Ganap nang batas ang panukalang magbibigay ng proteksiyon at titiyak sa kaligtasan ng lahat ng manggagawa sa industriya ng pelikula at telebisyon—ang Eddie Garcia Law.
Ito'y matapos lagdaan ni President Ferdinand Marcos Jr. ang Republic Act 11996 o Act Strengthening Compliance with Occupational Safety and Health Standards and Providing Penalties for Violations—mas kilala sa tawag na Eddie Garcia Law nitong May 24, 2024.
Ipinangalan ang batas sa veteran actor na si Eddie Garcia, na naaksidente sa taping ng isang television series na naging sanhi ng kanyang kamatayan sa edad na 90 noong June 20, 2019.
Dahil sa sinapit ni Eddie, nagkaroon ng malawakang apela para bigyang-proteksiyon ang lahat ng nagtatrabaho sa industriya ng pelikula, telebisyon, at radyo.
Read: Legendary actor Eddie Garcia dies at 90
Sa ilalim ng Eddie Garcia Law, itinakda ang mas malinaw na oras ng trabaho, sahod, insurance, at iba pang benepisyo sa sektor ng entertainment industry, bilang proteksiyon sa kapakanan ng mga manggagawa.
Numero uno na rito ang pagpapatupad ng tamang oras ng trabaho para sa lahat ng movie and TV workers.
Nakasaad sa Eddie Garcia Law na limitado lamang ang pagtatrabaho ng walong oras kada-araw na puwedeng ma-extend hanggang labing-apat (14) na oras, basta't kada-linggo ay hindi ito lalagpas sa animnapung (60) oras sa kabuuan.
Read: House passes “Eddie Garcia Bill” ensuring protection of entertainment industry workers
Inilatag din sa bagong batas ang responsibilidad ng mga employer.
Ang mga employer sa bawat workplace ang may obligasyong magbigay ng proteksiyon sa bawat empleyado.
Read: Local artists, nagtipun-tipon para talakayin ang Eddie Garcia Law
Kung mapapatunayang hindi nagawa at lumabag ang employer sa nasabi nilang responsibililad, pagmumultahin sila ng PHP100,000 hanggang PHP500,000.
FIXED WORKING HOURS, OTHER BENEFITS FOR WORKERS
Narito ang kabuuang polisiya para sa lahat ng empleyado sa media at entertainment industry sa ilalim ng Republic Act 11996 o Eddie Garcia Law:
- Walong oras na normal working hours kada ara`w, na maaaring ma-extend sa 12 oras. Ang mga oras ng trabaho na lampas sa fixed eight hours ay babayaran bilang overtime.
- Ang minimum wage ng trabahador at independent contractors ay hindi dapat na bababa sa wage rate sa rehiyong pinagtatrabahuhan.
- Awtomatikong covered ang empleyado ng Social Security System (SSS), Pag-IBIG Fund, at Philippine Health Insurance Corporation (PhilHealth).
- Obligasyon ng employer na ibigay ang basic necessities ng kawani, tulad ng pagkain kada anim na oras ng trabaho, sapat na inuming tubig, restrooms, pribadong dressing rooms, maaliwalas na holding areas, at libreng accommodation sa mga out-of-town tapings, shootings, at iba pang aktibidad.
- Pagkakaroon ng occupational safety and health officer na magsasagawa ng assessment sa lugar ng trabaho, partikular kapag outdoors ang produksiyon.
- Pagkakaroon ng service vehicles para sa anumang emergencies sa production sets.
EDDIE GARCIA'S FAMILY EXPRESSES GRATITUDE TO PRES. MARCOS JR.
Matapos masapubliko ang paglagda ni Pangulong Marcos Jr. sa bagong batas, nagpahayag ng pasasalamat ang pamilyang naiwan ng beteranong aktor na si Eddie sa pangunguna ng kanyang stepson na si 1-PACMAN Party-list Representative Michael Romero.
Read: Eddie Garcia Law, isusulong ni Cong. Michael Romero sa Kongreso
"We would like to express our deep gratitude to the President for honoring the life of Manong Eddie, Manoy to family and friends, and his contributions to the entertainment industry," bahagi ng pahayag ni Romero na siya ring principal author ng nasabing batas noong ito pa ay nasa House of Representatives.
Read: Hilda Koronel remembers the late Eddie Garcia
LEO MARTINEZ SLAMS EDDIE GARCIA BILL
Ngunit hindi lahat ng taga-entertainment industry ay pabor sa Eddie Garcia Law.
Isa sa mga kumontra rito ay ang beteranong aktor na si Leo Martinez.
Idinaan ni Leo sa isang video ang pagkontra niya sa noo'y panukala pa lamang, gamit ang pinasikat niyang karakter na si Congressman Manhik-Manaog.
Dito ay ipinaliwanag niya kung ano mga nakikita niyang kamalian sa isinusulong na panukala.
Akala raw niLeo, ang batas na ito ay ginawa para sa mga manggagawa sa entertainment industry, pero parang mas pabor ito sa TV networks at producers ng local movies.