Proud na proud si Atty. Ralph Calinisan sa kanyang bagong girlfriend na si Dawn Chang.
Read: Dawn Chang flexes new lawyer-boyfriend Ralph Calinisan; says, “Mahal kita.”
Sa mismong kaarawan niya kahapon, October 6, 2022, ibinandera ng abogado sa kanyang Instagram ang larawan nila ng nobya.
Inilarawan din niyang “prinsesa, may super power, at huwarang kabiyak” si Dawn.
Iba raw ang pagtitiyaga nito sa mga nais niyang mapatunayan sa kanyang karera.
Mensahe ni Atty. Ralph, “Para sa prinsesang matiyagang umuunawa, nagtitiis at sumusuporta sa aking mga tinatahak, maraming salamat.
“Malupit ang super powers mo, at napagtiyagaan mo ako.
“Dawn talaga ako sa huwarang kabiyak. Mahal kita. @thedawnchang”
View this post on Instagram
Naunang isinapubliko ni Dawn ang relasyon nila ng abogado kahapon din bilang pagbati niya sa birthday nito.
Ayon kay Dawn, sana raw ay laging gabayan si Atty. Ralph sa kanyang mga gawain dahil napakabait ng puso nito. Nangako naman siyang nasa likod lang siya ng kanyang nobyo.
Buong mensahe niya, “Para sa napaka espesyal na tao sa buhay ko. Maligayang kaarawan saiyo. May God continue to protect and guide you dahil napakabuti ng puso mo. Kasama mo ako sa kahit na anong laban. Mahal kita.”
View this post on Instagram
Si Atty. Calinisan ang pinuno o executive officer ng Quezon City—People’s Law Enforcement Bureau (PLEB).
Partner din siya ng Calinisan Domino & Beron Law Offices.
Siya ang tumayong abogado ni Dawn noong nagkaroon ito ng girian kay Cristy Fermin.
Read: Dawn Chang’s camp demands public apology from Cristy Fermin for "nakikipaglandian" claim
Nagkasama rin sina Dawn at Ralph noong kampanya dahil pareho nilang sinusuportahan ang kandidatura ni former Vice President Leni Robredo.
Ang huling napapabalitang boyfriend ni Dawn noong 2018 ay si Justin Cuyugan.
Read: Girltrends member Dawn Chang confirms relationship with Justin Cuyugan
Pero naghiwalay rin sila noong July 2021.
Read: Justin Cuyugan hints at leaving a "narcissistic relationship"; did he confirm split with Dawn Chang