Kinaantigan ng netizens ang ginawang kabutihan ng award-winning actor na si Dennis Trillo sa mga bilanggo o Persons Deprived of Liberty (PDLs).
Ito'y matapos niyang i-donate sa mga ito ang perang napanalunan niya sa Gabi ng Parangal ng Metro Manila Film Festival (MMFF) 2024.
Si Dennis ang nagwaging Best Actor para sa kanyang natatanging pagganap sa pelikulang Green Bones.
Read: Dennis Trillo, Judy Ann Santos lead MMFF 2024 Gabi ng Parangal
Bukod sa tropeyong gawa ng Filipino-American visual artist na si Jefre Manuel Figueras, nanalo rin si Dennis ng PHP100,00 cash prize mula sa isang sponsor.
Dennis Trillo donates MMFF prize
Ngunit imbes na iuwi ang premyong napanalunan, nagdesisyon si Dennis at ang kanyang asawa na si Jennylyn Mercado na ang lahat ng cash prize na nakuha ni Dennis ay ibigay sa mga PDL.
Read: Jennylyn Mercado, Kapuso pa rin; full support kay Dennis Trillo
Sa Facebook post ni Jan Enriquez nitong Linggo, December 29, 2024, ibinahagi niya ang ginawang kabutihan ng mag-asawang Dennis at Jennylyn.
Si Jan ang general manager ng Aguila Entertainment, na current manager din nina Dennis at Jennylyn.
Kuwento ni Jan, inatasan siyang kunin ang PHP100,000 cash prize ni Dennis sa awards night.
Si Jennylyn naman umano ang nagsabing i-donate ang pera sa PDLs.
Mababasa sa post ni Jan (published as is): "GOLDEN BEST ACTOR WITH A GOLDEN HEART.
"In case you are wondering, right after Dennis accepted his award ay may lumapit sakin na staff para iclaim na daw ang napanalunan 100k courtesy of sponsor Playtime. So ako na nagclaim on Dennis’ behalf and inabot sa akin ito in cash (o di ba? Because why not)
"Iaabot ko na dapat kay Jen, then sabi ni bessie, 'bessie, i-donate na lang natin iyan sa mga PDL.'"
Nang maranig daw ni Jan ang basbas ni Jennylyn ay agad-agad niyang inabot ang pera kay JC Rubio.
Si JC ang senior program manager ng I-Witness at Kara Docs, at creative producer para sa GMA Pictures, ang concept creator ng MMFF movie na Green Bones, na pinagbidahan nina Dennis at Ruru Madrid.
Ani Jan: "Agad agad ko itong inabot kay JC Rubio na siyang may konek sa grupo ng mga PDL kung saan hango o inspired ang Tree of Hope.
"Lingid sa kaalaman nyo na may totoong Tree of Hope sa isang facility and doon po gagamitin ang 100k.. para matupad ang mga munti nilang hiling.
"When i say munti as in simple talaga minsan hiling lng nila bagong tshirt, shorts, sapatos, diapers para sa baby nila sa labas etc."
Read: Dennis Trillo celebrates Best Actor win with "Jejeboy" dance
Bukod sa MMFF cash prize ni Dennis, ibinahagi rin ni Jan na ang napanalunang cash prize ng Team Green Bones sa guesting nila sa Family Feud ay kasama ring ipinagkaloob sa PDLs.
Saad ni Jan, "Ito rin po ang mga hiling na nagrant noong presscon at beneficiary din ng cash prize ng team Green Bones sa Family Feud.
"Thanks for your kindess Dennis!"
Read: MMFF 2024 acting winners' reactions and speeches; message from Vilma Santos
GREEN BONES' VICTORY
Humakot ng parangal sa MMFF 2024 Gabi ng Parangal ang Green Bones.
Bukod sa Best Actor na nakuha ni Dennis, nakuha rin ng Green Bones ang Best Picture award, Best Supporting Actor para kay Ruru Madrid, Best Child Performer para kay Sienna Stevens, Best Screenplay para kina National Artist Ricky Lee at Angeli Atienza, at Best Cinematography para kay Neil Daza.
READ MORE:
- REVIEW: Green Bones, a guaranteed tearjerker
- REVIEW: Strange Frequencies: Taiwan Killer Hospital, the horror movie for your squad
- REVIEW: Espantaho’s strength is in the power of three
- REVIEW: My Future You, an emotional rollercoaster worth watching
- REVIEW: Topakk delivers a visual feast, strong acting performances
- REVIEW: Isang Himala shines with powerhouse performances