Ayaw mag-comment ni Darryl Yap, direktor ng Martyr Or Murderer, tungkol kay Joel Lamangan, ang direktor na Oras de Peligro.
Parehong tungkol sa pamilya Marcos—partikular sa mga pangyayaring naganap bago nag-EDSA Revolution noong February 22, 1986—ang dalawang pelikula.
Pareho rin silang ipapalabas sa mga sinehan sa March 1, 2023.
Pero giit ni Joel, na naging Martial Law detainee, "matapang...totoong nangyari" ang kanyang bersiyon.
Sa eksklusibong panayam naman ng PEP.ph (Philippine Entertainment Portal) kay Darryl sa mediacon ng Martyr Or Murderer under VIVA Films noong February 9, 2023, hiningan siya ng mensahe para kay Joel.
Sabi ni Darryl, “Sa tingin ko, I don’t wanna give a message, just, you know, a comment about it.
"When I was still in college, I enrolled with Joel Lamangan workshops. It’s in Facebook, I enrolled, and I have high respect for the person.
“If people ask me, ‘Can you be friends with Direk Joel?’ I cannot be friends with Direk Joel because I’ll always be a fan!
“I cannot befriend god! That’s how I see him, you know, I don’t want to put him down and say na, ‘I can be friends with you,’ because being friends with me is like my co-equal or ka-level. He cannot be like that, I cannot joke to him, I cannot…you know, he’s a…”
Para kay Darryl, inaangat niya sa pedestal si Joel.
Sa pagpapatuloy niya, “He’s a hero for me, you know. All of his films, like especially Bulaklak ng Maynila, really did hit me, you know, he’s really a hero for me."
Kabilang sa mga nagawang pelikula ni Direk Joel ay ang Ngayon at Kailanman (1992), Sidhi (1999), Deathrow (2000), Mila (2001), Filipinas (2003), Blue Moon (2006), Raibow's Sunset (2018), at anim sa Mano Po series ng Regal Films.
IS DARRYL AFFECTED BY JOEL'S COMMENTS?
Hindi naman daw nadi-dishearten si Daryl sa mga komento ni Direk Joel sa kanyang pelikula.
Ang sabi ng 36-year-old filmmaker, “I cannot say something that’s ill to him. Maybe because of the comment na my films are trash, you know, maybe it hurt me, but not to a point na I’ll stop making films, I’ll stop loving his work.
"I’ve loved his work for a very long time and the comment from him only confirms that I exist. And for that, I’m very thankful for that.
“I cannot, you know, say bad things about him, because he’s really ano, he’s really something else for me.
"So I wish someday, we’ll be okay. We were friends in Facebook for a time.”
Hindi na ba sila Facebook friends ni Joel?
“Ngayon hindi na, in-unfriend ako,” at tumawa si Darryl.
Si Joel ang nag-unfriend kay Darryl?
“Yeah, but, you know, he confirmed Nanay Oro again, e, so maybe tonight I’m gonna send a request again, I don’t know.”
Si Oro ay si Elizabeth Oropesa na kasama sa pelikula ni Darryl. Tulad nina Darryl at Joel ay magkaiba rin ng political beliefs sina Oro at Joel.
Pagtitiyak naman ni Darryl, “I just want to clear it up na I have no personal ill feelings for the great Joel Lamangan. I can’t be hating him, e, I don’t know, I just can’t hate him.
“Sino naman ako… parang ganun ako, e, parang pag nakita ko yung headline na galit ako sa kanya, kahit sarili ko sasabihan ko ng, ‘Ang kapal naman ng mukha nito, sino ito?’ parang ganun, so I can’t, I just can’t.”
WHAT CAUSED DIREK JOEL'S IRE?
Samantala, ang galit naman ni Joel ay nag-ugat sa pelikulang idinirek ni Darryl— ang Maid in Malacañang, na tungkol sa last three days ng Marcos family sa Malacañang Palace bago sila na-exile sa Hawaii.
Noong July 2022, sa launch ng ML @ 50, kung saan ginunita ang Martial Law 50 years after it was declared, hindi nakapagpigil si Direk Joel sa kanyang talumpati.
Narito ang ilang bahagi: “Lahat ng kawalang-hiyaan ay sinasabi. Dini-distort ang kasaysayan.
“Hindi tinuturo ang totoong nangyari. Nais magbago ng pangalan. Nais lokohin ng lahat ng ating mamamayan.
“Nakita ko ang rushes ang mga tao raw nagpunta sa Malacañang na nakasulo. Wala naman kaming sulo nung araw. Ala namang sulo! Hindi totoo yun! Ano yun lamay?
“Puro kasinungalingan, puro katarantaduhan ang mga sinasabi. Huwag natin paniwalaan. Ilagay natin sa ating balita. Ilagay natin sa ating dula, sa ating sining, sa ating pelikula ang totoo.
“Tulungan natin ang ating mga kabataang malaman kung ano ang katotohanan. Ayokong dumating ang panahong na mabura na ang ating mga pinaghirapan.”
Hindi binanggit ng batikang direktor si Daryl sa kanyang talumpati.
Nang makapanayam si Joel ng DZRH after that event, aniya, “Ako naman ay hindi galit kay Darryl Yap. Dahil bata pa iyan, e, 1987 pa lang siya ipinanganak. Hindi pa niya alam kung ano ang nangyari noon."
Hindi rin binanggit ni Joel si Daryl noong nakausap siya ng PEP Troika noong Enero 28.