpapatigil sa operasyon ng ABS-CBN, sa pamamagitan ni dating Presidential Spokesperson Harry Roque.
Nakasaad sa statement na may kalayaan ang ABS-CBN management gamitin ang lahat ng kaparaanang legal upang ipaglaban ang kanilang karapatan sa pamamahayag.
Nagpasalamat din ang Palasyo sa serbisyong inihatid ng Kapamilya network sa bansa.
Gayunpaman, kailangan pa rin daw ng ABS-CBN ng legislative franchise upang makapagpatuloy sa pagbu-broadcast.
Bagamat sinasabi ng Malacañang na nasa NTC ang desisyon tungkol sa franchise renewal ng ABS-CBN, noon pa mang 2017 ay may pahayag na si dating Pangulong Rodrigo Duterte na haharangin niya ang prangkisa ng network.
READ: President Rodrigo Duterte admits using "presidential powers" against ABS-CBN
Ito ay nag-ugat sa sinasabi ng dating Pangulo na panggagantso sa kanya ng ABS-CBN, nang hindi nito inere ang kanyang campaign ads noong 2016 preidential elections kahit bayad na ang mga ito.
Sinundan ito ng pagsumite ng Office of the Solicitor General sa Supreme Court ng quo warranto petition laban sa ABS-CBN noong February 2020, o mahigit dalawang buwan bago mapaso ang franchise ng network.
Si dating Solicitor General Jose Calida—na tumatayong abugado ng administrasyong Duterte at tinawag ng presidential spokesperson na "alter ego ng Presidente"—ang personal na nagsumite ng petition.