Itinanggi nina dating Senator Bong Revilla, Ako Bicol party-list Representative Zaldy Co, Senator Jinggoy Estrada, at Senator Joel Villanueva ang mga alegasyon sa kanila ni dismissed Department of Public Works and Highways (DPWH) Bulacan First District Engineer Henry Alcantara.
Sa muling pagharap ni Alcantara sa Senate Blue Ribbon Committee ngayong Martes, September 23, 2025, ikinanta niya ang apat na mambabatas na diumano'y tumanggap ng budget insertions at kickbacks sa maanomalyang flood control projects ng DPWH.
Read: Estrada, Villanueva willing to open bank accounts for scrutiny
Ayon kay Alcantara, nakinabang umano si Revilla sa pondo noong 2024, nang mabiyayaan siya ng 30 percent proponent mula sa tatlong proyekto.
May kabuuang PHP300 million daw ang naibigay sa dating senador na ginamit nito sa kanyang kampanya noong siya ay tumakbo sa pagkasenador noong May 2025 elections.
Pagdating naman kay Co, noong una raw ay 20 porsyento lang ang ibinibigay sa kongresista hanggang sa umakyat ito sa 25 percent noong 2023.
Magmula 2022 hanggang 2025, naging tagapagtaguyod si Co ng mahigit-kumulang 426 proyekto sa Bulacan first district.
Sa dami nito, hindi raw bababa sa PHP35.24 billion ang nakuha ni Co.
Gaya ni Revilla, taong 2024 din naikamada ang pitong proyekto para kay Estrada.
Naabutan daw ang senador na may kabuuang PHP355 million mula sa pondo sana ng pumping stations with floodgates sa Bulacan.
Taong 2022 naman nang humiling daw si Villanueva ng proyektong multi-purpose building na nagkakahalaga ng PHP1.5 billion, pero PHP600 million lang dito ang napondohan.
Dinala raw mismo ni Alcantara ang PHP150 million sa resthouse ni Villanueva sa Bucayo, Bulacan, at iniwan niya ito sa isang tauhan ng senador.
Read: Revilla, Estrada, Villanueva, Co tagged by ex-DPWH official
BONG REVILLA: "Wala po akong kinalaman diyan."
Agad na hiningan ng media ng pahayag si Revilla patungkol sa pagkakadawit ng kanyang pangalan.
Gaya ng inaasahan, pinabulaanan ng dating senador ang mga akusasyon laban sa kanya ni Alcantara.
Maiksing pahayag ni Revilla, "I deny. Wala po akong kinalaman diyan."
Read: Bong Revilla, hindi pa umano oras kaya nakaligtas sa kapahamakan
ZALDY CO: "The allegations made against me... are false and baseless."
Maiksi rin ang binitawang pahayag ni Co.
Dito, tinawag niyang "false and baseless" ang mga paratang sa kanya ni Alcantara.
Ayon pa kay Co, sasagutin niya ang nasabing alegasyon sa tamang panahon.
Saad niya: "The allegations made against me during today's Senate hearing are false and baseless.
"I reserve my right to respond to these allegations at the proper time before the proper forum."
Si Co ay nasa Amerika mula pa noong July 2025.
Read: Claudine Co muling napagdiskitahan ng netizens dahil kay Zaldy Co
JOEL VILLANUEVA: "I am ready... my office is ready, to be investigated so that the truth may come out."
Bagamat nauna nang itinanggi ni Villanueva ang anumang pagkakaugnay niya sa maanomalyang flood control projects, muli siyang nagbigay ng pahayag para depensahan ang kanyang sarili.
Sa ginanap na plenary session sa Senado ngayong Martes, September 23, sinabi ni Vilanueva na handa at hindi siya natatakot sa anumang imbestigasyon para patunayang malinis ang kanyang konsensya.
Saad niya: "I am fully prepared to be investigated on these allegations. I have nothing to hide and I welcome any inquiry that will bring out the truth.
"Masabi lang ang pangalan natin at idadawit sa flood control issue, kahit ang mismong testigo na ang nagsabi na wala akong alam? Mema lang? May masabi.
"I am ready... my office is ready to be investigated so that the truth may come out.
"At katulad ng pagdalo ko kanina sa ICI [Independent Commission for Infrastructure], nakahanda rin po ako na bigyang linaw ang mga bagay na ito sa anumang forum o lugar at patunayan na mali, malisyoso, at pawang kasinungalingan lamang ang mga pinupukol sa aking pangalan."
