Mariing kinondena ni AJ Raval ang kumakalat na balitang kinausap ng kanyang amang si Jeric Raval ang Kapuso actress na si Kylie Padilla na mag-file ng annulment upang mapawalang-bisa na ang kasal nila ni Aljur Abrenica.
Si AJ ang kasalukuyang partner ni Aljur, ang estranged husband ni Kylie.
Read: AJ Raval dreams of having 12 children: "Ang saya nun."
Sa pamamagitan ng pagpu-post sa Instagram Stories, noong March 17, 2026, dinepensahan ni AJ ang ama laban sa mga sumisira at nagpapakalat umano ng maling balita.
Mababasa sa kanyang post (published as is): "Fake news. 100%. My father would never mention a name.
"He’s too old to be involved in something like this.
"Walang nag-aaway. We’re all at peace."
Bagamat alam ni AJ na maraming kumukutya sa kanilang pamilya, hindi raw sila nagpapaapekto dahil alam nila kung ano ang totoo.
Read: AJ Raval claps back at bashers calling her "kabit, laos"
Tiniyak din niyang maayos at masaya ang kanilang kalagayan ngayon, hindi lang ng kanilang pamilya kundi maging ni Kylie.
Pahayag ni AJ: "Hate us all you want. Continue spreading lies. Continue to take me down if that’s what makes you happy.
"Kung saan kayo masaya gawin niyo. It doesn’t matter anymore.
"What’s important is what’s happening inside our home, not what you see form the outside.
"We’re okay. Walang beef sa loob. Walang nag aaway at bati lahat."
Sa huli, hiniling ni AJ na tigilan na ang pagnenega laban sa kanyang pamilya at ituon na lamang ang atensiyon sa mas mahahalagang bagay.
Saad niya, "Let’s start the day fresh and focus on positivity instead of negativity
"God bless you all.”
ALL'S WELL BETWEEN AJ AND KYLIE
Noong November 12, 2025, sa live interview sa Fast Talk with Boy Abunda, inamin ni AJ sa unang pagkakataon na mayroon na siyang limang anak, matapos niya itong itago sa publiko sa loob ng ilang taon.
Ang unang dalawang anak ni AJ ay mula sa dati niyang karelasyong walang kinalaman sa showbiz, habang ang tatlo naman sa kasalukuyang partner na si Aljur.
Read: AJ Raval recalls how eldest child had to call her "ate"
Ilang oras lamang ang lumipas, noong araw na iyon ay nag-post din si Kylie sa kanyang Facebook para magpahayag ng galak sa katapangang ipinamalas ni AJ.
Nakasaad sa post ni Kylie (published as is): “Ito lng po comment ko para matapos na, matagal ko na pong alam pero syempre inuna po namin ang kapakanan ng mga bata.
"Sobrang close sila at yun pinakaimportante.
“Happy that now di na kailangan magtago. Proud of you.
"Peace all around. Sana matapos na drama.”
Read: Kylie Padilla, matagal nang alam ang rebelasyon ni AJ Raval
Bukod sa mga anak ni AJ, mayroon ding dalawang anak si Kylie kay Aljur—sina Alas at Axl.
Ang pahayag na ito ni Kylie ay patunay na maayos ang relasyon nila ni AJ.
Read: Kylie Padilla reacts to her sons bonding with AJ Raval’s daughter
Taliwas ito sa mga haka-hakang hindi sila magkakasundo.
At lalong walang katotohanan ang mga paratang na si AJ ang third party sa pagwawakas ng relasyon noon nina Aljur at Kylie.
Hiwalay na ang dalawa nang mag-umpisa ang pagmamahalan nina Aljur at AJ na nagsimula noong 2021 sa set ng Vivamax movie na Nerissa.
Read: Kylie Padilla admits feeling jealous of sons’ closeness to AJ