Ikakasal ang singer-actress na si Angeline Quinto at ang kanyang live-in partner na si Nonrev Daquina sa Minor Basilica and National Shrine of Jesus Nazareno sa Abril 25, 2024.
Higit na kilala sa tawag na Quiapo Church ang pagdarausan ng pag-iisang-dibdib ng dalawa.
Read: Angeline Quinto reveals plan to marry partner Nonrev Daquina in the U.S.
Katuparan ng pangarap ni Angeline na ikasal sa simbahan na malaki ang bahagi sa kanyang buhay.
Alam ng lahat na deboto si Angeline ng Itim na Nazareno kaya sumasali siya sa Traslacion na ginaganap tuwing Enero 9, ang araw ng kapistahan ng nabanggit na imahe.
Read: Traslacion 2024: Everything you need to know
Bukod sa pagiging deboto ng Itim na Nazareno, kaibigan ni Angeline ang mga pari ng simbahan ng Quiapo.
Deboto rin si Nonrev ng Itim na Nazareno kaya gusto rin niyang ikasal sila sa Quiapo Church.
Mangyayari nga ito sa araw ng Huwebes, Abril 25, dahil nakasaad sa Sakramento ng Kasal na walang idinaraos na kasal sa nabanggit na simbahan tuwing Biyernes at Linggo.
Read: Angeline Quinto asked if she secretly married Nonrev Daquina
Inaasahang malalaman ng publiko ang ibang mga detalye, tulad ng prinicipal at secondary sponsors, sa pag-iisang dibdib nina Angeline at Nonrev bago sumapit ang araw ng kanilang kasal.
Isinilang ni Angeline ang panganay nila ni Nonrev na si Sylvio noong Abril 27, 2022.
Read: Singer-actress Angeline Quinto gives birth to a healthy baby boy
Noong September 2022, isiniwalat niya sa publiko ang kanilang engagement kaya nagkaroon ng mga haka-hakang magpapakasal sila noong nakaraang taon.
Pero matutuloy ito sa Abril 25, 2024, dalawang araw bago ang pagdiriwang ng ikalawang kaarawan ng anak nila.
Read: Angeline Quinto admits saying "I love you" first to Nonrev Daquina