Read: Jinggoy Estrada, Joel Villanueva tagged in flood project anomaly
JINGGOY ESTRADA: "I, TOO, deserve to be heard and to defend myself."
Sa plenary session din muling iginiit ni Estrada na wala siyang alam sa ibinibintang sa kanya ni Alcantara.
Ngunit hindi kagaya ni Villanueva, ang pagdepensa ni Estrada ay nagmula sa umano'y pahaging sa kanya ni Senator Kiko Pangilinan nang mabanggit ang kinasangkutan niya noong plunder case.
Nagsalita si Pangilinan sa Senate Blue Ribbon Committee, kung saan nabanggit niya ang mga kaso ni Janet Napoles kaugnay ng pork barrel scam noong 2013.
Pahayag ni Pangilinan, "Siguro kung iyong Napoles cases, nauwi sa halip na absuwelto ay kulong, baka hindi na nangyari itong mas malaking kurakot. Plunder yung mga kaso dun."
Hindi ito pinalampas ni Estrada. Malinaw raw kasi na sila ni dating Senador Bong Revilla ang pinatatamaan ng asawa ni Sharon Cuneta.
Read: Sandiganbayan acquits Bong Revilla in pork barrel scam cases
Pahayag niya: "I cannot in good conscience let the remarks made earlier by our colleague Senator Francis Pangilinan, during the Blue Ribbon Committee, pass without rebuttal.
"His comments, while not naming us directly, were laced with insinuations, clearly aimed at me and former Senator Bong Revilla and the legal ordeals I have already faced.
"With due respect, such statements are not only unfair, they are malicious and utterly uncalled for.
"Let me put on record. Hinarap ko po ang mga kasong isinampa sa akin. Dumaan ako sa mahabang panahon ng paglilitis, pagkakakulong, at pati na ang mabigat na stigma na idinulot nito.
"Hindi lamang sa akin kung hindi maging sa mga miyembro ng aking pamilya, na taon ding nagtiis ng pangungutya, pangmamaliit, at panghusga.
"Sa huli, napatunayan na walang sapat na batayan ang mga ipinukol sa akin na mga akusasyon.
"Hindi ko kailanman nanaisin na pagdaanan ito ng sino man sa aking mga kasamahan dito ngayon.
"The courts have spoken with finality. To cast doubt on these decisions is not only an insult to me personally but a dangerous affront to the judiciary.
"It undermines the very foundation of our justice system and erodes public trust in due process."
Sabi pa ni Estrada, hindi siya tumututol sa anumang pagdinig para mapanagot ang mga may sala sa maanomalyang flood control projects.
Ang hindi lang daw niya matanggap ay pilit siyang idinadawit sa kasalanang hindi naman niya ginawa.
Dagdag pa rito na muling idinidikit ang noo'y kaso siya sa kasalukuyang kontrobersiya na kinakaharap ngayon ng bansa.
Dahil daw rito ay mas lalo siyang nadidiin at napagbibintangang may kinalaman sa pangongorap sa bilyun-bilyong pondo ng bayan.
Saad niya: "Hindi ako tutol sa isinasagawang pagdinig ng Blue Ribbon Committee. Ngunit, hinding-hindi ko pahihintulutan na ang kasalukuyang isyu ay gamitin upang idikit muli sa akin ang mga maling paratang at sadyang impluwensiyahan ang opinyon ng publiko.
"Ang mga kaso na may kinalaman sa PDAF [Philippine Priority Development Assistance Fund] ay naresolba na ng korte matapos ang masusing proseso ng batas.
"To insinuate otherwise is nothing less than an attempt to rewrite history and to malign the integrity of the judicial process.
"I urge my colleagues to exercise prudence, fairness, and much of all, respect.
"I, too, deserve to be heard and to defend myself, whether in this August Chamber or before any court of law.
"I am more than ready to dismantle the baseless lies being peddled in the Blue Ribbon Committee, come hell or high water.
"I will not allow discredited narratives to be weaponized for political grandstanding.
"I will not allow my honor, hard earned and vindicated by the courts, to be sullied by careless remarks.
"And I hope the Blue Ribbon Committee, will expunge from the record such malicious and unwarranted remarks that serve no purpose but to malign and mislead."
Matapos magsalita ni Estrada ay sinagot din siya ni Pangilinan.
Pahayag nito, "For the record, there was no intention of maligning any individual in the manifestation we made earlier.
“Walang pong personalan. Wala naman tayong pinangalanan."