Humingi ng dispensa ang Megastar na si Sharon Cuneta sa pagpu-post niya ng family picture nila kung saan pugot ang ulo ng asawang si former Senator Kiko Pangilinan.
Noong December 24, 2023, nag-post sa Instagram si Sharon ng lumang litrato kasama ang asawang si Kiko, at mga anak na sina KC Concepcion, Kakie, Miel, at Miguel Pangilinan para batiin ang publiko ng Merry Christmas.
Mabilis itong pinag-usapan sa social media nang mapansin ng netizens ang pag-crop ni Sharon sa ulo ni Kiko sa kanilang family picture.
Read: Sharon Cuneta dispels rumored breakup with Kiko Pangilinan: “Nagtatampo ako pero okay kami.”
Sa ginanap na fifth anniversary celebration ng In Life Sheroes, isang women empowerment movement ng Insular Life, noong March 12, 2024, hiningan ng reaksiyon ng entertainment press si Sharon tungkol sa kuwento ng kanyang viral post.
Ayon kay Megastar, noong mga panahong iyon ay may hindi sila pagkakaunawaan ni Kiko.
Aminado rin siyang pagkakamali niya ang i-post ito na dala raw ng bugso ng kanyang damdamin.
Paliwanag ni Sharon, "Nag-aaway kami nun, sorry.
"You know, we have problems, that’s another thing. How stupid was I, di ba?
"But also, really, I wanted [a photo of] my gremlins, the four [of my kids].
"Wala lang akong makita na picture nila na wala ang daddy nila.
"But then, pagka-post ko [napa] 'Oh my God' [ako]. Mukha akong tanga na bakit ko pinost, e, pugot [yung ulo] ng asawa ko."
Tulad ng ibang mag-asawa, may pinag-aawayan din daw sina Sharon at Kiko.
Gayunpaman, pinipilit nila itong ayusin para sa kapakanan ng kanilang pamilya.
Ani Sharon, "Kahit na medyo nagkakagulo kami, Kiko and I have problems, just like any other married couple, but it was never because of someone else.
"It’s never because of someone else.
"And I would tell you that Kiko has been a good father to KC since we dated since she was nine. Since we married when she was 11."
Sharon reveals breakup, reconciliation with KIKO
Noong January 1, 2024, inamin ni Sharon na nagkahiwalay sila panandalian ni Kiko ngunit muli ring nagkabalikan.
Ito raw ang puno't dulo ng noo'y makahulugan niyang mga post sa Instagram.
Mangiyak-ngiyak na pahayag noon ni Sharon sa Instagram Live nila ni Kiko, "Every post I made was just to show you when I was sad.
"And then, of course, like everyone else, that's normal.
"After sadness, we fix some things and then we become happy.
"I don't know why so many people are so mean.
"For the record, ain’t nothing wrong with any of our brains.
"We're good. We're normal. We just got some emotions because we’re real people."
Read: Sharon Cuneta confirms misunderstanding with Gabby Concepcion after Dear Heart concert
Sundot na saad ni Kiko, "Sabi ko nga, lahat ng pamilya, lahat ng mag-asawa, nangyayari ang tampuhan.”
Dagdag ni Sharon sa sinabi niya: "Nag-away kami, naghiwalay kami, tapos nagbati na kami.
"So, okay na kami, okay?
“That’s the meaning of all the messages I posted, but I’ll clarify, the quotes, all the other posts were for people close to me that I think needed those posts.
"So, you always assume."
Read: Sharon Cuneta reveals breakup, reconciliation with husband Kiko Pangilinan