Dalawampu’t apat na senador ang nagbigay na sa media ng access sa kani-kanilang Statements of Assets, Liabilities and Net Worth (SALN).
Kasama rin ang kani-kanilang mga kamag-anak na nagtatrabaho sa gobyerno.
Hinati ang properties sa dalawa—real at personal.
Ayon sa Investopedia, ang real properties ay "immovable." Halimbawa nito ay vacant land, kasama ang mga "things attached to the soil, such as trees and crops"; buildings and houses, kasama ang anumang ipinatayo sa lupa gaya ng shed o fence.
Ang personal property ay "movable," gaya ng sasakyan, furniture, mga damit, stocks, bonds, intellectual property, at pera.
In alphabetical order, narito ang mga idineklara nilang amounts.
BAM AQUINO
Si Senator Bam ay may net worth na PHP86,553,651.25. Wala siyang liabilities as of June 30, 2025.
Mayroon siyang real properties na nagkakahalaga ng PHP39,251,951.25 at personal properties na nagkakahalaga ng PHP47,301,700.00. Wala siyang business interests.
Nagtatrabaho naman sa gobyerno ang mga pinsan niyang sina Antolin Oreta, congressman, at Lorenzo Oreta, konsehal sa Malabon.
PIA CAYETANO
Idineklara ni Sen. Pia noong June 30, 2025, na may net worth siyang PHP128,294,965.73.
Ang nakadeklara niyang liabilities ay PHP22,793,690.41.
Wala siyang real properties.
Ang personal properties niya ay nagkakahalaga ng PHP151,088,656.14.
May business interests siya sa Sampil Holdings Corp., Tagaytay Midlands Golf Club, Inc., Cayetano Family Foundation, Inc., Pateros Development Corp., Parcay Ventures Inc., Slarep Development Inc., Localbooks, Inc., Gabriel's Symphony Foundation Inc., The Palm Country Club, Splendido Taal A, Maxicollector Ventures Inc., Hanep Buhay Foundation Inc., Compañero Rene Cayetano Foundation Inc., Murfin Holdings Corp., Tatooine Consultancy and Holdings Corp., Otakobar Inc., Maxigroup, Inc., LSC Corporation., Team Pia Inc., HC Amber Athletics, Inc., at Bayani Gourmet Cuisine Inc.
Ang mga kamag-anak niyang nasa gobyerno ay ang kapatid at kapwa senador na si Alan Peter Cayetano at ang hipag na si Mayor Lani Cayetano ng Taguig City.
JV EJERCITO
Ang net worth ni Sen. JV ay PHP137,073,459.63 as of December 31, 2024.
Ang kanyang assets ay nagkakahalaga ng PHP179,065,861.12—ang PHP77,515,861.12 dito ay personal properties at ang PHP101,550,000.00 ay real properties.
Ang idineklara niyang liabilities ay PHP41,992,401.49.
Magkapatid sila ng kapwa senador na si Jinggoy Estrada.
May business interests si Sen. JV sa Buildworth Development Corp., Meiji Incorporated, Icescapade, 8EJJE Trading Corp., Frozen Nation Corp., Frozen Planet Corp., GTWJ Food Corp., Frozen Republic Corp., at 8LEO Inc.
FRANCIS ESCUDERO
As of December 31, 2024, ang net worth ni Sen. Francis “Chiz” Escudero ay PHP18, 840,082.62. Wala siyang liabilities.
Ang idineklara niyang real properties ay na-acquire niya by succession o namana, gayundin ang iba’t ibang personal properties na may acquisition cost na PHP18.84 million.
May business interests siya sa isang law firm kung saan nakalista siya bilang named partner.
Kabilang sa mga kamag-anak niyang nasa gobyerno ang kapatid na si Bernadette, isang congresswoman; ang paternal uncle na si Ramon, konsehal sa Casiguran, Sorsogon; at ang paternal cousin na si Krunimar Antonio Escudero II, vice governor ng Sorsogon.
JINGGOY ESTRADA
Ang nakadeklarang net worth ni Sen. Jinggoy, as of December 31, 2024, ay PHP221,218,595.15.
Ang kanyang assets ay PHP252,689,843.31, at ang liabilities ay PHP31,471,248.16.
Mayroon siyang real properties na nagkakahalaga ng PHP107,909,755.19 at personal properties worth PHP144,780,088.12.
May business interests siya sa S-E-N-J-I Corp. at JELP Real Estate Development Corp.
