Natuloy na sa wakas ang matagal nang planong kasal sa simbahan ng mag-asawang Luis Manzano at Jessy Mendiola.
Naganap ang muling pag-iisang dibdib ng dalawa sa isang simbahan sa Coron, Palawan, nitong Huwebes, February 15, 2024.
Ayon sa ulat ni Gretchen Fullido para sa TV Patrol, saksi ang pamilya at ilang piling kaibigan nina Luis at Jessy, sa loob at labas ng showbiz, sa kanilang intimate church wedding.
Present din ang pamilya ni Jessy na hindi nakadalo sa una niyang civil wedding, at ang pamilya ni Luis sa pangunguna ng inang si Vilma Santos, amang si Edu Manzano, at stepfather na si Ralph Recto.
Read: Edu Manzano on son Luis's legal battle: "I don't need to defend him. He's his own man."
Sinaksihan din ng kanilang mga ninong at ninang ang pag-iisang dibdib muli nina Luis at Jessy.
Kabilang sa kanilang principal sponsors sina ABS-CBN Chief Executive Officer and President Carlo Katigbak, ABS-CBN Chief Operating Officer for Broadcast Cory Vidanes, at ang manager ni Luis na si June Rufiño.
Read: Jessy Mendiola on husband Luis Manzano: "Hindi namin pinapalagpas ang one month ng walang date."
Ang mag-asawang Alex Gonzaga at Mikee Morada, na kilalang malapit nilang mga kaibigan, ang isa sa napili nilang secondary sponsors.
Habang isinusulat ang artikulong ito ay wala pang inilalabas na official photos sina Luis at Jessy sa naganap nilang church wedding.
Read: Celebrity godparents of Jessy Mendiola and Luis Manzano's daughter Isabella Rose
Sa panayam ni Jessy sa ABS-CBN noong February 3, una niyang isinapubliko ang nalalapit nilang pagpapakasal ni Luis sa simbahan.
Katuparan daw ito sa matagal na nilang plano at pangarap ni Luis na maikasal sa simbahan, kasama ang kanilang mga mahal sa buhay.
Ani Jessy, "Finally, matutuloy na rin yung church wedding namin.
"Finally, makakauwi na rin yung family ko, cause when we did our civil wedding noong 2021, wala pa yung family ko noon."
Read: Jessy Mendiola reveals upcoming church wedding to husband Luis Manzano
Nangyari ang civil wedding nina Luis at Jessy sa The Farm sa San Benito, Batangas, noong February 21, 2021.
Read: Surprise!!! Luis Manzano and Jessy Mendiola marry in secret on February 21, 2021