May bahid ng lungkot ang selebrasyon ng Pasko ngayong taon para sa pamilya ng Kapuso TV host na si Kim Atienza.
Ilang buwan pa lamang ang nakalilipas mula nang pumanaw ang bunsong anak ni Kim, ang social media influencer na si Emman Atienza.
Noong mismong araw ng Pasko, December 25, 2025, nag-post si Kim sa social media ng larawan ng kanyang pamilya na nagdiriwang ng Pasko sa New York.
Makikita sa larawan ang kanyang maybahay na si Felicia Hung Atienza, at ang kanilang mga anak na sina Jose at Eliana.
Read: Eliana Atienza mourns death of sister Emman
Mababasang caption sa post ng TiktoClock host: "Chilly Christmas greetings from NYC!"
Read: Emman Atienza Bill, pananggalang ng mga tiwaling politiko?
Isang netizen ang kumuha ng family picture ng pamilyang Atienza habang sila ay nasa likod ng isang malaking Christmas tree at in-edit ito upang maisama ang larawan ni Emman.
Sa galak at labis na pangungulila kay Emman, kinuha ni Kim ang edited photo at ipinost ito sa kanyang Facebook account.
Read: Kim Atienza describes daughter Emman as “so generous to a fault”
Sa caption ng post, nagpasalamat si Kim sa Diyos sa mga biyayang kanilang natatanggap at pagbibigay ng lakas sa pamilya niyang dumaan sa matinding pagsubok nang pumanaw si Emman.
Saad niya (published as is): "Jesus is born today, thank you for living for us Lord! Thank you for the blessings and thank you for the challenges that strengthen us.
"When we love our neighbors as ourselves, When we love our enemies and pray for those who persecute us, we become like Christ. He is pleased!
"Emman's memory also will also live in our hearts when we are a little kinder every single day.
"Merry Christmas everyone!"
Read: Kim Atienza shares how he deals with death of daughter Emman
Kim shares last Christmas family photo with late daughter Emman
Bilang paggunita sa araw ng Kapaskuhan, ipinost din ni Kim ang throwback picture ng kanyang pamilya, kunsaan kumpleto pa sila kasama si Emman.
Bakas sa TV host ang pagmamahal at pangungulila sa bunsong anak.
Aniya: "This was the last photo of all of us together last Christmas eve. How we miss you dearest Emmansky.
"Thank you Jesus for being born to us amidst suffering and the grief.
"Thank you for the 19 years of Emman. We always trust your plan."
Bukod sa Diyos at kay Emman, hindi rin nakaligtaang pasalamatan ni Kim ang mga kaibigan at lahat ng taong sumuporta at nanatili sa kanilang tabi noong sila ay nagluluksa.
Sabi niya: "Thank you to all our friends for being with us at our darkest moment.
“Behold, the virgin shall conceive and bear a son, and they shall call his name Immanuel"-- Matthew 1:23."
Winakasan ni Emman ang sariling buhay, sa edad na 19, noong October 22, 2025.
Read: Emman Atienza’s past post on mental health resurfaces online