Mariing kinondena ng Viva artist na si Christine Li ang kumakalat na espekulasyong siya ang bagong nobya ni dating Ilocos Sur Governor Chavit Singson.
Noong April 19, 2026, kumalat online ang video ni Chavit na nasa isang restaurant habang may katabi at ka-holding hands na babae.
Walang pagkakakilanlan ang nasabing babae sa video, ngunit tantiya ng netizens ay nasa edad 20 lamang ito batay sa hitsura at pananamit.
Malayung-malayo raw sa edad ngayon ni Chavit na 84, kaya naman napataas ang kilay ng ilang nakapanood sa video sa paniniwalang may espesyal na relasyon ang dalawa.
Kalaunan, isang Facebook page ang nag-post ng diumano’y pagkakakilanlan ng babaeng kasama ni Chavit sa video.
Ayon sa post, ang bagong nobya umano ng kilalang businessman ay walang iba kundi ang Viva actress na si Christine Li.
Christine reacts to rumorS linking her to Chavit Singson
Mariin namang pinabulaanan ni Christine ang isyu.
Sa pamamagitan ng isang video sa Instagram noong Lunes, April 20, nilinaw ni Christine na hindi siya ang babaeng tinutukoy na nobya umano ni Chavit.
"Hi guys, I guess some of you may have seen the photos and video that's going around online," panimulang bati niya habang ipinapakita ang viral video ni Chavit na may ka-holding hands na babae.
"That's not me," diin niya.
Read: BLACKPINK Jisoo releases statement over ongoing family issue
Kasunod nito, ipinakita ni Christine ang isang Facebook art card na naglalaman ng kanyang larawan kasama si Chavit.
Nakasulat sa headline: "Chavit Singson proud nang ipinakilala ang bagong girlfriend nito."
Pahayag dito ni Christine, "You got the wrong girl.
"That's not me in the video, but they're claiming that I am the girlfriend of Chavit Singson."
Paglilinaw rin ni Christine, hindi niya personal na kilala si Chavit at hindi pa rin niya ito nakikita sa personal.
Kaya naman ganoon na lang daw ang kanyang pagkagulat na lumabas ang haka-hakang siya ang bagong nobya ng dating gobernador.
Saad niya: "I have never met Chavit Singson in my life.
"I don't know him personally, but I know his son, whom I reached out to, kasi baka matulungan niya ako dito sa issue na ito."
Read: Raul Rocha, tinawag na "delusional fool" si Chavit Singson
Hindi binanggit ni Christine kung sinong anak ni Chavit ang kanyang nakausap, ngunit ipinakita niya bilang patunay ang naging pag-uusap nila sa Facebook Messenger.
Saad niya: "I sent him the article and the post...Chavit Singson's son [said to me], 'Nadamay ka pa.'
"So I'm just a victim here. Biktima po ako ng fake news.
"Huwag tayong nagpapaniwala sa mga nakikita natin online.
"It could hurt somebody's reputation. It could hurt their career.
"It could hurt their mental health.
"So, please stop spreading misinformation about people, kasi not everything that you see on the internet is real, okay?
"Some people are just making up sh*t to earn money from them. To milk money out of people. Out of innocent people."
Read: Bang Si Hyuk faces arrest over alleged investor fraud
Sabi pa ni Christine, hindi niya mapapalampas ang mga ganitong pagkakataon lalo na't marami na ang naniniwalang siya ang bagong nobya ni Chavit, kahit na ito'y wala namang katotohanan.
Sabi ng dalaga: "I don't wanna go out in public right now and people are gonna start laughing at me.
"People are gonna start talking sh*t behind my back. Talking sh*t in my face.
Because of what they've seen on the internet.
"And I can't even defend myself because it's been posted anonymously.
"It's so unfair, you guys. So let's be responsible.”
CHRISTINE WARNS VS FAKE NEWS
Binigyan pansin din ni Christine ang patuloy na pagpapalaganap ng negatibo at aniya'y tsismis sa social media upang makapanira ng reputasyon ng iba.
Nakakalungkot daw isipin na mas pinagtutuunan pa ng pansin ng iba ang mga ganito, kaysa isipin ang mga mas mahahalagang bagay.
Kaya naman panawagan niya: "Let's bring back the positive of social media.
“It used to be this platform where we can endorse and can build our businesses—where we can connect and find communities here.
"It's getting toxic that we all have to talk about is chismis. Ka-cheap-an!
“Nakaka-frustrate lang po na palagi na lang tsismis.
"Hindi na ba tayo puwedeng magtulungan? Makapaghanap ng opportunities para sa isa't isa? It used to be like that, e.
"Wala nang substance. And innocent people are getting hurt. It could potentially ruin their relationships.
"It could potentially hurt their personal lives or their mental health. So let's stop spreading fake news and misinformation about people."
Read: From "Name Withheld" to Top 1: Erwin Parchaso’s 10-year journey
Dagdag pa niya, "It's my face right there, that being headline today.
"Minsan na nga lang ako mabalita, ganito pa."
Sa huli, sinabi ni Christine na kasalukuyan na siyang nakikipag-ugnayan sa kanyang talent management at legal counsel para panagutin ang mga patuloy na sumisira sa kanya sa pamamagitan ng pagpapakalat ng maling balita.
Aniya, "Let's be responsible and let's fact-check.
"Ugaliin natin mag-fact-check before tayong mag-repost na kung ano-ano."
THE WOMEN IN CHAVIT SINGSON'S LIFE
Si Chavit ay unang ikinasal kay Evelyn Verzosa Singson, na pumanaw noong March 2016. Mayroon silang pitong anak.
Naging common-law wife niya si Rachel Singson, kung saan mayroon siyang limang anak. Naghiwalay sila noong 2009.
Noong 2012 ay ipinakilala niya si Josephine Pintor, na noo'y 27 lamang, bilang kanyang girlfriend.
Pagkatapos nito ay naugnay na ang pangalan ni Chavit Singson sa mga babaeng malayo ang agwat ng edad sa kanya.
Kabilang sa mga na-link sa kanya ay ang mga aktres na sina Jillian Ward, 21, at Yen Santos, 33.
Read:
- Chavit Singson, nagkomento sa pagkakaugnay kina Jillian at Yen
- Yen Santos quashes alleged love child with Chavit Singson
- Richard Yap, Bea Borres dismiss Jillian Ward "sugar daddy" issue
- Jillian Ward, sinagot ang alegasyong ibinubugaw siya ng sariling ina
- Jillian Ward at kanyang ina, desididong magsampa ng cyberlibel