Nagluluksa ang mundo ng showbiz dahil sa pagpanaw ng nag-iisang Superstar at National Artist na si Nora Aunor.
Binawian ng buhay si Nora kahapon, April 16, 2025, sa The Medical City, sa Pasig.
Siya ay nasa edad na 71.
Read: Nora Aunor dead at 71
Bumaha ng pakikiramay sa social media, para kay Nora at sa mga naulila nito, mula sa mga taong nakasama ng Superstar sa ilang dekada niya sa mundo ng show business.
VILMA SANTOS
Ilang sandali lamang matapos ianunsiyo ang kamatayan ni Nora, kaagad na nag-post ang Star for All Seasons na si Vilma Santos ng kanyang mensahe.
Bukod sa magkasama sa showbiz, magkumare rin ang dalawa.
Buong mensahe ni Vilma, "Our sincerest condolences and prayers. Rest In Peace, Mare. Ms. Nora Aunor!Our Superstar and National Artist...Maraming Salamat!"
MARICEL SORIANO
Maiksi lamang ang mensahe ng Diamond Star na si Maricel Soriano ngunit puno ito ng kalungkutan.
Sabi ni Maricel, "MAMA GUY MAHAL NA MAHAL KITA (heart emojis)"
EUGENE DOMINGO
Naghayag si Eugene Domingo na hinding-hindi niya makakalimutan si Nora.
Sabi niya, "Ate, i will never ever forget you. Thank you. God bless you. #noraaunor"
View this post on Instagram
ZSA ZSA PADILLA
Binalikan naman ni Zsa Zsa Padilla kung paano sila nagkakilala ni Nora hanggang sa naging magkaibigan.
Kuwento ni Zsa Zsa: "I got to know Nora Aunor through my Lola. Sunday nights in our little compound in San Juan meant heading to her house to watch Superstar.
"That became our bonding ritual—and my introduction to Ate Guy.
"Later on, I met her during auditions with Direk Mario J [de los Reyes]. Though the project didn’t push through, I got a glimpse of her kindness.
"When I guested on Superstar in Luneta, I opened the show with her—and threw up from nerves after! I also joined her at Araneta for a concert.
"Even with little rehearsal, she was flawless—perfect pitch, knew lyrics by heart. What a gift."
Hindi man daw sila nagkasama sa isang acting project, lubos daw ang paghanga ni Zsa Zsa kay Nora na nagbigay-inspirasyon sa kanyang lola.
Pagtatapos ni Zsa Zsa: "We never got to act together, but I’ll always carry a deep admiration for the woman who brought so much joy to my Lola—and to so many of us.
"Thank you for your brilliance, Ate Guy.
"Maraming salamat sa mga kantang iniwan mo, at sa mga pelikulang kailanman ay hindi malilimutan.
"Rest in peace, Superstar.
"My deepest condolences to your family."
View this post on Instagram
NORA AUNOR WAKE SCHEDULE AND INTERMENT
Narito naman ang schedule ng burol at libing ni Nora, ayon sa ulat ng PEP Troika.
Magaganap ang burol sa Chapel 9 ng The Heritage Memorial Park sa Taguig City.
Para sa pamilya ang viewing at misa mamayang gabi, April 17.
Sa April 18, Biyernes, pamilya at mga kaibigan ang inaasahang makilamay.
Sa April 19, Sabado, 10 A.M. to 4 P.M. ang itinakdang public viewing; at sa April 20, Linggo, parehong oras ulit ang public viewing
Sa April 21, Lunes, pamilya at mga kaibigan ang maaaring dumalaw.
Sa April 22, Martes, ang interment ay sa Libingan Ng Mga Bayani. To follow ang detalye para sa kanyang state funeral.
Read: National Artist Nora Aunor schedule of funeral rites