Hindi naging hadlang kina Chito Miranda at Neri Naig-Miranda ang nagdaang kontrobersiya ng dating aktres para bumati ng "Merry Christmas" sa kanilang followers sa social media.
Kagabi, Bisperas ng Pasko, December 24, 2024, nag-post si Chito sa Facebook at Instagram ng family picture nila ni Neri, kasama ang mga anak na sina Miggy, Cash, at Pia.
Nasa likuran nila ang Christmas tree na may mga nakapaligid na regalo.
Sa caption, unang pinasalamatan ni Chito ang Panginoong Diyos na hindi umano nang-iwan sa kanila.
Mensahe ng Parokya Ni Edgar frontman, "Merry Christmas mula sa Miranda Family.
"Maraming, maraming salamat, Lord, for always taking care of us.
"Thank You po kasi never Nyo kami pinabayaan."
Read: Chito Miranda greets wife Neri Naig on 10th anniversary
Ramdam daw ni Chito ang pagmamahal ng Panginoon sa pamamagitan ng mga taong nakapalibot sa kanila.
Aniya, "Sobrang ramdam namin yung pagmamahal Mo sa amin through the people You have chosen to surround us with.
"Pinakita Mo sa amin na inaalagaan Mo talaga kami sa pamamagitan ng aming mga pamilya, mga kaibigan, at lahat ng mga taong nagmamahal sa amin.
"Sila po talaga ang Pinakamahalagang regalo Mo sa pamilya namin, Lord.
...and for them, we thank You.
"Maligayang, maligayang Pasko sa inyong lahat."
View this post on Instagram
NERI NAIG released after court granted motion to quash warrant of arrest
Noong Nobyembre 2024, nasangkot si Neri sa patung-patong na kaso kung saan hinuli ito siya ng pulisya sa basement ng isang convention center sa Pasay City noong November 23.
Ito ay dahil sa mga kasong 14 counts of violation of the Securities Regulation Code (SRC) at syndicated estafa.
Read: SPD releases actual video of “alias Erin” arrest
Umabot sa PHP1.7 million ang buong piyansa para sa 14 counts of security regulations violation at non-bailable naman ang syndicated estafa at estafa.
Read: SPD reports arrest of actress-businesswoman “alias Erin”
Noon namang December 4, nakalabas si Neri mula sa limang araw na hospital furlough.
Sa halip na bumalik siya sa piitan ay diretso nang nakauwi ang negosyante at dating aktres.
Ito ay matapos ipag-utos ng Pasay City Regional Trical Court (RTC) Branch 112 ang agarang pagpapalaya kay Neri kasunod ng pagpabor ng korte sa motion to quash ng kampo ng actress-businesswoman.
Read: BREAKING: Court orders release of Neri Naig from detention
Pitong araw namalagi si Neri sa Pasay City Jail Female Dormitory matapos itong maaresto.
Malaking tagumpay para sa mga abogado ni Neri ang araw na iyon dahil bukod sa napaboran ang kanilang motion to quash a warrant of arrest, pinalaya rin si Neri sa kanyang pagkakakulong.
Read: Pasay court grants Neri Naig’s motion to quash warrant of arrest