Nabanggit kay Ara Mina ang ginawang pasasalamat sa kanya ng beteranang akres na si Deborah Sun.
Bulalas ni Deborah sa storycon para sa pelikulang Unspoken Letters noong Hunyo 13, 2023, "Thank you, thank you so much kay Ara! Napakalaki talaga ng tulong niya sa amin!"
Sa loob daw ng pitong taon ay pinatira nang libre ni Ara si Deborah at ang kanyang mga anak sa kanyang condo unit sa Quezon City.
Sabi pa ni Deborah, "Hindi lang nakatira, pinapadalhan pa ako lagi ng mga groceries three times a year, ng tatlong box.
“Isang toiletries, isang mga de lata, isang cup noodles. Alam mo yung mga ganun, bigas… minsan, padadalhan pa ako ng konting panggastos. Ganun kabait si Ara!”
Read:
- Deborah Sun, pitong taon nang nakatira sa condo unit ni Ara Mina nang libre
- Deborah Sun namedrops celebrities helping her: “Nabubuhay ako sa tulong ng tao.”
Binanggit ito kay Ara during her presscon for her talk show Magandang Araw.
Aniya, "Ilang years ko na rin siyang hindi nakikita kasi through text lang kami. Pero hindi siya nakakalimot every day na magpadala ng word of wisdom.
“So iyon, palagi niya akong kinakamusta. Sabi ko, kahit hindi ako nakakasagot every day, nababasa ko yung mga message niya."
Hindi na nagdetalye pa si Ara tungkol sa naging sitwasyon noon ni Deborah, pero malugod daw sa loob niyang tulungan ito.
Nagpasalamat din si Ara sa gesture ng beteranang artista.
Sabi ng host-actress, "Si Tita Deborah, hindi kami nagkatrabaho, hindi kami magkaibigan, hindi kami magkamag-anak. It’s just ganoon lang ang nangyari, mahabang istorya.
“Isa siya sa masarap na tulungan na tao. Very appreciative. Hindi abusado. Kaya thank you, Tita Deborah, for the kind words.
"And I’m very happy for her kasi, may manager na siya. Sana kunin na siya sa trabaho. Bigyan niyo ng chance ang mga taong nagbabago.”
Read:
- Ara Mina recalls being called “ham actress”; to celebrate 30th anniversary in showbiz
- Ara Mina recalls unpleasant experience with Fil-Am actress
THIRTY YEARS IN SHOWBIZ
Hindi naman napigilan ni Ara ang maging emosyonal sa kanyang mediacon, kung saan naroon ang ilan sa mga entertainment press na sa loob ng 30 taon ay nakasama niya rin.
“Overwhelmed, naiiyak ako, kasi, nami-miss ko yung ganito. Kaya sabi ko, kailangan magkaroon tayo ng media launch, hindi iyong parang sa TV lang. Nakaka-miss din iyong parang dati.
“Naging part kayo ng career ko, for thirty years, kaya hindi kayo pwedeng mawala rito,” saad niya.
Dugtong pa ni Ara, “Aminin na natin, nagbago ang landscape ng entertainment. Sobrang laking pagbabago. Ito yung talagang entertainment. Kayo ang tumutulong sa mga artista. Kayo ang lifeline ng mga shows, mga artista kaya bakit nandiyan pa rin sila.”
Hindi rin biro ang mga pinagdaanan niya sa loob ng 30 taon kaya laking pasasalamat niya na nasa industriya pa rin siya at hindi nawawalan ng projects.
“Thankful lang ako kasi, hindi rin biro ang mga pinagdaanan ko. Alam niyo iyan lahat. I’m now contented in my life. Nagiging emotional ako dahil sobrang happy ako.”