Dinepensahan nina Richard Yap at Bea Borres si Jillian Ward laban sa anila'y paninira at malisyosong akusasyon laban sa young actress at sa kanyang ina na si Jennifer Ward.
Kabilang na rito ang alegasyong ibinubugaw umano si Jillian ng sariling ina sa mayayamang lalaki para pagkakitaan, at ang pagkakaugnay ng aktres sa 84-anyos na si Chavit Singson.
Read: Jillian Ward, sinagot ang alegasyong ibinubugaw siya ng sariling ina
Diumano, ang pagiging "sugar baby" ni Jillian ang dahilan kung bakit natutustusan daw nito ang magarbong lifestyle, kabilang ang pagbili ng luxury car.
Mariing itinanggi ni Jillian ang mga paratang na ito.
Read: At 17, Jillian Ward buys brand-new Porsche: "My first sports car."
Bea Borres defends Jillian Ward over “sugar baby” comments
May ilan ding natanggol kay Jillian.
Isa na rito ang content creator-actress na si Bea Borres.
Read: Jillian Ward, nagsalita tungkol sa paghihiwalay ng mga magulang
Sa Facebook post ni Bea nitong Miyerkules, October 22, 2025, sinupalpal niya ang mga kumukuwestiyon sa marangyang buhay ni Jillian.
Galing daw iyon sa perang pinagpaguran ni Jillian.
Diin ni Bea, maraming kababaihan ang kayang magpundar ng sarili nilang kagamitan sa malinis na paraan.
Mababasa sa post ni Bea (published as is): "read/watched Jillian Ward’s interview about her having a 'sugar daddy' and the truth is, society just hates it when a woman succeeds on her own.
"as someone who’s been through the same accusations before, I’ll never understand why it’s so hard to believe that a woman can actually make it without a man backing her up.
"I love my dad but he told me I needed a man to make it. So every time I visit his grave, I tell him, 'I’m doing it, Dad. I’m thriving and building my own assets all on my own.'"
Richard Yap shows support for Jillian
Bukod kay Bea, nagpahayag din ng suporta si Richard Yap kay Jillian.
Si Richard ay gumanap na ama ni Jillian sa defunct Kapuso afternoon prime series na Abot Kamay na Pangarap.
Nag-iwan ng komento si Richard sa latest Instagram post ni Jillian, kunsaan kasama ng aktres ang kanyang ina.
Saad ni Richard: "Don’t listen to what others have to say, anak, they’re all just noise.
"That just means you’re relevant and they’re jealous.
"We know how hard you work for what you have. Love you!"
JILLIAN WARD HURT BY THE ALLEGATIONS
Una nang naghayag ng saloobin si Jillian hinggil sa isyu sa Fast Talk With Boy Abunda noong Martes, October 21, 2025.
Read: Jillian Ward at kanyang ina, desididong magsampa ng cyberlibel
Sa akusasyong ibinubugaw siya ng kanyang ina, pahayag ni Jillian: "Lahat ng meron ako, pinagpaguran ko.
"And my mom would never do that to me. And sobrang nasasaktan ako kasi hindi po talaga ganoon yung mom ko.
“Uulitin ko po, everything I have, everything I own, everything I post, everything I flex, I bought it with my own money."
Paglilinaw pa ng aktres, ang mamahaling sasakyan niyang Porsche Boxster ay hindi niya brand-new nabili.
"It started po when I was 16, bumili po ako ng Porsche Boxster. It was a second-hand car.
"Nabili ko po siya for PHP1.2 million. May deed of sale din po ako. May resibo po ako. My dad has it.
"Tapos ang kinakalat po nila ay sobrang mahal daw niya. Tapos may nagbigay daw sa akin."
Naipundar daw niya iyon mula sa talent fee niya sa isang endorsement niya na skincare brand.
Diin ni Jillian: "E, binili ko po yon with my own money. Lahat ng meron ako, binili ko with my own money. With my own hard work, money," depensa ni Jillian.
Read: Jillian Ward thanks parents for her "taping car" BMW
JILLIAN WARD ON CHAVIT SINGSON
Sa alegasyon namang may relasyon sila ni dating Ilocos Sur Governor Luis “Chavit” Singson, ang naging sagot ni Jillian:
"Never ko po siya nakilala, never ko po siya na-meet, never ko siya nakausap, never po kami nagkita.
“So hindi ko talaga alam paano po nila nagawa lahat ng ito. Kasi never, never ko po talaga siyang na-meet. Never ko po siya nakausap."
Itinanggi rin ng aktres na isa si Chavit sa mga naging sponsor ng kanyang 18th birthday party noong 2023.
Hindi rin daw totoo na ninong ng isa niyang kapatid ang dating gobernador.
Giit ni Jillian, "Hindi po talaga totoo. I never met him. Never po kaming nag-usap. Hindi ko nga po alam kung kilala niya ako. Hindi po talaga kami magkakilala."
Samantala, sa eksklusibong panayam ng Cabinet Files sa ina ni Jillian na si Jennifer, kinumpirma niya ang pagsasampa niya ng reklamong cyberlibel laban sa mga nagkakalat ng aniya'y malisyoso at wala umanong katotohanang balita tungkol sa anak.