Bukod sa kapatid na si Sen. JV, nasa gobyerno rin ang anak niyang si Janella Maria Ejercito, na undersecretary sa Department of Social Welfare and Development (DSWD).
SHERWIN GATCHALIAN
Ang net worth ni Sen. Sherwin ay PHP89.5 million as of December 31, 2024.
Ang kanyang real properties ay PHP40.17 million, habang ang PHP49.34 million ay personal properties, kabilang ang cash, shares of stocks, at sasakyan.
BONG GO
Ang declared net worth ni Sen. Go ay PHP32,431,512.61. May liabilities siya na PHP12,100,000 at assets na PHP44,531,512.61.
May business interests siya sa Cinderblocks at KTC Sunrise Beach.
Kabilang sa mga kamag-anak niyang nasa gobyerno ang tiyuhing si Joseph de Lara, animal keeper II sa City Economic Enterprise; pinsang si Lloyd Paras na Driver II sa City Agriculturist's Office; tiyahing si Marietta Razon, revenue collection officer sa City Treasurer's Office; habang ang pinsang si Delmar Jake Hamoy ay licensing officer I sa Business Bureau.
Ang kapatid niyang si Maria Angelica Go ay mayor ng San Isidro, Davao Oriental; ang hipag na si Shella Marie S. Go at pinsang si John Erwin Montojo ay mga provincial board members sa Davao Oriental; ang cousin-in-law na si Maria Lisa Paras ay medical technologist sa City Health Office; at ang anak na si Christian Lawrence Go ay vice mayor sa Lupon, Davao Oriental.
Inamiyendahan ni Sen. Go ang naunang isinumiteng SALN para maisama ang kanyang anak.
RISA HONTIVEROS
Inilista ni Sen. Risa ang kanyang 2024 net worth na mahigit PHP18.98 million.
May business interests siya sa Planet Dive Inc., New Rural Bank of San Leonardo (Nueva Ecija) Inc., at La Luna Corp.
May tatlo siyang residential properties na may combined value na PHP8.73 million, at personal properties na PHP19.8 million.
Ang kanyang liabilities ay PHP897,840.00 dahil sa car loan. Wala naman siyang kamag-anak sa gobyerno.
PING LACSON
Si Sen. Ping ay may declared net worth na PHP244,940,509.60, as of June 30, 2025.
Ang kanyang liabilities ay PHP11,834,033.37 at mayroon siyang assets na PHP256,774,542.97.
Ang nakadeklara niyang real properties ay nagkakahalaga ng PHP160,000.00, habang ang personal properties ay PHP256,614,542.947.
May business interests siya sa MegaStar Agri Farming Corporation, San Pedro Calungsod Medical Center, Solarestate Marketing Corp., at Southseas Agri Aqua Ventures, Inc.
Sa mga kamag-anak niyang nasa gobyerno, kabilang ang pamangking si Dennis Lacson, konsehal sa Imus, Cavite; ang anak na si Ronald Jay Lacson, chief of staff niya sa Senado; ang isa pang anak na si Reginald Lacson, senior manager sa PAGCOR; at ang pamangking si Joan Karen Coronel, na nagtatrabaho rin sa senado.
LITO LAPID
Ang net worth ni Sen. Lito as of June 30, 2025 ay PHP202,036,375,68.
Ang kanyang liabilities ay PHP92,347,204.67 in loans, habang ang real properties ay nagkakahalaga ng PHP57,059,113.40 at ang personal properties ay PHP237,324,466.95.
Idineklara niyang may business interests siya sa Walmart Construction Supply, MTL Enterprises, Marissa Hall, at Capitol Win LLC.
Sa mga kapamilya sa gobyerno, inilista niya ang mga anak na si Maan Krista, isang immigration officer; Mark, chief operating officer sa Tourism Infrastructure and Enterprise Zone Authority; at Maynard, konsehal sa Porac, Pampanga. Kabilang din ang kanyang mga kapatid na si Arturo, barangay chairman sa Barangay Poblacion, Porac, Pampanga; at Remberto, na staff niya sa senado, gayundin ang pamangking si John DX.
LOREN LEGARDA
As of December 31, 2024, ang net worth ni Sen. Loren ay PHP79,210,952.71
May liabilities siya na PHP21,525,000.00.
Ang kanyang assets ay PHP100,735,952.71, kung saan ang PHP31,610,000.00 ay real properties habang ang P69,125,952.71 ay personal properties.
May business interests siya pero redacted ang mga ito sa media copy ng SALN.
