Malaki ang pasasalamat ni Eugene Domingo kay Kathryn Bernardo sa pagkakasama niya sa panel of judges ng Pilipinas Got Talent (PGT) Season 7.
Bukod kina Eugene at Kathryn, kasama rin nilang judges sina Freddie M. Garcia at Donny Pangilinan.
Magsisilbing hosts naman ng programa sina Melai Cantiveros at Robi Domingo.
Read: Robi Domingo seeks NBI help, warns public vs online harassment
PGT Season 7 judges: (L-R) former ABS-CBN President Freddie “FMG” Garcia, Kathryn Bernardo, Eugene Domingo, and Donny Pangilinan.
Eugene Domingo oN accepting offer to be a PGT judge
Sa mediacon ng PGT Season 7 nitong Martes, March 19, 2025, ikinuwento ni Eugene na si Kathryn ang nagsabi sa ABS-CBN bosses na kunin siya bilang isa sa mga bagong judge ng talent program.
Ang rebelasyon na ito ni Eugene ay nangyari nang tanungin kung ano ang nagpa-oo sa kanyang maging hurado sa isang napakalaking talent search sa bansa na naiiba sa nakasanayan niyang acting at komedya.
Sagot ni Eugene: "Gusto ko lang i-share sa inyo na I’m not here kung hindi nag-suggest si Kathryn na isama ako.
"So, I think that’s worth noting. Please note that."
Read: Kathryn Bernardo admits to experiencing quarter-life crisis
Nang malaman daw ni Eugene kung sino ang makakasama niyang co-judges, walang kaabog-abog daw siyang nag-yes, lalo pa't bago ito ay iniisip niya kung anong proyekto ang kanyang nais gawin.
Ang Metro Manila Film Festival (MMFF) 2024 entry na And the Breadwinner Is... ang huling proyektong ginawa ni Eugene.
Read: And The Breadwinner Is... serves as acting vehicle for Vice Ganda
Pahayag niya: "Because for a while, I’ve been thinking, 'Ano kayang show ang gagawin ko next? Ano next project ko?'
"And, my God, this show landed on my lap and I just said, 'I think this is the best show. I mean, this is the most entertaining show.'"
KATHRYN THANKS EUGENE FOR GIVING HER sense of comfort
Paliwanag naman ni Kathryn, bukod sa iniidolo niya si Eugene, pakiramdam daw niya ay may malaking maitutulong ang comedienne sa pagpili at pagkilatis sa susunod na tatanghaling PGT grand winner.
Read: Luis Manzano exits PGT, suggests new hosts
Bukod pa rito ang angking talento, napanalunang awards, at pinagdaanan ni Eugene na swak na swak daw sa posisyon bilang judge.
Hindi naman daw nagkamali si Kathryn sa pag-endorso kay Eugene.
Bilang first-time judge din siya ng PGT, nakakampante raw si Kathryn tuwing nakikita niya si Eugene na kagaya niyang baguhan sa paghuhurado.
Sabi ni Kathryn: "Iba rin yung kampante ko kapag nandiyan si Miss. Eugene.
"Kasi siyempre first time ko dito so every time nandiyan [sa judges’ panel], iba ang kaba maging judge.
"Doon ko rin na-realize na sobrang hirap mag-judge.
"Pero yung simpleng pagtingin ko sa kaliwa ko — which, si Miss Eugene — iba yung may fellow babae kang nakikita, e.
"And Ate Melai is there rin. So, iba ang energy na nabibigay nating mga babae.
"So, thank you [Miss Eugene] for guiding me."
Read: Aga Muhlach, Uninvited, Eugene Domingo, Gladys Reyes: inisnab ng 50th MMFF?