JERRY OLEA
Sakdal husay si Sam Concepcion bilang Popoy sa One More Chance The Musical nang mapanood ko noong Mayo 18, 2024, Sabado ng gabi, sa PETA Theater Center sa No. 5 Eymard Drive, New Manila, Quezon City.
Sold out ang pagtatanghal nang gabing iyon, at marami sa audience ang napaluha sa breakdown scene ni Popoy sa pagtatapos ng unang bahagi.
Napaka-demanding ng role ni Popoy na sing-and-dance, at malawak ang gamut of emotions na kailangang i-convey.
Nai-deliver iyon ni Sam, na yummylicious pa sa kanyang mga pa-abs. Talap-talap!
Ginalingan din naman ng mga kasamang artista ni Sam sa musical play, partikular si Nicole Omillo bilang Basha.
Agaw-eksena ang mga beteranong sina Carla Guevara Laforteza bilang Rose/Edith, at Floyd Tena bilang Bert/Willie. Effortless!
May kani-kanyang shining moment ang mga katropa nina Popoy at Basha, kaya may kahabaan ang pagtatanghal.
Pero sa tagumpay ng One More Chance The Musical, how can we argue? Take a bow, playwright Michelle Ngu-Nario.
Kapuri-puri ang buong production team, sa pangunguna ng direktor na si Maribel Legarda.
Ang galing-galing ng pagkakatimpla ng iba’t ibang elemento — lalo na ang pagka-dynamic ng set, at ang mga ipinu-project sa LED screen.
Kudos to Myke Salomon (musical director, sound designer), Michael Barry Que (choreographer), Ohm David (set designer), Carlo Villafuerte Pagunaling (costume designer), David Esguerra (lighting designer), at Bene Manaois (projection designer).
Kung may pa-helicopter ang Miss Saigon, may pa-kotse ang One More Chance The Musical.
Suwabe ang mga ad placement, hindi masyadong intrusive.
Napakagastos i-mount ang ganitong klaseng palabas na sadyang binuhusan ng panahon, talino, at budget. Hindi tinipid. Hindi puchu-puchu.
Salamat sa co-presenters ng PETA, ang Metrobank at Robinsons Malls.
Swak na swak ang mga awit ng Ben & Ben sa One More Chance The Musical. Andiyan ang "Kathang Isip," "Leaves," "Sa Susunod Na Habang Buhay," "Araw-Araw," at "Maybe The One."
Sa pagkakahabi pa lang ng mga ito sa palabas, worth it nang panoorin ang One More Chance The Musical.
Nasa musical din ang mga awiting "Pagtingin," "The Ones We Once Loved," "Ride Home," "Masyado Pang Maaga," "Lifetime," "Langyang Pag-ibig," "Upuan," "Sugat," "Nakikinig Ka Ba Sa Akin," "Susi," "Mitsa," "Doors, "Elyu," at iba pa.
Nasa tamang venue ang One More Chance The Musical upang ilahad ang kuwento nito.
Kabilang pa sa mga artistang nag-perform noong Sabado night sina Johnnie Moran, Jon Abella, Dippy Arceo, Ada Tayao, Paji Arceo, Kiara Takahashi, Jef Flores, Matthew Barbers, Coleen Paz, Hazel Maranan, Mico Esquivel, at Kat Gamban.
Nag-umpisa ang pagtatanghal ng One More Chance The Musical noong Abril 12, at magtatapos sa Hunyo 30.
Read: Details you need to know about One More Chance: The Musical
GORGY RULA
Buhay na buhay ang live entertainment scene sa bansa, maging ito ay dula, concert, o bikini contest sa barangay na nagdiriwang ng fiesta.
Marso lumanding ang Miss Saigon sa The Theatre at Solaire.
Read: REVIEW: Timeless charm and brilliance of Miss Saigon undiminished in latest revival
Abril 26 nag-umpisa ang Buruguduy Stun Stugudun Stuy: Ang Parokya Ni Edgar Musical sa Newport Performing Arts Theater.