Hindi pa kasama sa SALN ni Sen. Loren ang anak na si Leandro Leviste dahil nahalal ito during the May 2025 election. Nasa gobyerno rin ang kapatid niyang kongresista na si Antonio Agapito Legarda, Jr.
RODANTE MARCOLETA
As of June 30, 2025, idineklara ni Sen. Rodante na may net worth siyang PHP51,961,550. Ang kanyang liabilities ay PHP28,440,150 at assets na PHP80,401,700.
Wala siyang business interests.
Kapareho niyang nasa gobyerno ang anak na si Paolo Henry, na SAGIP Party-List representative, at daughter-in-law na si Ana Marcoleta na nasa Court of Appeals.
Nasa kanyang opisina naman sa senado ang anak na si Libni Marcoleta, chief-of-staff niya; anak na si Maria Cathleen Marcoleta, Director V; cousin-in-law na si Dionisio Labagnoy Jr., legislative staff assistant II; at daughter-in-law Kristel Marcoleta, Director III.
ROBIN PADILLA
Idineklara ni Sen. Robin na may net worth siyang PHP244,042,908.57.
Ang PHP100,504,880 dito ay real properties habang ang PHP143,538,028.57 ay personal properties. Wala siyang liabilities.
May business interests siya sa Motion Picture Video Production and Distribution, Buying, Selling, Renting, Leasing, Operation of Dwellings at sa retail business ng kanyang misis.
Nasa gobyerno rin ang kanyang half-brothers na si Ricarte R. Padilla, governor ng Camarines Norte; at Casimero Padilla IV, vice mayor sa Panganiban, Camarines Norte.
Ang pamangking si Bettina Padilla ay nasa kanyang opisina sa senado.
Si Don Eduardo Padilla ay Camarines Norte provincial administrator. Si Jeroy Agustin Padilla ay konsehal sa Jose Panganiban, Camarines Norte.
Ang half-sister na si Rebecca Padilla ay National Liga board member sa Camarines Norte.
KIKO PANGILINAN
Si Sen. Kiko ay may net worth na PHP26.738 million as of June 30, 2025.
Ang kanyang personal properties ay PHP20.886 million, at ang real properties ay PHP5.852 million. Wala siyang liabilities.
May business interest and financial connections siya sa Sweet Spring Country Farm Corp. at FRD Food and Spices Inc.
Wala rin siyang kamag-anak sa gobyerno.
TITO SOTTO III
Mahigit PHP188 million ang net worth ni Sen. Tito, as of June 30, 2025.
Ang kanyang assets ay PHP465,604,461.40, kung saan ang PHP335,171,748.25 ay real properties at PHP130,432,713.15 ang personal properties.
May liabilities siya na PHP276,736,338.00 in bank loans, personal loans, and other payables.
Kabilang sa kanyang business interests ang VST Production Specialists, Inc. at TVJ Productions Inc.
Nasa kanyang opisina sa senado ang anak na si Romina Frances G. Sotto, pamangking si Beverly Anne M. Sotto, niece-in-law na si Katherine Anne G. Roxas, at apo sa pamangkin na si Atty. Valentin Jose Dominic S. Fregil.
Ang pamangking si Victor Mari Regis “Vico” Sotto ay mayor ng Pasig City, habang si Victor Eriko ay Parañaque city councilor.
Vice mayor naman ng Quezon City ang anak niyang si Gian at chairperson ng Movie Television Review and Classification Board (MTRCB) ang isa pang anak na si Diorella Maria Sotto-Antonio.
RAFFY TULFO
Walang liabilities si Sen. Raffy, kaya ang net worth niya ay PHP1,052,977,100.00, as of December 31, 2024.
Mula rito, ang PHP376,800,000 ay real properties habang ang PHP676,177,100 ay personal properties.
May business interests siya sa RW Productions, Inc., Raffy Tulfo in Action Foundation Inc., at Idol Network Philippines Inc.
Sa mga kapamilya niya sa gobyerno, nakalista ang misis niyang si Jocelyn, na isang congresswoman, at anak na si Ralph, isang congressman.
Nasa kanyang opisina sa senado para sa iba’t ibang posisyon ang anak na si Maricel Tulfo Tungol, son-in-law na si Gareth Daniel Tungol, at mga pamangking sina Rodrigo Que, Jr. at Margaret Jeanne Tio.
Mayor naman ang isa pa niyang pamangkin, si Adrian Leandro Tio, sa Luna, Isabela.
Kasama rin sa listahan ni Sen. Raffy ang kapatid na si Erwin, na kongresista at the time na isinumite niya ang SALN noong December 31, 2024.
