Nagsalita na ang K-pop star na si Sandara Park kaugnay ng nakakagulantang na akusasyon sa kanya ng dating 2NE1 co-member na si Park Bom hinggil sa paggamit umano niya ng ilegal na droga noon.
Sa kanyang Instagram Stories nitong Miyerkules, March 4, 2026, mariing itinanggi ni Sandara ang mga alegasyon laban sa kanya ni Park Bom.
Maikli ngunit diretsong pahayag ni Sandara: "I have never used drugs."
"I wish her well," dagdag pa niya patungkol sa kinakaharap na isyu sa kalusugan ng dating kasamahan sa 2NE1.
Kasunod ng pagsasalita ni Sandara ay ang pag-unfollow niya kay Park Bom sa Instagram.
Ilan sa kanyang fans ang nakapansing wala na raw sa following list ni Sandara ang pangalan ni Park Bom.
Kung bibisitahin naman ang following list ni Park Bom ay hindi niya pina-follow ang dating co-member, dahil tanging ang K-drama superstar na si Lee Min Ho ang kanyang sinusubaybayan.
Samantala, bago pa maglabas ng reaksiyon si Sandara ay sinabi na ng kampo ng singer na "groundless" ang mga alegasyon ni Park Bom.
Read: Lexi Gonzales stands by ex Gil Cuerva amid alleged video scandal
Sa ulat ng Korean media outlet na OSEN, isang malapit na kaibigan ni Sandara Park ang nagsabing "mentally unstable" daw si Park Bom.
Saad nito: "We only just became aware of the content. As you know, this happened due to Park Bom’s unstable health condition. We ask for your understanding."
PARK BOM'S HIATUS
August 2025 nang ianunsiyo ng D-Nation Entertainment, ang talent management label ni Park Bom, ang panandaliang pamamahinga ng singer sa kanyang showbiz activities dahil umano sa medical reasons.
Hindi binanggit ng ahensya ang eksaktong kondisyon ng singer.
Gayunpaman, nangyari ang anunsiyo ilang buwan matapos pag-usapan online ang mga Instagram post ni Park Bom ng mga larawan nila ng South Korean actor na si Lee Min Ho.
Read: Lee Min Ho’s agency denies dating rumors with 2NE1’s Park Bom
Ayon kay Park Bom, magkarelasyon umano sila ng aktor—isang pahayag na mariing itinanggi ng talent agency ni Lee Min Ho.
Park Bom claims she was a scapegoat vs Sandara Park ALLEGED DRUG ABUSE
Nitong Martes, March 3, 2026, nagulantang ang maraming tagahanga ng K-pop girl group na 2NE1 nang ibinunyag ni Park Bom na ginawa umano siyang "scapegoat" upang pagtakpan ang paggamit daw ng ilegal na droga noon ni Sandara.
Pinalaki rin umano ang drug-smuggling scandal na kinasangkutan niya upang mabaling ang atensiyon ng publiko sa kanya sa halip na kay Sandara, na siya raw tunay na gumagamit ng ilegal na droga.
Noong 2010 ay naging laman ng balita sa iba't ibang bansa ang pangalan ni Park Bom dahil sa isyu ng paggamit niya umano ng international courier delivery service para sa tangkang pagpuslit ng Adderall.
Lumabas noon sa mga ulat na nahuli si Park Bom na sinubukang magpuslit ng 82 tablets ng Adderall mula sa U.S. sa pamamagitan ng FedEx.
Gayunpaman, na-hold ng Customs ang package sa Incheon International Airport.
Ang Adderall ay gamot na naglalaman ng amphetamine at dextroamphetamine. Ginagamit ito bilang inireresetang medikal na lunas sa ilang bansa para sa may mga attention deficit hyperactivity disorder (ADHD) at narcolepsy
Subalit ipinagbabawal ang paggamit ng nasabing psychotropic drug sa South Korea sa ilalim ng Presidential Decree.
Mabilis na nagsagawa ng imbestigasyon ang Incheon District Prosecutors na humawak sa kaso ni Park Bom.
Ngunit hindi nagtagal, noong November 2010, ay tuluyan itong nasuspindi.
Mababasa sa post ni Park Bom (ayon sa English translation ng Koreaboo): "To the citizens of the nation..Hello. This is Park Bom.
"I am writing because I want to share the truth with you. Have you all been well? I am not sick and am working hard to live well.
"I'm about to talk about something sensitive and something frightening."
Read: Park Bom claims being a decoy for Sandara's alleged drug abuse
Giit ni Park Bom, totoong mayroon siyang ADHD.
Ang wala raw katotohanan ay ang pag-label sa kanya bilang drug addict.
Dito na niya binanggit ang pangalan ni Sandara na aniya'y tunay na may history ng drug abuse.
Saad niya: "It is not a drug. I am an ADD patient, something called Attention Deficit Disorder.
"Sandara Park was caught for drug abuse, and to cover that up, they turned the medication into something labeled as a drug scandal involving me.
"At the time, there wasn’t even a specific medication system or law in this country regarding Adderall, but strangely, after Park Bom, a law was created.
Read: Celebrities call out Bong Suntay over remarks about Anne Curtis
Hindi pinangalanan ng K-pop idol kung sino ang umano’y pumilit sa kanyang maging cover-up sa takot na muling masira ang kanyang reputasyon at pangalan dahil sa pagsasabi umano ng katotohanan.
Pahayag niya: "I'm being cautious in case it causes another uproar, but the medication known as Adderall, which is labeled as a psychtropic drug, weighs on my mind.
"I really didn't want to bring it up again.
"I'm afraid that even mentioning it on the news again would be a shortcut to ruining my reputation. At that time, I felt like I was dying... but now I am gathering the courage to speak."
Read: Park Bom agency clarifies post vs YG founder over unpaid profit