Walang mapagsidlan ang kasiyahan at halos hindi makapaniwala ang Kapuso star na si Alden Richards nang personal niyang makaharap at makausap ang Hollywood action megastar na si Tom Cruise.
Kabilang si Alden sa dumalo sa star-studded premiere ng action movie ni Tom, ang Mission: Impossible —The Final Reckoning, sa Seoul, South Korea.
Read: Japan's Interpreter for Tom Cruise
Sa Instagram ngayong Huwebes, May 8, 2025, ipinost ni Alden ang mahigit isang-minutong video kung saan kausap niya si Tom sa red carpet mismo.
Makikita sa video na hindi binitiwan ni Alden ang kanang kamay ni Tom habang nag-uusap sila.
May pagkakataon ding nagyakapan ang dalawa.
Kapansin-pansin din ang pakikinig nang mabuti ni Tom sa sinasabi sa kanya ni Alden, hanggang sa magkayayaan ang dalawang magpakuha ng litrato.
Yun nga lang, hindi narinig sa video kung ano ang pinag-usapan ng dalawa dahil may nakalapat na musika sa video.
Read: Top Gun: Maverick ni Tom Cruise, hitik sa makapigil-hiningang action scenes pero may kurot sa puso
Ang tanging sigurado lamang ay masaya si Alden na nakausap at nakita niya nang malapitan ang iniidolo niyang si Tom.
Mababasa sa caption ni Alden (published as is): "Ethan meets Ethan...I have no words!"
"Ethan" ang pangalan ng karakter ni Alden sa pelikula nila ni Kathryn Bernardo na Hello, Love, Goodbye at Hello, Love, Again.
Read: Hello, Love, Again lagpas PHP1.4B na ang worldwide gross
Habang "Ethan" din ang pangalan ni Tom sa kanyang franchise film na Mission: Impossible.
Read: Thor: Love and Thunder continues to rule box office
Netizens' Reaction to Alden-Tom MeetUp
Sa comments section ng post ni Alden ay bumuhos ang komento ng netizens at mga kaibigan niya sa showbiz industry na nasiyahan para sa Kapuso actor.
Comment ni Kristoffer Martin: "Graabeee yan booooiiii."
Hirit ni Eruption: "Proud moment bro! Gettem! Idol!"
Sabi naman ni Miguel Tanfelix: "pa video greet ako hahahaha jk."
Biro ni Rodjun Cruz: "Wohohoy! Napakasolid @aldenrichards02, nameet mo tito Ko!"
Kabilang pa sa mga nagkomento sina Dennis Trillo, Mark Bautista, Shaira Diaz, Ogie Alcasid, Kaye Bautista, Rocco Nacino, Jerald Napoles, at Jeric Gonzales.
