GORGY RULA
Puwede na. Iyan ang masasabi namin sa rating ng finale episode ng Mars Ravelo’s Darna ni Jane de Leon nung nakaraang Biyernes, February 10, 2023.
Nag-trending ito sa Twitter dahil sa special participation ni Miss Universe Philippines Celeste Cortesi. Naka-9% ang combined ratings nito sa Kapamilya Channel, TV5, at A2Z.
Read: Celeste Cortesi trends on Twitter after appearing on Darna finale
Ang katapat nitong Maria Clara at Ibarra ng GMA-7 at GTV, kung saan nagpaalam na si Julie Anne San Jose bilang Maria Clara, ay naka-15%.
Read: Julie Anne San Jose bids farewell to Maria Clara at Ibarra
Nung Biyernes din sa Fast Talk with Boy Abunda ay si Ai-Ai delas Alas ang isinalang, at nakaka-pressure ang biro niyang dapat mag-trending ang interbyung yun.
Marami naman ang pumik-ap at isinulat ang pagsu-sorry niya kay Quezon City Mayor Joy Belmonte, pero hindi nga lang nag-trending. Okay naman ang rating nito na 5.7%.
Read: Ai-Ai delas Alas, hindi na-shock sa paghaharap nina Mayor Joy Belmonte at Darryl Yap
Ang Family Feud nung araw na yun ay naka-10% kahit hindi ganun kasikat ang mga naglaro.
Pagdating sa primetime, naka-15% ang 24 Oras. Katapat nito ang PBA Game sa TV5 na naka-3.4%, at ang TV Patrol ay naka-3.3%.
Pagkatapos ng Maria Clara at Ibarra ay ang Luv Is: Caught in His Arms na naka-10.1%, at ang katapat nitong The Iron Heart ay naka-5.1%.
Sumunod ang Bubble Gang na naka-5.5%, at ang Dirty Linen ay naka-3.5.%.
Nung Sabado, February 11, naka-10.9% ang Amazing Earth ni Dingdong Dantes, kung saan si Bea Alonzo ang guest niya.
Sumunod ang Pepito Manaloto na naka-13%, at 4.8% ang katapat nitong Everybody Sing.
NOEL FERRER
Narito naman ang ratings nung nakaraang Linggo, February 12...
Nagpapaligsahan sa pag-trending sa Twitter ang All-Out Sundays at ASAP Natin ‘To. Pero pagdating sa ratings ay wagi pa rin ang AOS na naka-5%, at 3% naman ang ASAP.
Sumunod ang GMA Blockbusters na naka-3.3%, at ang FPJ Da King ay naka-3.9%. Ang Regal Studio Presents ay naka-3.6%.
Pagdating sa primetime ay naka-5.6% ang 24 Oras Weekend, at sumunod ang Daig Kayo ng Lola Ko na naka-7.5%. Ang TV Patrol naman na nakatapat nito ay 2.2%.
Sumunod ang Happy ToGetHer ni John Lloyd Cruz ay naka-9.4%, at ang PBA Game sa TV5 ay 5.2%. Ang Everybody Sing ay 4.3%.
Sumunod ang The Clash na naka-11.5%. Ang halos katapat nitong Dream Maker ay naka-1.5%. Malakas pa rin kasi ang nakatapat din nitong Kapuso Mo Jessica Soho na naka-15.7%.
Sumunod ang The Boobay and Tekla Show na naka-3.7%.
Pagkatapos ng TBATS, nasilip ko pa ang CIA with BA ng magkapatid na Senators Pia Cayetano at Alan Peter Cayetano kasama si Kuya Boy Abunda. Naka-1% ito sa late evening timeslot nito.
JERRY OLEA
Finale week na dapat ng Maria Clara at Ibarra sa Kapuso primetime, pero inanunsiyo ng GMA-7 na extended ito.
Pilot week naman ngayong gabi ng teleserye ni Coco Martin na FPJ’s Batang Quiapo, ang kapalit ng Mars Ravelo’s Darna.
Ang kaibigang Lhot Lourdes Jdo, nag-hanash sa Facebook ngayong Pebrero 13, Lunes, “Just chanced upon the trailer of FPJ's Batang Quiapo on A2Z and noticed that they blurred the face of the Black Nazarene in the Translacion shot.
“I know they're not a Catholic station, but I find it disrespectful (offensive, even) to blur the face of a revered image as if it's something lewd or grotesque.
“IMHO, religion shouldn't be an issue with them being a network that has opened its doors to ABS-CBN shows. By doing so, they attracted (and has benefitted from) audiences from all religious denominations. They should respect all their audiences, religious beliefs notwithstanding.”
Sa susunod na Lunes, Pebrero 20, ay mag-uumpisa na dapat ang Mga Lihim ni Urduja bilang kapalit ng Maria Clara at Ibarra. Pero tila mauurong ang pagsisimula nito.
Ang bida sa Mga Lihim ni Urduja ay si Sanya Lopez, bida sa First Yaya na pinakamalakas na primetime series noong 2021.
Bonggang-bongga ang ratings ng First Yaya kung saan leading man si Gabby Concepcion. Kinabog nang husto ng First Yaya ang FPJ’s Ang Probinsyano, di ba? Kaya kaabang-abang ang “sabong” muli nina Coco at Sanya!
Leading lady ni Coco sa FPJ’s Batang Quiapo ang dating Kapuso na si Lovi Poe.
Bida sa The Iron Heart ang dating Kapuso na si Richard Gutierrez.
Bida sa Dirty Linen ang dating Kapuso na si Janine Gutierrez.
At ang balik-Kapuso na si Sunshine Dizon ay kasama sa cast ng Mga Lihim ni Urduja.
Heartfelt ang panayam ni Kuya Boy Abunda kay Sunshine ngayong Monday, February 13, sa Fast Talk With Boy Abunda!