Diretsahan ang mga pahayag ng direktor na si Lorenzo "Lore" Reyes sa panayam sa kanya ni Snooky Serna na lumabas sa YouTube channel ng aktres kahapon, February 3, 2024.
Read: Direk Lore Reyes admits Magikland was made not to make money, but to promote a theme park
Imposibleng hindi pag-usapan ang mga sinabi ni Direk Lore, kahit walang bahid ng pang-iinsulto, dahil base lamang sa mga tunay na karanasan ang mga inilahad ng direktor.
Sa isang bahagi ng panayam, tinanong si Direk Lore ng isang kapwa direktor nito tungkol sa mga aktor na kanyang favorite at least favorite.
Mabilis na sagot ng direktor, “Sa lalake, si Michael de Mesa must be the most pleasant time I had directing. And sa babae, si Janice de Belen.
“Sa worst naman, there’s Alice Dixson.
"Wala akong naging problematic na lalake in terms of set behavior."
Hindi nagbigay ng detalye si Direk Lore kung bakit worst actress niya si Alice, na nakatrabaho niya sa pelikulang Isang Araw, Walang Diyos (1989) at sa GMA-7 drama series na Ang Iibigin ay Ikaw (2002).
Prangka ring ibinahagi ni Direk Lore ang kanyang karanasan kay Sheryl Cruz nang magkatrabaho sila noon sa isang episode ng Star Drama Presents: Sheryl ng ABS-CBN.
Lahad ni Direk Lore, “Si Sheryl, pinagalitan ko yan kasi nagdirek ako ng Star Drama Presents: Sheryl.
"Anak ng kamote, magre-retouch ng make-up, tatlong oras? Meron bang nagre-retouch ng tatlong oras?
“Takot na takot pa naman ako kay Pilar Pilapil. Guest si Pilar.
"My god, sinermunan ko nang husto si Sheryl!"
Mas nadagdagan ang problema ni Direk Lore pagkatapos pagalitan si Sheryl dahil nilapitan siya ng make-up artist na nagsabing, "Direk, si Sheryl ho, hindi namin ma-makeup-an, humahagulgol.””
Hindi nakaligtas si Snooky sa mga trivia story ni Direk Lore dahil nagkuwento rin ito tungkol sa aktres na nakasama niya sa 1987 film na Once Upon A Time, na pinagbidahan ng Comedy King na si Dolphy.
“Naka-schedule ka for one day shoot kasi ano yon, cameo,” paalalang sabi ni Direk Lore kay Snooky.
“Big star ka, wala ka naman sa main cast, pero nandoon ka sa malaking-malaking eksena sa ending dahil ikaw yung babae sa dream ni Goma [Richard Gomez] that we shot.
“Late ka. Si Dolphy, late din siya. Madalas thirty minutes.
"Pero ikaw yata, four hours, five hours late, so nagsara yung location [hamburger chain].
"Pagdating mo, lumayas si Dolphy. Umalis, kakain daw siya ng midnight snack."
TRIVIA ABOUT SCORPIO NIGHTS
Nagretiro mula sa paggawa ng mga teleserye si Direk Lore bago pa nagkaroon ng coronavirus pandemic noong 2020. Madalas siyang katuwang ng yumaong direktor na si Peque Gallaga sa pagdidirek ng pelikula.
Kabilang sa pinagsamahan nila ay ang critically-acclaimed movies na Scorpio Nights at Virgin Forest, na parehong ipinalabas noong 1985.
Read: Mark Anthony Fernandez, tunay o peke ang ipinakita sa frontal nudity sa Scorpio Nights 3?
May interesting anecdotes si Lore tungkol sa mga bida ng Scorpio Nights—sina Anna Marie Gutierrez, ang namayapang aktor na si Orestes Ojeda (January 3, 1956 − July 27, 2021), at si Daniel Fernando, ang kasalukuyang gobernador ng lalawigan ng Bulacan.
“Awang-awa ako kay Anna Marie,” sabi ni Direk Lore.
“Hindi ko ma-imagine na nakalabas yung boobs mo sa [harap] ng napakaraming tao.
“Yung genitalia [exposure], never namin pinlano. So, yung unang [eksena] na may erection si Daniel was totally accidental, first shooting day."
Read: Queenmaker star Ryu Soo-young, may pagkakapareho sa actor-politician na si Daniel Fernando
Pagpapatuloy niya, “About the genitalia of Orestes Ojeda, sumalangit nawa ang kanyang kaluluwa, noong gagawin na namin, parang nag-chicken out siya.
“Alam naman niya na merong close-up, he was masturbating with his gun and the blood of Anna Marie. Ganoon yun kadugo.
“Sabi ni Orestes kay Peque, ‘Direk, double na lang. Huwag na lang ako.’
“Si Don Escudero, our art director, kumuha ng callboy/masahista. Yun ang close-up namin.
"E, di tapos na yung pelikula, malapit nang lumabas. Malapit nang mag-final cut.
"Nung gabi, tumawag kay Gallaga si Orestes, ‘Direk, re-shoot natin yung ano ko… Ang liit, Direk.’
“Ang liit daw ng ari nung double.”
SARSI EMMANUELLE
Nagpahayag naman ng paghanga si Direk Lore sa dedikasyon sa trabaho at propesyunalismo ng dating sexy actress na si Sarsi Emmanuelle, na lead star ng Virgin Forest
Umarkila ng taksi si Sarsi para makarating lamang sa set ng pelikula sa Atimonan, Quezon, dahil nanggaling pa siya mula sa Santacruzan sa isang bayan ng Bulacan.
“Remember, ang manager niya si Rey dela Cruz. In one of our days off, panahon ng Santacruzan, yung Softdrink Beauties, ibinu-book niya.
“Si Sarsi, may schedule na shooting sa amin, ang layo namin, e. Nasa Quezon kami, sa Atimonan, siya sa Bulacan.
"Ang ginawa ni Sarsi, nag-taxi siya mula Quiapo. Pagdating sa Atimonan, ipinahanap niya ako dahil alam niya, ako ang may hawak ng funds, kasi ako ang production manager ng Virgin Forest.
“Ang dami nga hindi naniniwala kasi parang mababa ang tingin sa actresses who belong to certain groups of mga bomba, saka actresses who show their boobs
"Sa atin, napakalaking bagay, sa Europe, balewala yan. Si Sarsi was a wonderful person.”