Umalma ang longtime personal assistant ni Heart Evangelista na si Resty Rosell sa naging pahayag ng social media influencer na si Mimiyuuuh (Jeremy Sansebuche sa tunay na buhay) tungkol sa "clean-money girl."
Paniniwala ni Resty, patama umano ito sa boss niyang Kapuso TV host-actress.
Sa vlog ni Mimiyuuuh sa YouTube na inilabas noong July 11, 2026, naging guest niya ang kapwa social media influencer na si Esnyr Ranollo.
Habang nagsi-seafood mukbang sina Mimiyuuuh at Esnyr, napag-usapan ng dalawa ang mga narating nila sa buhay, kabilang na ang pagkain ng king crab na dati'y pinapangarap lamang nila.
"Ate, ang sarap. Nalalasahan ko yung bank account mo, ganun siya kasarap," hirit ni Esnyr nang matikman ang king crab na inihanda ni Mimiyuuuh.
Sabi ni naman ni Mimiyuuh, "Alam mo, pangarap ko talaga, na sana naging anak na lang ako ni Small Laude."
Read: Mimiyuuuh reveals small and big dreams as breadwinner
Pagsang-ayon sa kanya ni Esnyr, "Ako rin. Pangarap kong maging nepo baby."
Sabi naman ni Mimiyuuuh, "Pero ayoko yung mga galing sa politicians. Gusto ko nepo baby na galing sa mga businesses."
Dagdag dito ni Esnyr, "Nepo baby na clean money."
Read: PBB Kapamilya Big Winner Lella Ford accepts "nepo baby" tag
Mula rito ay napunta ang kanilang usapan sa mga aktres na hinahangaan nila.
Parehong sinabi nina Mimiyuuuh at Esnyr na si Anne Curtis ang isa sa mga pinaka-down-to-earth na celebrity na kanilang nakilala.
Puri ni Mimiyuuuh, "Adding to Ms. Anne Curtis, isa siya sa pinakamabait din.
"Parang di mo mapi-feel sa kanya yung 'I can buy you, this bar...' Hindi siya ganung energy."
Read: Anne Curtis: "I can buy you, your friends, and this club!"
Pagsang-ayon dito ni Esnyr, "Sobrang vouch ako diyan. Paglabas ko ng PBB, nag-message si Ms. Anne."
Kasunod nito ay sinabi ni Mimiyuuuh, “We love you, Ms. Anne.
"We only love Anne in this household, kasi siya talaga ang clean-money girl.”
Read: Anne Curtis denies "iconic" quote but says "I'm gonna own it"
HEART'S PERSONAL ASSISTANT REACTS TO MIMIYUUUH'S STATEMENT
Kaugnay ng pahayag na ito ni Mimiyuuuh, nakapagtatakang kinol-out siya ng personal assistant ni Heart Evangelista na si Resty Rosell.
Bagamat hindi naman binanggit ni Mimiyuuuh ang pangalan ni Heart, kinuwestiyon ni Resty ang umano'y pagpapasaring ng content creator sa kanyang amo.
Sita ni Resty, ano ang batayan ni Mimiyuuuh sa paggamit niya ng terminong "clean money?"
Sa mismong Instagram post ni Mimiyuuuh nag-reply si Resty upang kastiguhin ito.
Mababasa sa comment ni Resty na ngayo'y burado na (published as is): “Anong pinaglalaban natin mi? Sikat kana, hindi mo need magpasikat.
"@mimiyuuuh, hindi mo na need magpasikat mi, sikat kana.
"Sayang lang mayroon ka ng paganyan ngayon. Kahit sabihin pa natin na hindi para kay Heart yan, mali pa rin. Ano ba basehan natin sa clean money?
"Kailangan ba mi, manampal kami ng financial statement para masabing clean money?"
Dagdag pa ni Resty, "At galing pa talaga sa kanya? Eee ang galing mag-shade-shade, @mimiyuuuh. Saan mo natutunan yan?
"Ingat, baka bigla ka tapikin."
Read: Bea Alonzo, Vincent Co's secret wedding shocks friends, insiders
NETIZENS' REACTION
Hindi na mahagilap ang mga komentong ito ni Resty.
Gayunman, maraming netizens ang nakapag-screenshot nito at agad ibinahagi sa Reddit, kung saan nahati ang reaksiyon ng netizens.
May mga kumampi kay Heart at sinabing wala raw utang na loob si Mimiyuuuh.
Dahil daw kina Heart at Resty kaya naging ambassador siya ng beauty aesthetic clinic na Aivee.
Read: Dr. Aivee Teo urges seeking experts in cosmetic procedures
Sa isang lumang interview, ikinuwento ni Mimiyuuuh na sina Heart at Resty ang naging daan upang maging bahagi siya ng Aivee endorser matapos silang mag-collab noong 2019.
Pahayag noon ni Mimiyuuuh: "Bakit ako naging Aivee leaguer? Kasi, through Ms. Heart's assistant.
