Nagbabala sa publiko ang aktor na si Raymond Bagatsing, 56, laban sa mga scammer na nagpapanggap na sina Laurenti Dyogi at Jun Robles Lana.
Ito'y matapos mabiktima ang award-winning actor ng pekeng online audition.
Sa Instagram nitong Miyerkules, August 7, 2024, ibinahagi ni Raymond ang naging pag-uusap nila ng mga nagpanggap na "Direk Lauren" at "Direk Jun."
Si Lauren ang head ng talent arm ng ABS-CBN na Star Magic at siya ring namumuno sa TV Production ng Kapamilya network.
Si Jun naman ay direktor at tagapamahala ng production company na The IdeaFirstCompany.
Kuwento ng aktor, nag-umpisa ang lahat nang kontakin siya ng nagpakilalang "Direk Lauren" sa Telegram, para pag-audition-nin sa isang karakter na hinahanap daw ni "Direk Jun" sa gagawin niyang "dark and daring sexy films" para sa Tokyo Film Festival.
Makakapareha raw niya rito sina Ivana Alawi at Lovi Poe.
Para makapagsimula sa audition, ibinigay raw sa kanya ng nagpakilalang si "Direk Lauren" ang contact number ni "Direk Jun" para ito raw mismo ang kumontak sa aktor.
Nang makuha ang contact details, dali-dali raw minessage ni Raymond ang numerong ibinigay sa kanya.
Dito na raw sila nag-usap ni "Direk Jun" para sa talent fee niyang PHP2,500,000 kung saka-sakaling makuha niya ang role.
Read: Vice Ganda, Direk Jun Lana announce movie collab titled And The Breadwinner Is...
Ngunit bago makapasok, kailangan daw ni Raymond na ma-video kunsaan ay magpapakita siya ng katawan at umarteng tila nasa intimate scene.
Pumayag naman daw si Raymond kung kaya't agad siyang tinawagan, via video call, ng nagpakilalang "Direk Jun," na hindi umano nagpapakita ng mukha sa kanya.
Lahad ni Raymond (published as is): "I did a quick auditon thinking it was, Direk Jun Lana I was speaking to on Telegram.
"Because I respect, Jun Lana. I did a quick audition for him.
"I took my shirt off upon his request. I did an improv pretending to have my wife who is in Tokyo for a sexy anniversary vid call.
"They said, Ivana Alawi and Lovi Poe are the leading ladies. And that they have agreed to full frontal nudity for the said Tokyo festival."
Read: Sexy star Ava Mendez, kinikilig na inaming di nag-plaster sa daring scene nila ni Raymond Bagatsing
Sa kalagitnaan ng pag-o-audition ni Raymond ay nag request daw sa kanya ang pekeng "Direk Jun" na mas galingan pa nito ang pang-aakit para magmukhang totoo.
Dito na raw nakaramdam ng kakaiba ang aktor.
Agad daw siya nagdamit at diretsahang sinabi na baka hindi para sa kanya ang role.
Aniya, "Being an actor auditioning I did a sexy scene, a teasing scene.
"When the fake Jun Lana wanted the character to touch himself and be more realistic, I put my shirt on and said, “sorry Direk Jun this project is not for me”.
"He cut the Telegram call and messaged on Telegram."
Matapos ibaba ang tawag, agad daw siyang minessage ni "Direk Jun" para takuting kung hindi siya magbabayad para sa "damages" ay ilalabas at ikakalat nito ang audition video ni Raymond.
Mababasang mensahe ng pekeng direktor (base sa screenshot na in-upload ni Raymond), "You're so unprofessional. If you don't want this thing to spread pay for the damages or else everything will be on public. Mark my words.
"Don't talk to me anymore. Talk to Vic! Thanks"
RAYMOND wants everyone to be wary about scammers
Sa huli, nagbabala si Raymond sa publiko, partikular na sa mga kagaya niyang artista, na huwag agad maniwala at magtiwala sa mga nakakausap lang nila online.
Kung sakaling lumabas ang kanyang sexy video ay wala raw siyang dapat ikatakot at ikahiya dahil biktima lang siya ng mga scammer na gumagamit ng ibang pagkakakilanlan para makapanggoyo.
Saad ni Raymond, "They threatened me to pay for damages or the audition vid will go public.
"I was plainly trusting two respected professionals in the Philippine showbiz industry.
"I have nothing to be ashamed of. It was a professional audition on my part.
"They are extortionists and black mailers. Philippine showbiz please show unity please beware of these sick minded people."
Jun Lana’s production company issues statement
Kaugnay ng nangyari kay Raymond, naglabas ang The IdeaFirst Company, ang production company ni Direk Jun, ng kanilang audition protocol.
Dito nilinaw ng The IdeaFirst Company na kailanman ay hindi nila direktang kinukontak ang talent kung sakali mang gusto nila itong bigyan ng proyekto.
Idinadaan daw muna nila ito sa manager o handler ng artist bago nila ito personal na kausapin.
Hindi rin daw sila nagsasagawa ng online audition bilang respeto sa privacy ng mga artist.
Narito ang buong pahayag ng The IdeaFirst Company:
"IdeaFirst exclusively contacts potential talents directly or through their designated representatives, such as handlers or managers.
"Only IdeaFirst producers and talent coordinators are authorized to communicate with potential talents and/or their handlers and managers. Director Jun Robles Lana does not engage in direct communication with talents.
"We never require nor encourage video auditions.
"All video auditions are conducted in a group setting with the camera on, and in the presence of at least two official IdeaFirst representatives. One-on-one or private video auditions between two individuals will never occur and are not permitted.
"In certain cases when self-shot videos are requested, official representatives from IdeaFirst will give specific instructions on how this process will be conducted.
"IdeaFirst never charges any fees for auditions."
STAR MAGIC'S STATEMENT
Maging ang Star Magic ay naglabas na rin ng pahayag para linisin ang pangalan ng Star Magic head na si Direk Lauren na nauugnay sa panloloko kay Raymond.
Pahayag ng Star Magic (base sa Instagram post nila ngayong Huwebes, August 8):
"We have been made aware of an ongoing scam targeting artists and colleagues in the entertainment industry, wherein the name of Star Magic head Laurenti Dyogi is being falsely used to solicit auditions for a non-existent daring or sexy film project.
"We want to stress that there is no such project and Star Magic does not conduct auditions that require anyone to engage in compromising acts.
"Any communication or message suggesting otherwise is a scam. The phone numbers provided in these messages do not belong to Direk Lauren. Please do not respond or send any personal information.
"Thank you, Kapamilya!"
Samantala, hindi ito ang unang beses na ginamit ang pangalan ni Direk Lauren sa panloloko ng mga taong nagsasamantala online.
Noong April 16, naglabas ng babala sa publiko ang ABS-CBN hinggil sa scammer na nagpapakilalang si Direk Lauren na nagpapabayad daw para sa pekeng auditions sa Pinoy Big Brother (PBB).
Read: ABS-CBN, nagbabala tungkol sa pekeng auditions sa PBB, Batang Quiapo, at High Street