Hindi ikinatuwa ng award-winning actor na si Mon Confiado ang mapanirang post sa Facebook ng isang netizen patungkol sa kanya.
Nitong Huwebes, August 8, 2024, nag-post sa Facebook ang isa umanong content creator na nagngangalang "Ileiad" tungkol sa naging pagkikita raw nila ni Mon sa isang grocery store sa Marikina City.
Ayon sa Facebook post ng nasabing content creator, bilang kilalang aktor si Mon ay humiling daw siyang makapagpa-picture dito ngunit mariin daw siyang tinanggihan nito.
Ang masaklap pa raw ay dinuro-duro siya nito sa mukha matapos tumangging magpakuha ng litrato.
Read: Mon Confiado, namundok ng apat na araw para sa role niya sa Nanahimik Ang Gabi
Dahil sa hiya, dali-dali raw tumalikod at lumayo si Ileiad sa kinaroroonan ni Mon.
Ngunit ang sumunod na eksena ay labis daw ikinagulat ni Ileiad nang pagsisigawan ni Mon ang cashier ng grocery store dahil sinisingil niya ang aktor sa mga tsokolateng kinuha nito ngunit ayaw umanong bayaran.
Read: Mon Confiado reveals struggle in "de-roling" after shooting Nanahimik ang Gabi
THE FABRICATED STORY ABOUT MON
Narito ang buong post ni Ileiad (published as is):
"I saw critically-acclaimed actor Mon Confiado at a grocery store in Marikina yesterday. I told him how cool it was to meet him in person, but I didn't want to be a douche and bother him and ask him for photos or anything.
"He said, "Oh, like you're doing now?" I was taken aback, and all I could say was "Huh?" but he kept cutting me off and going "huh? huh? huh?" and closing his hand shut in front of my face.
"I walked away and continued with my shopping, and I heard him chuckle as I walked off. When I came to pay for my stuff up front I saw him trying to walk out the doors with like fifteen Milky Ways in his hands without paying.
"The girl at the counter was very nice about it and professional, and was like "Sir, you need to pay for those first." At first he kept pretending to be tired and not hear her, but eventually turned back around and brought them to the counter.
"When she took one of the bars and started scanning it multiple times, he stopped her and told her to scan them each individually "to prevent any electrical infetterence," and then turned around and winked at me.
"I don't even think that's a word. After she scanned each bar and put them in a bag and started to say the price, he kept interrupting her by yawning really loudly."
Mon CONFIADO denies allegation
Nang makarating kay Mon ang nasabing post ay agad siyang nag-post sa Facebook para depensahan ang sarili at ipaalam sa publiko na wala itong katotohanan.
Ayaw na raw sana itong patulan ng aktor ngunit hindi naman daw tamang gawan siya ng kuwento ni Ileiad at pagmukhain siyang bastos at magnanakaw.
Mababasa sa post ni Mon, kalakip ang screenshot ng Facebook post nito ang at naging pag-uusap nila via messenger nang kumprontahin niya ito (published as is):
"Ayoko na sana patulan itong certain Ileiad na ito… pero tama pa ba ang ginagawa ng mga content creator na ito?
"Gumawa ng story using my name & my photo… na meet daw nya ako sa grocery at magpapa picture daw sya pero dinuro duro ko daw sya sa mukha at nakita nya na hindi ko binayaran ang 15 Milky Way Choco Bars na kinuha ko… at pinagsisigawan ko daw ang cashier ng grocery.
"Pinapalabas pa nito na magnanakaw ako...
"nung sinita ko. Joke daw ito at ito ay “Copypasta” at biglang nilagyan ng “disclaimer” ang post nya pero huli na. Pero hindi pa din inaalis ang post nya."
Read: Carlos Yulo's gymnastics journey, family, love: A timeline
Ang pagsita na tinutukoy ni Mon ay ang pag-message niya mismo kay Ileiad matapos makarating sa kanya ang mapanirang post nito.
Humingi sa kanya ng tawad ang content creator at sinabing biro lamang ang kanyang post na hindi dapat seryosohin ni Mon.
Buwelta naman dito ng aktor, hindi ito matatawag na biro dahil hindi naman niya personal na kilala si Ileiad, at malinaw raw sa ipinost nitong gusto niyang siraan si Mon.
Sabi ng aktor: "Joke at my expense? Joke pero nakakasira ng tao? Bakit ka magjo joke sakin? Close ba tayo?"
"Parang sobra na itong mga ito ah at para makakuha lang ng mga likes kahit makasagasa sila ng tao. Tapos sasabihin Joke.
"Ang daming nag message sa akin at tinatanong kung totoo ba ito? Of course, Sabi ko hindi yan totoo. Never happened. At hindi ako ganung tao."
Read: Angelica Yulo at Nino Muhlach: pighati ng dalawang magulang
Hindi rin daw nagustuhan ni Mon ang sagot sa kanya ng content creator nang sabihin niya ritong handa siyang magdemanda dahil sa ginawa nitong paninira.
Ani Mon, "May pagka mayabang pa itong Ileiad na ito… nung sinabi ko idedemanda ko sya dahil ayaw pa nya tanggalin ang post nya. Threat daw ba ito? Grabe itong taong ito!"
Samantala, ilang minuto matapos maglabas ng galit ni Mon sa Facebook ay in-update ni Ileiad ang kanyang naunang post tungkol sa diumano'y karanasan niya sa aktor.
Dito ay naglagay siya ng disclaimer na nagsasabing hindi ito totoo at masugid lang siyang tagahanga ni Mon kaya niya ito nagawa.
Read: Carlos Yulo breaks silence on money issue with his mother