Mayo 3-19 ang Bar Boys: A New Musical sa Power Mac Centre, Blackbox Theater sa Ayala Circuit Mall sa Makati City.
Mayo 25 hanggang Hunyo 16, tuwing at Linggo, ang pagtatanghal ng three-act play na Grace sa nasabing Power Mac Centre.
Ratsada ang mga concert.
SRO ang SB19 Pagtatag! Finale noong Mayo 18 at 19 sa Araneta Coliseum.
Sa Mayo 24 at 25, handog ng The Theatre at Solaire ang The Music of Cecile Azarcon: A 45th Anniversary Concert.
Magpapakitang-gilas dito sina Martin Nievera, Kuh Ledesma, Zsa Zsa Padilla, Regine Velasquez, Ogie Alcasid, Janno Gibbs, Jam Morales, Fe de los Reyes, Iwi Laurel, Jackie Lou Blanco, Mark Bautista, at iba pa.
Nakatakda ang Videoke Hits: The Repeat concert ni Ice Seguerra sa Hunyo 1 sa Music Museum.
For sure, magkakaubusan din ng tiket sa Virgin Lab Fest 19: Pintog sa Hunyo 12-30 sa CCP Black Box Theater o Tanghalang Ignacio Gimenez.
Labinlimang one-act plays ang tampok sa VLF, twelve of which ay first time itatanghal, at iyong tatlo ay revisited (mula sa VLF 18: Hitik last year).
Looking forward tayo sa pasiklab ni JC Santos sa The Foxtrot. Si JC ang MMFF 2023 best supporting actor para sa Mallari.
Sa mga first time manonood ng VLF, must watch ang Set E: Sagad (Revisited) kung saan tampok ang Dominador Gonzales: National Artist, Room 209, at Ang Awit ng Dalagang Marmol.
Siyanga pala, ka-alternate ni Sam bilang Popoy sa One More Chance The Musical si CJ Navato, at ang alternate na Basha ay si Anna Luna.
Ka-alternate bilang Francis/Mr. Tan si JC Galano. Ito ang dahilan kaya hindi na nag-audition si JC sa VLF this year. Conflict kasi sa sched.
Si Cedrick Juan ay nag-audition sa VLF 18 last year pero hindi pumasa. Kapagkuwan ay tinanghal si Cedrick na best actor ng MMFF 2023 para sa GomBurZa.
Read: GomBurZa as OG of Pinoy pride and identity
Tampok si Cedrick sa 20th Cinemalaya entry na Gulay Lang, Manong, sa direksiyon ni BC Amparado. Nasa cast din nito sina Brian Sy, BJ “Tolits” Forbes, Lui Manansala, Ranzel, Perry Dizon, at Dong Abay.
NOEL FERRER
Mahusay rin ang napanood kong Bar Boys, A New Musical ng Barefoot Theatre Collective na nag-close na last weekend, at sana ay magka-rerun by the last quarter of this year.
Tungkol ito sa mga pinagdadaanan ng law school students at ang mga isyu ng hustiya sa ating bansa.
Babalik din ang Mula sa Buwan sa Samsung Theater sa August kaya exciting ito.
Aabangan ko rin ang Grace na last play ni Direk Floy Quintos sa PowerMac Theater sa Circuit Makati na mag-o-open na this weekend.
Buhay na buhay ang live theater scene. Iba naman kasi ang energy at talagang pure talent, at walang daya!
Noong weekend din nag-concert ang SB19 at ang galing din daw.
Susunod nang huhusgahan si Darren Espanto sa kanyang Araneta Coliseum concert.
Read: Darren Espanto promises a spectacular D10 concert
Ako, naka-book na ang tickets ko kay Jed Madela sa Music Museum on July 5, at kay Martin Nievera sa Araneta Coliseum sa September 27.
Teka, may ZsaZsa Padilla pa sa October. At Pinoy Playlist sa November.
Ang daming aabangan sa live entertainment scene. Sana all. Sana sa pelikula rin!