Isang malaking blessing daw sa ilang cast members ng Pepito Manaloto tuwing nabubuntis ang isa sa main cast ng programa na si Chariz Solomon.
Nagkakaroon daw kasi ng puwang ang sitcom para sa panibagong karakter habang hinihintay ang kanyang pagbabalik matapos makapanganak.
Ito ang patotoo ng tatlong mainstays ng programa na sina Tony Lopena, Maureen Larrazabal, at Cherry Malvar sa panayam sa kanila ng media sa set visit ng show noong June 4, 2026.
Malaki raw ang pasasalamat nila sa kabuhayang idinulot sa kanila ng pagbubuntis ni Chariz, na gumaganap bilang si Janice.
Read: Vlogger Ser Geybin addresses cheating allegations
TONY LOPENA as vincent
Isa sa nakinabang sa pagma-maternity leave ni Chariz ay si Tony Lopena, na gumaganap sa papel na Vincent Bautista.
2013 siya ipinasok sa show noong unang nabuntis si Chariz.
Paglalarawan ni Tony sa kanyang role, "Ako naman si Vincent sa Pepito Manaloto. Ako yung pinakamabait sa karakter namin sa office."
Dagdag niyang biro, "Ako yung nagbibigay ng tamang values, di ba, sa office, di ba? Well, thirteen years na po si Vincent sa Pepito Manaloto, since 2013."
Dito na niya inilahad kung paano siya napasama sa cast ng matagumpay na sitcom.
Aniya: "I will be forever grateful kung bakit ako nakapasok ng September 2013.
"Dahil manganganak ang isang to! Yes, nabuntis kasi si Chariz sa totoong buhay at kailangan niyang magpahinog muna.
"So ngayon, nung manganganak na kasi, kailangang merong istorya na pagbibintangan kung sino yung nakabuntis sa karakter ni Janice [Chariz].
"Isa ako sa dapat pagbintangan. Naghanap sila ng medyo balbas-saradong medyo mukhang lalaking bading. So, ako bigla ang nakuha.
"So, ngayon, pinagbintangan ako ni Pepito Manaloto [Michael V.] na, 'Vincent, ikaw ba ang nakabuntis kay Janice?'
"So, doon biglang pumutok yung karakter, 'Ba't naman po ako nakabuntis, e, bakla po ako?'"
![[L-R] The cast of Pepito Manaloto: Vincent (Tony Lopena), Janice (Chariz Solomon), Cara (Sophia Senoron), Mara (Maureen Larrazabal).](https://contents.pep.ph/images2/images2/2026/06/08/pepito-2-1780900395.jpg)
Dagdag pa ni Tony, talagang masaya sila sa set ng show.
"Lahat. Lahat. Kahit nga hindi kami yung medyo bida dun sa episode, masayang-masaya pa rin kami kasi lahat kami kune-konekta, e.
"So, ang galing ng mga writer kasi kune-konekta kami. So, hindi nakakalimutan yung office doon sa story kahit hindi kami yung bida.
"Ang kagandahan kasi, umiikot kasi sa amin lahat yung mga istorya, e. Sometimes, si Vincent ang bida. Si Janice ang bida. Si Kara ang bida. Si Mara ang bida. Si Tere ang bida.
"So, nakakatuwa lang. Kaya mas lalong lumalim yung pagiging family ng Pepito Manaloto.
"Hindi na namin ma-explain paano yung hindi kami nagtatrabaho pagdating sa set, e. Parang hindi kami nagtatrabaho."
Read: Manilyn opens up about reconciliation with Janno and Bing
MAUReEN LARRAZABAL AS MARA
Taong 2015, nabuntis si Chariz sa kanyang ikalawang baby.
At dito naman napasok ang character ni Maureen Larrazabal na si Mara, isang trans woman.
Saad ni Maureen: "At totoo yun, grateful din ako kay Cha.
"Kasi kung hindi siya nabuntis, hindi maghahanap ng isang secretary na kapalit dapat, na papalit dapat habang wala si Chariz.
"For some reason, na-retain na ako. Andito na ako."
Paglalarawan ng aktres sa kanyang karakter: "Actually, ako si Mara, ako yung girlfriend ni Tommy [Ronnie Henares].
