Si Miss Universe Philippines 2023 Michelle Marquez Dee ang sumailalim sa lie-detector-test interview ni Bea Alonzo para sa kanyang YouTube channel.
Nagkuwento si Michelle na naranasan niyang maging biktima ng sabotahe sa kanyang unang pagsabak sa isang international beauty competition.
Si Michelle ang kinatawan ng Pilipinas sa 69th Miss World na ginanap sa London noong December 2019, at dito nangyari ang pagsabotahe sa kanyang national costume.
"During my first international competition, I was so careful with, especially my final gowns, and especially, my national costume.
"During our NatCos rehearsal, I was wearing a beautiful-beautiful piece by Francis Libiran."
Sa pagpapatuloy ni Michelle, "I had two golden fans, so we had, I think, a group photo or something, so I had to put my fans down.
"When I went back, nawawala."
Agad niyang kinontak ang fashion designer.
"I was just like, oh my God, what am I gonna do? I was texting Francis’ team. I was like, 'Somebody got my fans,' so they were ready to produce another set.
"But thankfully, this is why I love Pinoys all over the world. That hotel had so many Pinoys,” ang kuwento ni Michelle na sobra ang pasasalamat sa mga kababayang tumulong sa kanya para maibalik ang mga pamaypay na nawala.
"Hindi nila sinabi kung sino. Basta may kumatok that same night and then my fans were on the floor.
"Maybe kinabahan [ang kumuha] because, you know, I was like, 'I need to see the CCTVs. I need to see where my fans are,' so ibinalik niya,” ang sabi ni Michelle.
Isa sa mga nagbigay sa kanya ng advice ay si Miss World 2013 Megan Young.
"Megan Young actually advised me, if there’s something very very important, like for an outfit change, like a bun extension, bring two. Bring a back-up all the time because it’s been done before...
"Unfortunately, some people choose to do bad things.”
MICHELLE DEE'S SHOWBIZ CRUSH
Nang magtanong si Bea tungkol sa kanyang love life, nag-joke si Michelle na pinawisan siya sa tanong.
Pero nanindigan ang dalaga na wala itong “idine-date” sa kasalukuyan, pero meron siyang nililigawan.
"May nililigawan ako, it’s the fifth crown [of Miss Universe]. Yun ang naliligawan ko right now,” ang natatawa na pahayag ni Michelle, na desididong mapanalunan ang korona ng 72nd Miss Universe na magaganap sa November 18, 2023 sa El Salvador.
Sina Rhian Ramos, Celeste Cortesi, at Kylie Padilla ang ilan sa mga kababaihang nauugnay kay Michelle kahit noong hindi pa niya inaaming bisexual siya.
Read:
Rhian Ramos posts her “nakaka-ugly cry” after best friend Michelle Dee’s MUPH 2023 victory
Miss Universe Philippines 2023 Michelle Dee: "I definitely identify myself as bisexual."
Ang sabi ng anak ng former beauty queen na si Michelle Marquez, "I’m naturally very sweet. I love my friends, and I guess, growing up, especially in the industry, parang I’m so used to being linked with to whoever I’m close with at that moment."
Nang tanungin siya ni Bea tungkol sa male showbiz crush niya, ang pangalan ni Xian Lim ang binanggit ng beauty queen.
"I would say Xian Lim, but more in a sense na if I were to be paired with somebody, I would love for it to be Xian Lim."
Pero kalma lang, mga KimXi fans.
Paniniguro ni Michelle, "But not na I wanna date you kind of sense. I think it’s more of really like if I were to be paired with a guy, siyempre, it has to be taller than me, so konti lang yung options ko—Piolo Pascual, Xian Lim."
Si Xian Lim, gaya ni Michelle, ay isa ring Kapuso. Siya ay long-time boyfriend ng Kapamilya star na si Kim Chiu.