Mariing pinabulaanan ni Gio Santos — ang handler ng The Voice USA Season 26 grand winner na si Sofronio Vasquez — ang tinawag niyang maling impormasyon na may relasyon sila ng singer.
Nag-ugat ang haka-hakang ito nang may isang Facebook page ang nag-post sa litrato nina Sofronio at Gio.
Sa mga larawan, makikita si Gio na nakasandal ang kanyang ulo sa balikat ni Sofronio.
Kalakip ang caption ng (published as is), "Sofronio Vasquez Returns to the Philippines for the Show at Solaire North on February 13, 2025...with His Boyfriend by His Side!"
Tinakpan man ng emoji ng nasabing Facebook page ang mukha ni Gio, kinumpirma ng handler na walang dudang siya ito.
GIO SANTOS SHUTS DOWN RELATIONSHIP RUMORS WITH SOFRONIO VASQUEZ
Sa X (dating Twitter) nitong Huwebes, February 14, 2025, kinontra ni Gio ang nagpapakalat ng balitang nag-uugnay sa kanila ni Sofronio.
Ini-repost ni Gio ang screenshot ng nasabing Facebook, kalakip ang paliwanag niya sa tunay na relasyon niya sa singer.
Diin niya, "Handler ako ni Sofronio. Hindi kami mag-jowa."
NETIZENS REACT
Samantala, sa comments section ng post ni Gio ay maraming netizens ang nagtanggol kay Sofronio.
Anila, hindi naman tamang gawan ang singer ng kwento-kwento, na maaari pang mapanira, lalo na't malaking parangal ang naiuwi nito sa bansa kailan lang.
Ito'y matapos niyang manalo sa The Voice USA.
Read: Sofronio Vasquez credits Tawag ng Tanghalan for The Voice win
Komento ng isang netizen (published as is), "The last thing we want to give Sofronio is a cheap chismis. Lets savor his victory. His talent canmake him win internationally so people pls focus on that. Regardless of his sexuality, support tayo dpat. Yun ang pinoy dpat. Hnd yung hahanapan ng machichismis yung tao."
Saad pa ng isa (published as is), "Grabe tawa ko dito. #fortheclout obviously Sir. Kaya grab lang ng kung anu-ano tapos gagawan ng kwento. Tapos yung mga marites naniniwala agad2."
Dagdag pa ng isa (published as is),"i report na yang page na yan... ingit na ingit sa avhievements ni Sofronio."
Sofronio Vasquez makes history as the first Filipino and Asian to win THE VOICE USA
December 10, 2024 (U.S. time) nang maiuwi ni Sofronio ang titulo bilang The Voice USA Season 26 winner.
Read: Sofronio Vasquez hailed as first Asian winner of The Voice USA
Napahanga ni Sofronio ang coaches at viewers nang kantahin niya sa grand finals ang "Unstoppable" ng Australian singer na si Sia, at "A Million Dreams" nina Hugh Jackman, Michelle Williams, at Ziv Zaifman mula sa musical film na The Greatest Showman.
Dahil sa ipinakitang husay ni Sofronio, siya ang nakakuha ng pinakamaraming text votes, dahilan para tanghalin siyang The Voice USA 2024 grand champion.
Bilang The Voice winner, kasama sa premyo ni Sofronio ang $100,000 cash prize at record deal.
Read: The Voice winner Sofronio Vasquez reposts Rey Valera's advice
Ito ang kauna-unahang pagkakataong may nanalong Pilipino at Asian sa kasaysayan ng The Voice USA, kung kaya't ganoon na lang din ang saya ng napiling coach ni Sofronio—ang Canadian singer-songwriter na si Michael Bublé.
Read: Is Kristine Hermosa the "dyosa" courted by Michael Buble?
Ito rin ang kauna-unahang panalo ni Michael bilang coach sa The Voice.
Read: The Voice USA winner Sofronio Vasquez, balik-It's Showtime