ERWIN TULFO
Ang net worth ni Sen. Erwin ay PHP497,003,425, as of June 30, 2025.
May assets siya na PHP656,302,962.13, kung saan ang PHP445,337,091.33 dito ay personal properties at PHP210,965,870.80 ang real properties.
Nagdeklara siya ng liabilities na PHP159,299,537.00.
May iba’t iba siyang business interests pero redacted ang mga ito sa kopyang ipinamahagi sa media.
JOEL VILLANUEVA
Ang nakadeklarang net worth ni Sen. Joel as of December 31, 2024, ay PHP49,505,360.00.
May assets siya na PHP72,505,360.00.
Ang PHP26,255,325.00 dito ay personal properties, habang ang PHP46,250,035.00 ay real properties.
May business interests siya at ang misis na si Gladys, pero ang pangalan ng mga kumpanya ay redacted sa kopyang ipinamahagi sa media.
Sa mga kapamilya niya sa gobyerno, kongresista ang ama niyang si Bro. Eduardo Villanueva, mayor ang kapatid na si Eduardo Villanueva Jr. sa Bocaue, Bulacan Mayor, vice mayor ang brother-in-law na si Sherwin Tugna sa Bocaue, Bulacan, habang ang mga pinsang si Glory Villanueva ay court attorney sa Supreme Court, at si Ranulfo M. Jose ay head teacher sa Prenza National High School sa Marilao, Bulacan.
CAMILLE VILLAR
Si Sen. Camille ay may net worth na PHP362,073,052. Zero ang kanyang liabilities.
Kabilang sa kanyang declared business interests ang All Home Corp., All Value Holdings Inc., Beausite Inc., Family Shoppers Unlimited Inc., CMStar Management Inc., The Village Server Inc., Filca Umca Holdings Inc., DFSI-BBI Inc., Flavor and Treats Inc., Camella Homes Inc., All Day Marts Inc., All Day Retails Concepts Inc., Masterpiece Asia Prop Inc., Manuela Corporation, Vista Land and Lifescapes Inc., Villar Land Holdings Corp., Cuisine Ala More Inc., Vistamalls Inc., Get all Corp., Allgreen Retail Inc., Cafe Vola Inc., Vtech Capital Inc., at Pet Buddy Inc.
Bukod sa kapatid na si Mark, na isa ring senador, nasa gobyerno rin ang kapatid niyang si Emmeline Villar, na undersecretary sa DSWD.
Nasa local government ng Las Piñas City ang kanyang mga tiyahin na sina Imelda Villar na vice mayor, April Aguilar Neri na mayor, at Asuncion Aguilar na barangay captain.
Las Piñas City councilors naman ang mga pinsang sina Lord Linley Aguilar at Alelee Aguilar, pati na rin ang pamangking si Albie Aguilar.
Ang pinsang si Allen F. Ampaya ay barangay captain sa Muntinlupa City.
MARK VILLAR
Ang net worth ni Sen. Mark ay PHP1,261,337,817. Wala siyang liabilities.
May business interests siya sa Himlay's Realty Incorporated at Major Asset Ventures Holdings, Inc.
Pareho lang sila ng kapatid na si Sen. Camille ng mga kamag-anak na nasa gobyerno.
MIGZ ZUBIRI
Ang declared assets ni Sen. Migz ay PHP631,788,168.43.
Ang real properties ay PHP114,726,000.00 habang ang personal properties ay PHP517,062,168.43.
May liabilities siya na PHP200,008,766.61 kaya ang net worth niya ay PHP431,779,401.92.
Nasa gobyerno ang ama niyang si Jose, kongresista; second cousin na si Juan Miguel Cuna, na nasa DENR; at pamangking si Cristian Zubiri, empleyado sa senado.
Nakalista pa rin sa SALN ni Sen. Migz ang misis na si Audrey bilang businesswoman dahil nahalal ito bilang kongresista nito lamang May 2025.
Redacted din sa kopya ng SALN na ipinamahagi sa media ang kanyang business interests.
Sa isang liham, addressed to Senate Secretary Renato Bantug Jr., na naka-attach sa SALN, ini-attribute ni Sen. Migz ang paglaki ng net worth sa sale ng kanyang ownership interests sa Bukidnon Power Corporation at North Bukidnon Power Corporation sa Vivant Energy.
Read: Hungary offers more jobs for Filipinos under Guest Worker Program
SENATORS WHO HAVE YET TO DISCLOSE THEIR SALNS
Sina Sens. Alan Peter Cayetano, Ronald dela Rosa, at Imee Marcos ay hindi pa pinapayagan ang senate secretary na ilabas ang kopya ng kanilang SALN copies sa media.