"Kasi, di ba, nag-collab kami ni Ms. Heart? Tapos parang nag-decide si Aivee na to get me, which is parang insane, kasi sino ba naman ako para kunin nila.
"Kasi nag-i-start pa lang ako noon. That was 2019.
"Tapos sabi ni Ate Resty, 'Gusto mo bang maging Aivee leaguer? Kasi gusto ka ng Aivee na maging part ng Aivee family.'"
Gayunman, may ilan ding netizens ang kumuwestiyon sa reaksiyon ni Resty.
Hindi naman daw binanggit ni Mimiyuuuh ang pangalan ni Heart sa vlog para manggalaiti sa galit si Resty.
HEART AND MIMIYUUUH UNFOLLOW EACH OTHER ON INSTAGRAM
Kasunod ng pagpuna ni Resty kay Mimiyuuuh, napansin ng ilang netizens ang pag-a-unfollow-an nina Heart at Mimiyuuuh.
Read: Heart Evangelista once felt like “sugar mommy” to ex-BF
Ngayong Martes, July 15, kung bibisitahin ang kani-kanilang Instagram pages, makikitang hindi na lumalabas ang kanilang mga account sa following list ng isa't isa.
Habang isinusulat ang artikulong ito, wala pang pahayag sina Heart, Esnyr, at Mimiyuuuh dito.
RESTY DEFENDS HEART ANEW
Hindi ito ang unang pagkakataong ipinagtanggol ni Resty ang amo niyang si Heart.
Noong October 2025, naging usap-usapan online ang pagtatanggol ni Resty kay Heart laban sa umano'y patama ni Vice Ganda nang ikuwento ng TV host-comedian ang naging karanasan niya sa Sorsogon.
Ang Sorsogon ay balwarte ng mister ni Heart na si Senator Chiz Escudero.
Naging representative si Chiz ng First District ng lalawigan noong 1998, 2001, at 2004.
Naging gobernador din siya ng Sorsogon noong 2019, bago siya mahalal muli bilang senador.
Read: Heart clarifies complete separation of assets with Chiz
Maliban sa individual standing niya bilang pulitiko, ang Escudero family ay ibinibilang sa political dynasties ng Pilipinas.
Ang kanyang nakababatang kapatid na si Bernadette "Dette" Escudero ay second-term representative ng first district ng Sorsogon.
Escudero rin ang kasalukuyang vice-governor ng probinsiya, habang dalawa pang Escudero ang vice-mayor at municipal councilor naman sa Casiguran.
Ibig sabihin, malaki ang impluwensiya ng pamilyang Escudero sa pamamahala ng lalawigan—na puntong tila tinutukoy ni Vice sa kanyang kuwento.
Ibinahagi ni Vice noon sa It's Showtime na nagpatayo siya ng isang paaralan sa Sorsogon gamit ang sarili niyang pera.
Bumili rin umano siya ng reading materials para sa naturang paaralan.
Buong sabi niya habang kakuwentuhan si Anne Curtis sa "Laro Laro Pick" segment ng show: "Di ba nga kinukuwento ko sa yo, may pinuntahan na akong lugar doon sa probinsiya nila Heart Evangelista.
"Na isang paaralan na walang reading materials. Pinagawa ko yung eskuwelahan at nagpadala ako ng tulong doon kasi walang reading materials.
"Bulok yung paaralan doon sa lugar nila Heart Evangelista. I cried so much when I saw that school."
Read: Netizens ask: Is Vice Ganda throwing shade at Heart Evangelista?
Sa sunud-sunod na post sa Instagram Stories ni Resty, direktang tinag ng PA si Vice sa pagtatanggol nito kay Heart.
Naka-background sa post ang It's Showtime clip.
Sa unang post, sabi ni Resty (published as is): "@praybeytbenjamin saang probinsiya ni heart evangelista po ang sinasabi mo? SA DEPED po kayo manawagan kasi meron BUDGET ang DEPED para sa mga school building and reading materials na sinasabi mo. Ano ang intention mo to mention heart's name? para ano?? mema? memasabi ka lang? KALOKAAAA!!!"
Pagtawag niya muli sa atensiyon ni Vice: "@praybeytbenjamin for CLOUT??????"
Kasunod nito ay ipinakita ni Resty ang isang listahang pinamagatang "Heart Evangelista — Charity Works in Sorsogon."
Aniya: "@praybeytbenjamin Ito ba ang probinsiya ni heart evangelista na sinasabi mo??"
Hindi pa natigil doon si Resty.
Tinawag din niya ang pansin ng Department of Education (DepEd) at ni Secretary Sonny Angara.
Sabi ni Resty: "@depedphilippines nanawagan po sa inyo si @praybeytbenjamin sa probinsiya daw ni heart evangelista na hindi naman sinasabi kung saang probinsiya at kung anong municipality siya nagdonate ng reading materials and nagpagawa daw ng school building."
Dagdag pa ni Resty: "@depedphilippines BULOK DAW po ang paaralan niyo sabi ni @praybeytbenjamin @sonnyangara"
