Nanindigan ang Criminal Investigation and Detection Group (CIDG) na hindi aksidente ang pagkamatay ng Ateneo Blue Eagles players na sina Rene Baterbonia, 18, at Divine Adili, 21.
Batay ito sa paunang imbestigasyon ng PNP-CIDG, habang patuloy silang kumakalap ng iba pang testimonya kaugnay ng nangyaring trahedya.
Read: Baterbonia and Adili families seek accountability from Ateneo; present five demands
Sa press conference na isinagawa ni CIDG Director Major General Robert Alexander Morico II nitong Miyerkules, June 17, 2026, sinabi niyang lumabas sa kanilang paunang imbestigasyon na halos lahat ng players ay nasa dagat, humigit-kumulang 700 metro ang layo mula sa resort na kanilang tinutuluyan.
Ayon pa kay Morico, bago isinagawa ang water-training activity ng Ateneo Blue Eagles ay batid na umano ng mga coach ang kundisyon ng dagat noong oras na iyon.
Kaya naman kataka-taka raw kung bakit itinuloy pa rin ng mga coach ang nasabing aktibidad.
Read: Baterbonia's mother very dissatisfied with Ateneo's explanation
Pahayag ni Morico: "Majority of them are in the waters. They are not directly in front of the resort, about 700 meters away.
"And they were aware that the current was strong.
"They say they were walking and yung stationary jog to make their feet more stronger while in the water.
"That is part of the question that has to be answered by the coaching staff—why kailangan pa doon sa water if they need to undergo training kasi uneven ang shoreline?"
Dagdag pa ni Morico, hindi lamang sina Baterbonia at Adili ang nalagay sa panganib sa isinagawang team-building activity.
Aniya: "We are trying to establish right now yung positions nila sa lugar and who were swept away ng current.
"Some of them already experienced na nakainom ng water, including a foreigner one."
Diin pa niya, "Right now, no, it’s not [an accident]."
Noong June 9, sinabi ni Aurora Police Colonel Percival R. Pineda na apat na estudyante ang tinangay ng malakas na alon habang isinasagawa ang team-building activity ng Ateneo Blue Eagles.
Sa apat na estudyante, dalawa ang nasagip habang sina Baterbonia at Adili ay hindi pinalad mailigtas.
Read: PNP Aurora rules out foul play in deaths of two Ateneo players
CIDG verifies reports Divine Adili still had a pulse after rescue
Sa ngayon, patuloy na kinakalap ng CIDG ang mga testimonya ng lahat ng naroon nang mangyari ang trahedya.
Nagpalabas na rin ang ahensya ng mga subpoena. Kabilang sa ipapatawag para sa questioning ang Ateneo Blue Eagles players.
“There are allegations that Adili has a pulse when he was taken out of the water.
"There were also allegations the ones who did the rescuing were all students and some coaching staff.
"So, we will be asking also," saad ni Morico.
Read: Sam Reyes, Kieffer Alas recount harrowing Aurora drowning tragedy
CIDG urges Tab Baldwin to cooperate with the ongoing probe
Nanawagan din si Morico kay resigned Ateneo Men's Basketball Team head coach Tab Baldwin na makipagtulungan sa isinasagawang imbestigasyon at tumulong sa pagtiyak na mabibigyan ng hustisya ang pagkamatay nina Baterbonia at Adili.
Read: Tab Baldwin resigns amid probe into deaths of Ateneo athletes
Ani Morico, "Man up, be man enough to face the investigation para doon sa dalawang players, whom he calls brothers.
"If you are a brother, hindi ka tatalikod. Help us and help the family attain justice."
Read: Ateneo refutes allegations from Tab Baldwin’s estranged wife
Sa kasalukuyan, inisyuhan na ng Immigration Lookout Bulletin Order (ILBO) si Baldwin, gayundin sina Ateneo team manager Christopher "Epok" Quimpo at iba pang miyembro ng coaching staff.
Nangangahulugan itong aabisuhan ng Bureau of Immigration ang mga kinauukulang awtoridad sakaling tangkain nilang umalis ng bansa.
Read: Divine Adili’s parents seek answers, justice after son's death