Nanawagan ang Kapamilya actor na si Donny Pangilinan na tigilan na ang pambabatikos at pagkukumpara kina Belle Mariano at Shuvee Etrata.
Ito’y matapos makatanggap ng samu’t saring batikos si Shuvee mula sa ilang DonBelle fans nang magkita sila ng aktor sa birthday party ni Bernard Cloma kamakailan.
Sa kumalat na video online, makikitang tila kinikilig pa rin si Shuvee nang magkita sila ni Donny at kinamayan siya ng binata.
Read: Shuvee Etrata recalls intense bashing she faced in the past
Hindi lingid sa kaalaman ng marami na showbiz crush ni Shuvee si Donny.
Sa katunayan, hindi ito itinago ni Shuvee nang maging housemate siya sa Pinoy Big Brother: Celebrity Collab Edition, kung saan naging houseguest si Donny.
Kung mayroong bumabatikos kay Shuvee, mayroon din namang mga tagahanga ng Kapuso actress na rumesbak sa ilang fans ni Belle.
Read: Shuvee Etrata, nag-apologize sa DonBelle fans
Kaugnay nito, nagdesisyon si Donny na pumagitna na sa nag-uuntugang fandoms.
Sa X (dating Twitter) ngayong Sabado, March 28, 2026, isang thread ang ibinahagi ni Donny upang ihayag ang kanyang saloobin.
Nasa ibang bansa ngayon ang aktor nang makarating sa kanya ang isyu.
Gustuhin man daw niyang huwag nang patulan, hindi raw niya maatim ang patuloy na ibinabatong batikos kina Belle at Shuvee.
Mababasa sa post ni Donny (published as is): "Hey guys, I’m out of the country right now on a short break but I’ve been seeing a lot online.
"I don’t usually speak up, but I think it’s about time we stop spreading hate and constantly comparing people.
"There are far more important things happening in our country."
Read: DISMISSED: Liza Diño cyber-libel complaint against PEP
Ayon kay Donny, tila naging normal na para sa ilan ang magbato ng masasakit na salita online nang hindi iniisip ang magiging epekto nito sa iba.
Saad niya: "I feel like we’ve gotten too comfortable throwing hate online without thinking about how that affects actual human beings who have done nothing wrong.
"This is for all fandoms. Artists have lives too. It’s gone below the belt. Why did we reach this point?"
DONNY DEFENDS BELLE AGAINST BASHERS
Nakiusap din ng aktor sa publiko na huwag nang idamay ang ka-loveteam niyang si Belle sa mga isyung ikinakabit sa kanya.
Ayon kay Donny, walang dapat pagdudahan sa pagkatao ng aktres.
Pahayag niya, "As for Belle, please keep her out of your narratives. She is beautiful, talented, and most importantly, has a great heart. Nothing you say or do will change that."
Read: Is Belle Mariano falling in love with Donny Pangilinan?
DONNY ADMITS BEING SHOCKED OVER viral VIDEO WITH SHUVEE
Ipinaliwanag din ng aktor ang kumakalat na mga video nila ni Shuvee na naging dahilan ng usap-usapan online.
Aniya, maging siya ay nagulat nang kumalat ang naturang clips dahil inaasahan niyang pribado lamang ang naging dinner gathering.
Lahad ni Donny, “I told Shuvee the videos were going around out of shock, as I went to dinner at first thinking it was just going to be intimate and private."
Binigyang-diin din ni Donny na normal lamang na magkaroon siya ng mga kaibigang babae maliban kay Belle, at hindi dapat ginagawang kumpetisyon ang relasyon nilang mga artista.
Kalakip nito ang pagdepensa niya sa sarili sa mga paratang ng ilan na nakikinabang umano siya sa kontrobersiya at pambabatikos online kina Belle at Shuvee.
Saad ng aktor: "People forget we are all friends in this industry. Why do we keep pitting people against each other?
"And to those who think i just enjoy the clout and people getting bashed, you clearly dont know me. Feel free to leave.
"There is no space for that here. I am and never was about that."
Sa huli, hiling ni Donny na matigil na ang gusot sa pagitan ng magkaibang fandoms, sa halip ay ituon na lang ang atensiyon sa mas malaking problemang kinahaharap ng bansa.
Read: Anthony Pangilinan, son Donny cut diesel prices at family station
"Hope everyones doing okay despite how horrible our situation is right now in the country.
"Thank you to those who continue to spread love. Have a blessed Holy Week! Love y’all," aniya.