Inako ni Vice Ganda ang pagkukulang ng It's Showtime sa hindi pagdo-double check ng tanong tungkol sa organ system na ginamit sa programa, matapos itong maging usap-usapan sa social media.
Noong Huwebes, July 16, 2026, mainit na pinag-usapan online, lalo na sa X, ang isang tanong sa segment na "Laro, Laro Pick" ng It's Showtime, kung saan ang mga kalahok ay mga student president at dean's listers mula sa iba't ibang unibersidad sa National Capital Region (NCR).
Read: Vice Ganda delivers hard-hitting message to UP CMC graduates
Isa sa mga itinanong sa kanila ay, "Magbigay ng isa sa labindalawang organ systems ng human body ayon sa Cleveland Clinic."
Si Vice ang nagbasa ng tanong.
Kabilang sa mga sagot ng mga estudyanteng tinanggap niyang tama ay nervous system, digestive system, respiratory system, at skeletal system.
Read: Melanie Marquez forgives husband after abuse allegations
Binasa rin ng TV host-comedian ang iba pang organ systems na hindi nabanggit ng mga manlalaro.
Kabilang dito ang muscular system, lymphatic system, integumentary system, gastrointestinal system, exocrine system, endocrine system, cardiovascular system, urinary system, at reproductive system.
Read: Details of Bea Alonzo’s wedding look
Gayunman, may ilang netizens ang umapela sa naging pagmamarkang mali ni Vice sa sagot na "circulatory system" ng estudyanteng si Tine.
Sa X, naging sentro ito ng diskusyon dahil, ayon sa ilang netizens, pareho lamang ang circulatory system at cardiovascular system.
Kaya naman kinuwestiyon nila kung bakit hindi tinanggap ni Vice ang sagot ng nasabing estudyante.
Read: Did Vice Ganda make a sly dig at Marcoleta, Defensor?
Mabilis namang nakarating kay Vice ang usapin.
Bago matapos ang programa, nagbigay ng paliwanag ang TV host tungkol sa hindi niya pagtanggap sa sagot ni Tine.
Ani Vice: "Kasi may mga tumatalak sa Twitter, bakit daw mali yung circulatory system.
"Kung nakinig po kayo, ang sabi ko, e, ayon sa Cleveland Clinic.
"So, kung ano lang yung nilabas ng Cleveland Clinic, ayun lang po ang hinihingi namin.
"So kahit, kunwari kapag sinabi mo na, 'Ano ang mga sangkap sa menudo ni Aling Bebang?'
"Kapag sinabi ni Aling Bebang sa listahan niya na walang atay, kahit sa isang bahay o buong Pilipinas may atay, kung wala sa kanya, yung listahan po ni Aling Bebang ang ating iko-consider, kasi kina-categorize nga.
"We hope we made ourselves clear...Huwag kayong nagagalit agad."
NETIZENS' REACTION TO VICE'S STATEMENT
Samantala, hindi nakumbinsi ang ilang netizens sa paliwanag ni Vice.
Marami ang nagpahayag ng kani-kanilang opinyon, habang may ilan ding nagtama sa impormasyong lumabas sa naturang segment.
Tweet ng isang netizen sa X, "Circulatory system is the same as cardiovascular system, according to [the] Cleveland Clinic website.
"I hope you can address it again tomorrow."
Ini-repost ito ni Vice sa kanyang X account, ilang oras lamang matapos ang It's Showtime.
Aniya (published as is): "Actually clinick ko nga now ung site tama ka din.
"I'll discuss this with the team.
"I apologize for the confusion. We'll address this."
Kung bibisitahin ang website ng Cleveland Clinic, mababasa rito ang sumusunod:
"Your circulatory system, or cardiovascular system, supplies oxygen and nutrients to your whole body and removes waste through your blood.
"Your heart pumps blood that flows through your arteries, veins, and capillaries. These blood vessels and your heart form your circulatory system.
"They work together to ensure your cells have what they need."
May isa pang netizen na nagpahayag ng hindi pagsang-ayon sa naging paliwanag ni Vice.
Post nito: "If you used this Cleveland Clinic link as a source, then dapat accepted pa din ang Circulatory since it specifically states na some examples lang and if you click the link for the "cardiovascular" nagreredirect as circulatory system.
"Siguro next time, para mas safe, instead of saying na ayon sa Cleveland Clinic lang, better na mention kung ano mismong article.
"Kasi logically, ayon sa Cleveland Clinic, Circulatory is the same as Cardiovascular."
Ini-repost din ito ni Vice at, gaya ng una, humingi siya ng paumanhin sa aniya'y pagkukulang ng kanilang team.
Sabi niya, "Yes, As i checked now my lapses din ang team.
"I apologize. We'll address this."
Nag-reply ang uploader ng post at tinanggap ang paghingi ng paumanhin ng It's Showtime host.
Saad niya, "No worries, Meme! We are all learning naman as we go, so mistakes are bound to happen, and it's completely normal.
"We appreciate you and the whole It's Showtime team, always."
Read: Angel questions Robin after his "Komunista po ako" declaration
Muli itong ini-repost ni Vice.
Sa pagkakataong ito, nilinaw niyang hindi lamang ang mga writer o staff ang may pananagutan sa naging pagkalito.
Bilang pangunahing host ng programa, sinabi niyang may pananagutan din siya sa nangyari.
Pinasalamatan din niya ang netizens na nagbigay ng kanilang puna at tiniyak na magsisikap ang It's Showtime na maiwasan ang kaparehong pagkukulang sa mga susunod na episode.
"As the main host, I am also responsible.
"Bawi kami. Thanks din sa info. We appreciate it," aniya.
Read: Zoren Legaspi, Ruffa Gutierrez prove exes can remain good friends