UPDATE
Nagsumite na rin ang tatlong senador ng kani-kanilang SALNs.
ALAN PETER CAYETANO
Idineklara ni Sen. Alan ang kanyang net worth na PHP109.13 million as of December 31, 2024.
Ang kanyang assets ay PHP110.66 million, kung saan ang PHP97.75 ay personal properties at PHP12.90 million ang real properties. Sa kanyang liability, may housing loan siyang PHP1.53 million.
Incorporator siya ng Philippine Art Nation Inc. simula noong May 2019.
Bukod sa misis na si Taguig City Mayor Lani Cayetano at kapatid na si Sen. Pia, may pinsan siya by affinity na nagtatrabaho bilang director sa Senado.
RONALD DELA ROSA
Ang declared net worth ni Sen. Bato ay PHP32.29 million as of June 30, 2025.
May total assets siyang PHP61.31 million, kabilang ang personal properties tulad ng mga sasakyan at firearms worth P16.62 million, ilang real properties worth PHP44.68 million.
Kabilang sa kanyang liabilities ang housing and personal loans na PHP29.02 million.
May business interests or financial connections siya sa Public Safety Savings and Loan Association Inc., Armed Forces of the Philippines Savings and Loan Association Inc., at Johnson Farms Corp.
Labing-apat ang kamag-anak niya sa gobyerno—ang 10 rito ay nagtatrabaho sa kanyang opisina sa Senado.
IMEE MARCOS
Ang net worth ni Sen. Imee ay PHP164.99 million—lahat ay assets at walang liabilities.
Batay sa kanyang SALN as of June 30, 2025, ang kanyang personal properties kabilang ang mga sasakyan, jewelry, paintings, furniture, and antiques ay PHP90.72 million, at real properties worth P74.26 million.
May business ties siya sa Marcos Presidential Center Inc., The Imelda R. Marcos Collection Inc., IPROD Inc., Creative Media and Film Society of the Philippines Inc., at Amigos Familiares Y Socios Inc.
Bukod sa Pangulo, nasa gobyerno rin ang mga anak niyang si Matthew Joseph Manotoc na Ilocos Norte Vice Governor, Fernando Martin Manotoc na Director sa kanyang opisina sa Senado.
Ang ilan pa sa kamag-anak niya sa gobyerno ay pinsang si Leyte 1st district Representative Ferdinand Martin Romualdez, pamangking si Ilocos Norte 1st district Representative Ferdinand Alexander Marcos III, pinsang si Ilocos Norte 2nd district Representative Angelo Barba, Ilocos Norte Governor Cecile Carmen Marcos, Laoag City, Ilocos Norte Mayor Michael Keon, Tingog Party-list Representative Yedda Romualdez, at Tacloban City Mayor Alfred Romualdez.
TV AND FILM WRITER REACTS TO SENATORS’ SALNS
Matapos lumabas ang SALN ng mga senador, nagbigay ng sariling pananaw tungkol dito ang premyadong TV, film and book writer at social media personality na si Jerry Gracio.
Si Gracio ay kilalang mapanuri sa mga kaganapan sa Pilipinas, mapapulitika, sining, at iba pang isyung may epekto sa buhay ng mga Pilipino.
Aniya sa kanyang Facebook post last October 29, published as is: “Ano ang epekto ng paglalabas ng SALN?
“E, di nagtatanong ang mga tao kung bakit 18 million lang ang net worth ni Chiz, pero kaya niyang magregalo kay Heart ng 1 million dollar na singsing. So, saan kinuha ni Chiz ang pambili ng singsing? Or fake ba yung singsing?
“Tinatanong din ng mga tao kung nagsisinungaling si Digong dahil matagal na niyang sinasabi na bilyonaryo si Bong Go, pero ang total net worth lang pala niya batay sa kanyang SALN ay 32 million. Either nagsisinungaling si Bong Go, o si Digong.
“Si Marcoleta, 51 million ang net worth, pero ang ginastos sa eleksiyon batay sa kanyang SOCE ay 112 million—walang donation. So, saan kinuha ni Marcoleta ang 112 million?
“Ibig sabihin, importante ang SALN para masuri kung nagsisinungaling ba o hindi ang ating mga politiko.”
Sources: ABS-CBN News, GMA News, Philippine Star, Jerry Gracio Facebook
Read: SWS survey: Money is the primary cause of stress among Filipinos