Totoo bang niligawan ng Canadian singer-songwriter na si Michael Bublé ang Filipino actress na si Kristine Hermosa?
Ito ang tanong ng netizens matapos ibuking ng The Voice USA Season 26 grand winner na si Sofronio Vasquez na mayroong niligawang Filipina si Michael kung kaya't ganoon na lang ang pagmamahal nito sa Pilipinas.
Si Michael ang coach ni Sofronio sa The Voice USA, kunsaan siya ang itinanghal na pinakaunang Pilipino at Asian winner ng prestihiyosong singing competition sa telebisyon.
Dahil sa pagkakapanalo ni Sofronio, kaliwa't kanang interviews at TV appearances ngayon ang kanyang nilalabasan, kabilang na ang Kapamilya noontime show na It's Showtime.
Read: Sofronio Vasquez hailed as first Asian winner of The Voice USA
Nitong Huwebes, December 12, nakausap ng It's Showtime hosts si Sofronio, sa pamamagitan ng video call, para personal na batiin at pagkuwentuhin na rin tungkol sa karanasan nito sa The Voice USA.
Malaking parte ng singing career ni Sofronio ang It's Showtime dahil sa segment nitong "Tawag ng Tanghalan (TNT)," ang singing contest ng noontime show, kung saan tatlong beses siyang sumali ngunit bigong naiuwi ang kampeonato.
Read: The Voice winner Sofronio Vasquez reposts Rey Valera's advice
SOFRONIO: HUMBLE START IN THE VOICE USA
Ikinuwento ni Sofronio sa It's Showtime ang simula ng pag-audition niya sa The Voice USA.
Pagbabalik-tanaw niya: "Nagsimula po ako sa blind audition trying to represent myself and, of course, sinubukan ko lang pong i-represent yung Utaca, New York.
"Pero mapalad po ako kasi yung mga producer ng show, sila yung nag-suggest na mas maganda raw po siguro kung i-represent ko yung Philippines, kasi hindi pa sila nagkaroon ng Filipino-blooded and full-born and raise.
"So, tinuloy ko po yon, and dahan-dahan po naming pinaghirapan yon."
Read: Sofronio Vasquez credits Tawag ng Tanghalan for The Voice win
Malaking bagay raw kay Sofronio ang napili niyang coach sa The Voice USA na si Michael.
Bukod sa pagiging coach nito, nagkakasundo rin daw sila sa ilang bagay katulad ng pagmamahal nila sa bansang Pilipinas.
Bagamat walang dugong Pinoy si Michael ay mahal daw nito ang Pilipinas dahil sa pagkakaroon niya rito ng kaibigan at dating naka-date na Pinay.
Ani Sofronio, "Masaya po ako na, along the way, sincere at totoong pagmamahal yung galing kay Michael Bublè para sa Pilipinas.
"Shinare po niya na mayroon po siyang deep connection sa Pilipinas kasi kumpare niya raw po si Martin Nievera, at mayroon daw po siyang naka-date na kilala nating lahat na dyosa sa atin."
Read: Michael Bublé gives house to Pinay nurse; fulfills his late grandfather's final wish
NETIZENS' REACTION
Dahil sa rebelasyon na ito ni Sofronio, maraming netizens ang napaisip kung sino nga ba ang Pinay na niligawan ng Canadian singer.
Sa Reddit, kanya-kanyang hula ang netizens, hanggang sa may isang mag-post tungkol sa aniya'y nakaraan nina Michael at Kristine Hermosa.
Saad sa post ng nasabing netizen (published as is), "Sofronio Vasquez blind item [laughing emojis] So true pla na dinate ni Michael Bublé si Kristine Hermosa? Sya lang naman ang isa sa mga Dyosa dati."
Komento rito ng isa pang netizen (published as is), "parang nabalita na yun dati, haha nakilala ni Michael si Kristine after ng concert nya dito."
Sabi pa ng isa, "Nabasa ko ang chismis na yan many years ago from Ricky Lo's column. Nagdate daw si Michael and Kristine pero di nagkatuluyan. I think either nagbalikan sila ni echo or naging sila ni diet."
Read: Kristine Hermosa open to working again with Jericho Rosales
MICHAEL AND KRISTINE'S "FRIENDSHIP"
Sa panayam ng Philstar.com kay Michael noong February 2005, naitanong nila rito ang totoong relasyon nito kay Kristine, matapos may makapansing fans ang pagiging malapit nila sa isa't isa.
Pag-amin noon ni Michael, magkaibigan sila at fan siya ni Kristine.
Aniya: "What do I have to say about her? I’m a friend and a fan, but there was never a romance.
"There was never a sexual romance, I can promise you, as much as I probably would’ve loved that, or any boy would, for that matter.
"I think she’s a class act.
"It’s hard, you know, because she’s a celebrity there and people have their own ideas about her and this or that, but she was never anything but kind, and sweet and classy, and whoever ends up with her is gonna be a very lucky boy."
Ngayon ay kasal na si Kristine kay Oyo Sotto. May anim na silang anak.
Read: Kristine Hermosa and Oyo Sotto welcome sixth child
Happily married na rin si Michael sa Argentinian actress na si Luisana Lopilato. Biniyayaan sila ng apat na anak.