Kinilig ang maraming tagahanga ni Julia Montes dahil sa ibinahagi niyang larawan sa Instagram ngayong Miyerkules, November 24.
Makikita rito ang solo nilang mga larawan ng rumored boyfriend na si Coco Martin na nasa tabing-dagat.
Simpleng mensahe ni Julia sa caption: “Today is a great day to smile and be happy [face with smiling eyes and full-toothed grin, sun emojis]”
View this post on Instagram
Hindi man magkatabi sa larawan, mahihinuhang pareho ang background na beach ang makikita sa kanilang likuran.
Posibleng sa Ilocos Sur kinunan ang mga larawan dahil doon sila nagti-taping ng teleseryeng Ang Probinsyano.
Hudyat na kaya ito ng nalalapit na pag-amin ng dalawa tungkol sa tunay na estado ng kanilang relasyon?
CELEBRITIES REACT
Bukod sa solid fans nina Julia at Coco, kinilig din ang maraming artista sa post ni Julia.
Kabilang na rito sina Miles Ocampo, Joseph Marco, Maxene Magalona, Isabelle Oli, Dawn Zulueta, at Kris Bernal.
Nagkomento rin sa post ni Julia sina Neri Naig, Paulo Avelino, Ara Mina, Jessy Mendiola Jennica Garcia, Dimples Romana, Louise del Rosario, Teresa Loyzaga, Agot Isidro, at marami pang iba.
THE JULIA-COCO 2022 SIGHTINGS
Matagal nang usap-usapan sa mundo ng showbiz na may lihim na relasyon sina Coco at Julia.
Pero hanggang ngayon ay nanatiling tikom ang bibig nila tungkol sa estado ng kanilang relasyon.
Pagpasok nitong taong 2021, halos sunud-sunod ang public sigthings ng dalawa na magkasama.
Noong nakaraang Marso, magkasama silang nagbakasyon sa Boracay.
Nitong Hulyo ay namataan din sila sa isang shop sa Greenhills, San Juan City.
Sa parehong buwan ding iyon ay umamin si Julia tungkol sa relasyon niya sa isang hindi pinangalanang aktor.
Sinabi ni Julia sa panayam ng Mega Magazine na "personal choice" nila ng kanyang karelasyon na panatilihing pribado ang kanilang ugnayan para makaiwas sa intriga.
Bahagi ng pahayag ng aktres: "Pag hindi kayo, pag magka-love team kayo, gustong maging kayo. Pag kayo, pagsisirain kayo.
"So, might as well, 'O, anong alam niyo? Okay, kung anong alam niyo, okay po.' Yun na lang."
Nitong nakaraang Setyembre ay magkasama naman silang nagparehistro sa isang mall para makaboto sa 2022 elections.
Abril ng taong 2019, kinumpirma ng ilang showbiz insiders na nanganak na si Julia at ang ama ay walang iba kundi si Coco.
Use these foodpanda vouchers when you shop or order online. Marami pang ibang coupons dito.