"Sa tingin ko, sa character ko ang may pinakamaraming makaka-relate kasi lalo na pag LGBT.
"Yung sobra magmahal, tas ibibigay lahat kahit na naloloko, hinihingan ng pera, ginagantso ni Tommy.
"Yun yung pinaka-favorite ko sa character ko. Hindi ko yun makakalimutan, yung mismong character."
Read: Chariz Solomon gives birth to second son
CHERRY MALVAR AS TERE
Ang karakter namang Tere Dalisay ni Cherry Malvar ay noong 2015 din pumasok habang ipinagbubuntis ni Chariz ang kanyang pangalawang baby.
Halos sabay silang pumasok ni Maureen sa show.
![The cast of Pepito Manaloto [L-R]: Janice (Chariz Solomon), Cara (Sophia Senoron), Mara (Maureen Larrazabal), and Tere (Cherry Malvar).](https://contents.pep.ph/images2/images2/2026/06/08/pepito-3-1780901651.jpg)
Kuwento ni Cherry: "Ako si Tere Dalisay dito sa Pepito Manaloto, sa opisina pinagtsitsimisan nila ako.
"Eleven years na po ako dito. 2015 ako pumasok.
"Dahil din kay Janice, dahil kay Cha, sa pangalawang pagbuntis naman niya.
"So, masyadong ano, may core memory talaga yung pagbubuntis ni Cha dito kasi during that time... actually, ang first guesting ko dito as saleslady.
"So, never ko na-imagine na baka hindi na yata ako makakabalik. Kasi alam ko, kapag nakapag-character ka na dito, halimbawa, teacher ka, siyempre sa susunod hindi ka na puwedeng ano, yaya ka, or ikaw naman yung officemate. Kasi nalaman mo na talaga na [tapos na ang guesting mo].
"Kaya lang, as a saleslady, parang dinevelop nila yun. Kasi during the time na naghahanap sila kunyari doon sa episode na yun ng temporary secretary.
"So ako, kunwari, naano sa pagiging saleslady, natanggal ako sa trabaho. So, doon ako kinuha sa Pepito Manaloto."
Read: Yasmien responds to critic who called out her law school posts
Malaki ang pasasalamat nina Tony, Maureen, at Cherry dahil nabigyan sila ng maituturing na karagdagang income mula nang naging regular cast sila ng show.
Sabi ni Cherry, "Eto yung parang blessing talaga na hanggang ngayon meron pa rin kaming show na Pepito Manaloto."
Dagdag ni Maureen, "Yung apat na haligi ng bahay ko, talagang Bubble Gang. Yung apat na haligi, Pepito Manaloto."
PEPITO MANALOTO 16TH ANNIVERSARY
Noong Sabado, June 6, ipinagdiwang ng show ang ika-16 taong anibersaryo nito sa ere.
Sabi nga ni Michael V, ang bida ng Pepito Manaloto, ang dedikasyon at passion sa trabaho ang nagpatagal sa kanila sa ere.
Saad niya: "Especially comedy, mahirap talagang patagalin yun.
"So, I think it's the dedication and yung passion para doon sa trabahong ginagawa namin.
"And also yung resource siguro. Marami kasing pagkukuhanan, e.
"Yung Bubble Gang, marami. I-mirror mo lang ang society. Huli mo na yan.
"The same thing with Pepito Manaloto. Yung ganun, na-explain ko sa inyo kanina.
"Most of the stories namin, galing sa totoong buhay, kaya very relatable."
BRYAN PUNETNET JOINS THE CAST
Isa sa bagong karakter sa Pepito Manaloto ay si Bryan Punetnet bilang Ryan Reyes.
Pahayag niya: "Wala pa akong one year. Wala pa akong one year, pero feeling ko ang tagal-tagal ko na dito.
"Masaya kasi yung kasama mo, mga good vibes din, e. Parang mga kapatid mo na pagka nakakakusap mo.
"Ako yung bad influence sa kanila. Ang karaker ko dun ay makulit na feeling pogi, mayabang, yun. Kaya abangan niyo lagi."
Read: Michael V reveals secret behind Pepito Manaloto’s 16-year success