Trigger Warning: Mention of sexual exploitation, bipolar disorder, depression
Nanawagan sa publiko si Bea Borres, 21, na tigilan na ang pamba-bash sa nakatatanda niyang kapatid na lalaki matapos ang rebelasyon ng YouTuber-actress.
Kaliwa't kanang batikos ang ipinupukol ngayon ng netizens sa kuya ni Bea nang isiwalat mismo ng aktres sa Toni Talks, noong August 25, 2024, na nakaranas siya ng sexual harassment mula sa sariling kapatid.
Nadiskubre raw kasi niyang lihim siyang kinukunan ng video ng kanyang kuya habang naliligo si Bea nang hubo’t hubad.
Ang masaklap pa rito, ipinadala raw ng kanyang kuya ang video sa mga kaibigan niya kapalit ng pera.
Kuwento ni Bea: “So, binidyuhan niya ako while taking a bath, na naked.
“I think I was thirteen, fourteen.
“Hindi ko po alam [na binibidyuhan niya ako]. And then he took a video of me, and then he sent it to his friends for, I don't know, for money, for... hindi ko alam, e.
"Nakita ko na habang kinakalikot ko yung phone niya. Sabi ko, 'Kuya, borrow phone,’ kasi may mga games siya.
"Then, nag-open ako ng messenger ta's nakita ko, ayaw ko pa po maniwala, pero 'CR namin ‘to ah.'
“Tapos nakita ko, 'My God, katawan ko!'
"Sabi ko, 'Kuya, what's this?' Tapos hindi siya makasalita.
“Sabi niya, 'I'm sorry. I'm sorry, Bea.'”
Bukod sa pagbibidyo sa kanya habang naliligo, makailang beses din umano siyang hinipuan ng kanyang kuya habang siya ay natutulog.
Pahayag ni Bea: “Actually, parang ayun na yung last. Pero before that, I saw the signs na dine-deny ko lang and my mom knew it.
“She didn’t tolerate it kasi pinapalayo na niya ako kay kuya. Parang sinasabi [ng mommy ko] na, ‘Huwag kang mag-shorts, huwag kang mag-skirt.’
“Kasi, every time na nagsusuot ako ng maikli, pinipiktyuran ni Kuya pakunwari.
“Tapos kapag tulog ako, hinahawakan niya ako [inappropriately]. Nagigising na lang ako na, 'Oh my God!' Nagagalit ako at sinasabi ko sa kanya na, ‘Don’t do that.’
“Palaban din po kasi ako, sumisigaw talaga ako to the point na parang may mga makakarinig sa amin.”
Read: Bea Borres reveals sexual exploitation by own brother
Naisumbong naman daw ni Bea sa kanyang pamilya ang ginagawa noon sa kanya ng kapatid.
Imbes na kunsintihin, hindi raw nag-atubiling gumawa ng aksyon ang mga ito para kastiguhin at bigyan ng leksyon ang kuya niya.
Read: Bea Borres tells KathNiel fans: "Wala kayong makukuha sa akin."
Ngunit sa halip na ipakulong, mas inintindi raw ni Bea ang taglay umanong sakit ng kuya niya, ang bipolar disorder, kaya mas pinili na lang niya itong patawarin.
Ayon sa National Institute of Mental Health, ang bipolar disorder—na kilala noon sa tawag na manic-depressive illness o manic depression—ay isang uri ng mental illness "that causes unusual shifts in a person's mood, energy, activity levels, and concentration."
Sabi ni Bea: “Actually ngayon, okay na ako. Kasi sobrang nangingibabaw yung love and forgiveness ko.
“Si Kuya kasi, growing up, he was lonely din. He was depressed.
“Parang lalaki, e, parang nagke-crave din siya ng female validation siguro. So, parang feeling ko, nilalabas niya sa akin yon."
Read: Ricci Rivero responds to Bea Borres "hanggang hard launch nag mamalinis" cryptic tweet
NETIZENS REACTION
Dahil sa naging rebelasyon ni Bea, marami sa mga netizen ang ngayo'y kinakastigo ang kanyang kapatid.
Ilan sa mga ito ang inakusahang baka lulong sa droga ang kanyang kuya kaya niya ito nagawa kay Bea.
Komento ng isang netizen (published as is) "Baka adik ung kuya nya...hindi nman nya magagawa yan kung nasa matino syang pag iisip.
Sabi pa ng isa, "Kasuhan na sa korte.....Para mabigyan ng hustisya...matagal na ito sa senado...parang ibang ang pinang tutuunan...."
"Sinong kapatid nito? Sana makarma sya ng malala," dagdag pa ng isa.
Read: Gerald Santos speaks up about "sexual harassment" at 15
May ilan ding kinuwestiyon ang naging desisyon ni Bea na isiwalat sa publiko ang ginawa sa kanya ng kapatid, at patawarin ito kesa ipakulong.
Diin ng isang netizen, "Di ka dapat dito mag rant or kahit saang showbiz website. Dapat dumerecho ka sa pulis para makasuhan."
Sabi pa ng isa kay Bea, "May problema din tong babaeng ito dapat nya din mag patingin sa doctor, dapat pinakulong niya."
Read: Sandro Muhlach speaks up about sexual abuse
BEA DEFENDS BROTHER
Dahil sa natatanggap na batikos online, minarapat ni Bea na muling magsalita para pakiusapan ang netizens na tigilan na ang pamba-bash sa kanila ng kanyang kapatid.
Sa kanyang Facebook post nitong Lunes, August 26, 2024, sinabi ni Bea na matagal na niyang napatawad ang kapatid kaya naging kumportable siya sa pagkukuwento sa nagawa nito sa kanya noon.
Dahilan para mag-overshare raw siya na ngayo'y minamasama naman ng iba.
Mababasa sa kanyang post (published as is): "Maybe I did overshare, but my past experiences have shaped me into the person I am today.
"Everything is well and forgiven, which is why I was comfortable enough to share my story.
"I've faced so much backlash already, so l'm not one to say 'stop bashing me,' but I hope we can stop tormenting my brother."
Nang mangyari raw ang insidente, agad daw ipinatingin sa espesyalista ang kapatid ni Bea para magamot ang kundisyon nito.
Labis din daw nagsisi ang kanyang kuya at nangakong hindi na muling uulitin pa.
Kaya imbes na pagtuunan ng pansin ang naging kasalanan ng kuya niya, mas mabuti raw na tingnan na lang kung ano ang naging leksiyon nito sa kanila.
Ani Bea: "He has been getting professional help & has learned a lot. We have witnessed his change and growth.
"I love him and have already forgiven him a long time ago.
"There is so much more to the interview than just the title. Please set your biases aside and watch the entire thing."
Diin pa niya, "Mabuting tao ang kuya ko, he did his part and helped his self."