JERRY OLEA
More or less ay tatlumpo kaming nanood ng Mission: Impossible — Dead Reckoning Part One nitong Hulyo 14, Biyernes, at 4:15 p.m. sa Cinema 7 ng Power Plant Mall, Rockwell Center, Makati City.
Kahit senior citizen na ang bidang si Tom Cruise (who turned 61 last July 3) ay makisig pa rin siya at maliksing kumilos.
Astig ang car chase sa movie! Makapigil-hininga! Halatang pinagkagastusan!
Tinatayang $291M ang production budget nito. Isa ito sa mga pinaka-expensive na pelikula.
Ang Mission: Impossible — Dead Reckoning Part One ang seventh installment ng M.I. film series. Nauna rito ang Mission: Impossible (1996), Mission: Impossible 2 (2000), Mission: Impossible III (2006), Mission: Impossible — Ghost Protocol (2011), Mission: Impossible — Rogue Nation (2015), at Mission: Impossible — 2018.
Nakatakdang ipalabas ang Mission: Impossible — Dead Reckoning Part Two sa Hunyo 2024.
Kasabay ng Mission: Impossible — Dead Reckoning Part One na nag-open sa local cinemas ang horror movie na Elevator Game, at ang OFW The Movie, na nag-premiere night noon pang Hunyo 8, 2019, Sabado, SM Mega Mall Cinema 4.
Apat na taon ang lumipas mula sa premiere night ng OFW The Movie bago ito ipinalabas sa mga sinehan.
Waley sa Power Plant Mall ang OFW The Movie at Elevator Game. Sa halip, ang dalawa pang movies na showing doon ay ang Indiana Jones and the Dial of Destiny, at ang Insidious: The Red Door.
Ang Indiana Jones and the Dial of Destiny ang ikalima at huling Indiana Jones movie. Ang bida rito ay si Harrison Ford, who turned 81 years old nitong Hulyo 13, Huwebes.
Ang mga naunang Indiana Jones films ay Raiders of the Lost Ark (1981), Indiana Jones and the Temple of Doom (1984), Indiana Jones and the Last Crusade (1989), at Indiana Jones and the Kingdom of Skull (2008).
Lubhang magastos din itong Indiana Jones and the Dial of Destiny, na tinatayang ang production budget ay sa pagitan ng $295M at $400M. Maligamgam ang reviews dito ng mga kritiko.
So far ay $260.5M pa lamang ang worldwide gross nito, kaya maituturing itong flop. Lugi!
Dahil maulan sa Makati City kahapon, pagkatapos kong manood ng Mission: Impossible — Dead Reckoning Part One, nagpasya akong panoorin ang 8:45 p.m. screening ng Insidious: The Red Door.
On its second week na ang Insidious: The Red Door, na ayon mismo sa SM Cinema ay nagtala ng record sa Pilipinas bilang “biggest horror opening weekend of all time” (PHP205.7M). Aba! Iilan na nga lamang ang bakanteng upuan sa sinehan nang manood ako ng Insidious: The Red Door.
Humigit-kumulang 88% ng seating capacity ng Cinema 6, may umupo.
Naaliw ako sa panonood ng Insidious: The Red Door, at marami-rami kaming napapahiyaw sa mga eksena!
Bongga ang word-of-mouth ng Insidious: The Red Door, na may midnight screenings pa this Saturday sa select SM Cinemas.
Itong Insidious: The Red Door ang ikalimang serye. Nauna rito ang Insidious (2010), Insidious: Chapter 2 (2013), Insidious: Chapter 3 (2015), at Insidious: The Last Key (2018).
Ang production budget ng Insidious: The Red Door ay $16M lamang.
So far, ang worldwide gross nito ay umabot na ng $76.8M.
Mixed ang reviews dito ng mga kritiko, pero swak ito sa panlasa ng mga Pinoy.
Bida rito sina Patrick Wilson at Ty Simpkins bilang mag-amang Josh at Dalton Lambert, respectively.
Take note na more and more ang horror movies na naka-line up sa mga sinehan.
Iyong Mary Cherry Chua na Hunyo 21 ang original playdate ay ipapalabas na sa Hulyo 26.
Makikipagbakbakan ito sa Barbenheimer (Barbie at Oppenheimer).
Tampok sa Mary Cherry Chua sina Joko Diaz, Kokoy de Santos, Lyca Gairanod, Abby Bautista, Krissha Viaje, with Ms. Alma Moreno, and introducing Ashley Diaz.
Nasa July 26 naman ang supernatural horror comedy na Haunted Mansion, at ang Australian supernatural horror film na Talk To Me.
Makikipagsalpukan dito ang Litrato nina Ai-Ai de Alas at Quinn Carrillo, The Cheating Game nina Julie Anne San Jose at Rayver Cruz, at ang anime sci-fi crime film na Psycho-Pass: Providence.
Read: Julie Anne San Jose and Rayver Cruz: Better together
NOEL FERRER
Top grosser sa Metro Manila Film Festival (MMFF) 2022 ang horror movie na Deleter, na pinagbidahan ni Nadine Lustre.
Walang horror film sa 1st Summer MMFF noong Abril.
Sa first four entries ng MMFF 2023, kabilang ang supernatural horror thriller na K(ampon), na pagbibidahan nina Derek Ramsay at Beauty Gonzalez.
Ang sabi ni Metropolitan Manila Development Authority (MMDA) Acting Chairman and MMFF Concurrent Chairman Atty. Don Artes noong Hulyo 10, Lunes, sa MMDA New Bldg. Office, Pasig City, karamihan sa 26 screenplays na isinumite para sa 49th MMFF ay horror.
“Napakarami po. In fact, almost half yata or forty percent ng entries ay horror or suspense or thriller,” pahayag ni Chair Don Artes.
“It’s just that may isang mas angat insofar as screenplay is concerned. So hihintayin po natin yung submission nila ng finished film para makita po natin kung alin ang mas nakakatakot.
“Isa na lang po ang makukuha sa finished films dahil meron na nga po tayong napili based sa script na horror thriller.
“So isa na lang po yung puwedeng mapili na horror. So gandahan na lang po siguro yung execution, and filming.
“So good luck po! Pero sabi nga po nila, andami po, sobrang dami po ng horror na na-submit.”
GORGY RULA
Kabilang sa nabalitaan nating horror movies na intended para sa MMFF 2023 ay ang Shake Rattle & Roll Xtreme, Mallari ni Piolo Pascual, at Deleter 2.
Andami talagang horror films!
May Nora Aunor pang sinu-shoot sa Siquijor, at Kim Chiu film for OctoArts.
Sa Setyembre 29 ang deadline ng pagsusumite ng finished films ng mga gustong lumahok sa 49th MMFF.
Alin pa kayang horror film ang mapipili ng selection committee na pinamumunuan this year ni Papa Jesse Ejercito na isa sa mga haligi ng Philippine movie industry?
Siyanga pala, meron ding horror film sa Cinemalaya XIX: ilumiNasyon, na magaganap from Agosto 4 to 13 sa PICC.
Ito ay ang Tether, na pinagbibidahan nina Mikoy Morales at Jorrybell Agoto. Ibang-iba ang pagka-horror nito.
Pahayag ng direktor na si Gian Arre, “Tether blurs the line between romance and horror. It explores our darkest impulses when we're stripped of our agency and left completely vulnerable at the hands of someone else.
"It is a story about abuse, self-harm, suicide, sexual awakening, the subversion of gender roles, and the helplessness of becoming a victim. “=
"It explores what we're capable of when we're handed the lifeline of another person and asks how much is left of who we are when another person is handed the reigns to our own lives."