May makahulugang post ang aktor na si Zoren Legaspi sa Instagram nitong nakaraang January 21, 2026.
Ang larawan ay anino nilang mag-anak—si Zoren, ang asawang si Carmina Villarroel, at ang kanilang kambal na anak na sina Cassy at Mavy Legaspi.
Kuha ito sa Bondi Beach, isang iconic trourist attraction sa Australia.
Sa kanyang caption, sinabi ni Zoren na ang nakikita lamang daw sa social media ay ang anino nilang apat, hindi ang mga totoong taong nasa likod nito.
Sila raw ay buong isang pamilya, at hindi rin daw sila "super couple" ng misis niyang si Carmina.
Hindi rin daw sila "super family" kundi isang maligayang pamilya lamang.
Buong caption ni Zoren: "Bondi Beach, July 2025.
"Social media sees only a shadow of us 4, a small silhouette of a much bigger reality.
"We are four, yet we stand as one intact family … we are not super couple… we are not super family… we are just one HAPPY FAMILY... basic."
View this post on Instagram
Read: Jake Cuenca spotted with a mystery girl in BGC
Komento ni Carmina, "Love this Tatay! ARF ARF for life [heart emoji]"
THE POWER COUPLE BLIND ITEM
Unang lumabas sa social media ang tungkol sa "power couple" blind item nitong unang bahagi ng Enero 2026.
Nakasaad sa blind item na mala-perfect ang imahe ng showbiz power couple na ito kung pagmasdan.
Pero sa likod daw ng kanilang mga ngiti, may fairytale story na nagbabadyang mauwi sa kalungkutan.
Ang pinakarebelasyon dito, ilang beses na raw nasalisihan ng mister ang misis.
Nauwi pa raw ito sa pag-iyak ng babae sa lobby ng isang hotel kaharap ng mga malalapit na kaibigan.
Maraming netizens ang humulang baka sina Marian Rivera at Dingdong Dantes umano ang laman ng blind item.
Pero, pinabulaanan agad ito ni Marian.
Read: Marian Rivera says “power couple” blind item not her and Dingdong
May ibang ang hula naman ay sina Toni Gonzaga at Paul Soriano diumano ang sinabing "power couple."
Pero, itinanggi rin ito ni Toni.
Noong nakaraang January 13, 2026, habang nagla-live selling ng antioxidant products si Toni, inulan ng mga komentong may kaugnayan sa nasabing blind item ang kanyang live.
Marami sa mga manonood ang nagtanong sa comments section kung may katotohanan ang haka-hakang sina Toni at Paul ang tinutukoy sa blind item.
Sa halip na direktang sagutin ang isyu, ginamit ni Toni ang pagkakataon upang iugnay ang kanyang sagot sa produktong kanyang ibinebenta.
Pahayag ni Toni: “Do not waste time sa mga nonsense, okay? It’s a waste.
"Ang mga waste dapat pina-flush sa CR, okay?
"Katulad nito, umiinom ako ng antioxidant, so lahat ng waste in my body, ipa-flush natin yan sa CR.
"Just like yung ibang katanungan ng mga tao rito na wala namang silbi [at] pupuntahan ng mga ganyang questions.”
Read: Toni Gonzaga shuts down "power couple" blind item
Ilang celebrities pa ang nadamay sa issue gaya nina Luis Manzano at Jessy Mendiola.
Read: Luis Manzano reacts to power-couple blind item
At ang pinakahuli nga ay sina Zoren at Carmina.