GORGY RULA
Susugalan ng Regal Entertainment, Inc. ang tambalang FranSeth nina Francine Diaz at Seth Fedelin sa pelikulang My Future You na isinulat at ididirek ni Crisanto B. Aquino.
Read: Francine Diaz, Seth Fedelin clarify real score between them
Si Direk Crisanto ang gumawa ng Write About Love (MMFF 2019) nina Rocco Nacino, Miles Ocampo, Yeng Constantino, at Joem Bascon; pati Vivamax movie na Relyebo (2022) nina Christine Bermas, Sean de Guzman, at Jela Cuenca.
Sa look test pa lang nina Francine at Seth ngayong Martes, April 23, sa Regal compound ay nakitaan na sila kaagad ng kilig.
Sabi ng Regal producer na si Roselle Monteverde, nang nalaman ng theater owners na gagawan nila ng pelikula ang naturang love team, tuwang-tuwa ang mga ito dahil nakitaan nila ng lakas ang tambalang FranSeth.
Kaagad na kinontra ng FranSeth ang sinasabi ng iba na sila na raw ang susunod sa KathNiel, ang tambalan nina Kathryn Bernardo at Daniel Padilla.
Malabo raw yun, kaagad na reaksiyon ng dalawa nang tinanong sila ng kasamahang si Jun Nardo.
Ani Seth: “Hindi namin mapapalitan ang KathNiel. Hindi po namin mapapalitan. Siguro po, gusto namin makilala as FranSeth.
“Gusto namin marating kung ano yung marating nila. Pero hindi para palitan.
"Iniidolo po namin sila sa paraan na kung ano ang nakamit nila. At yun ang pangarap namin.
"Kung saan sila nakapunta, sana nakapunta rin kami sa sarili po naming paraan.
“So eto, talagang malaking challenge sa amin tong pelikulang ito. Ito ang kauna-unahan naming movie.
"So, espesyal siya."
Sabi naman ni Francine, “Yun lang naman din yung masasagot ko, kasi hindi naman po talaga namin kayang palitan ang KathNiel. Kasi-ibang iba po talaga kung papano sila naging successful.
“Ulitin ko lang din po. Kami po ni Seth, gusto namin makilala as ourselves as FranSeth, and yun po.
"And pareho naman kaming praying and hoping na kung ano man yung success na naranasan nila, sana marating din namin yun. Pero sa sarili naming paraan.”
Read: End of KathNiel Era: A timeline of their generation's hottest box-office love team
SETH: "AYAW NAMING MAGING KATHNIEL."
Challenge ba kina Seth at Francine o nakaka-presssure na hinuhulaang sila ang susunod sa KathNiel?
Sey ni Francine, “Nakaka-pressure po kasi nakikita nila sa amin yung KathNiel noon.
“But at the same time po, mas gusto naming makita nila kami as kami at hindi ibang tao.”
Sabi naman ni Seth: “Nakakakaba po ang ganung statement, dahil paano pag di namin nagawa?
“Ang direksiyon po talaga namin, ang gusto ko maging si Seth ako. Gusto ni Francine, maging si Francine siya. Gusto naming maging FranSeth.
“So, pag tinitingnan ko siya na, 'O, mala-KathNiel ang dalawa. Si Seth parang si Daniel, si Francine para siyang si Kathryn,' alam niyo po yun?
"Hindi ako magiging Daniel. Napakalabo po nun. Hindi po ako magiging Daniel.
"Ang FranSeth po, hindi magiging KathNiel. Ayaw naming maging KathNiel.
"Ayaw po naming maging KathNiel. Gusto po namin maging FranSeth."
Dagdag pa niya: “Sa success po siguro, yung narating nila, nakailang pelikula sila, gusto po namin maging ganun.
“At yung statement po na inihahalintulad kami sa KathNiel, hindi po biro ang naabot ng KathNiel.
“Pagdating po sa trababo, hindi po biro yan. Kung ano ang nabigay nila sa industriya, ang naibahgi nilang talento, hindi po biro yun.
“So, bago po kami makarating dun, hindi po biro ang pagdadaanan namin.
“Siyempre, ini-expect din ng tao na kung sino man yung nagsabi nung statement na yun sana makapunta.
“So, hindi po biro yung journey na pagdadaanan namin. Yun po ang ibig naming sabihin.”
NOEL FERRER
Ipinagdiinan ni Francine na mabait sa kanila sina Daniel at Kathryn, at talagang iniidolo raw nila ang dalawa.
“We love KathNiel po. Naging friends po namin sila,” bulalas ni Francine.
“Actually, si Ate Kathryn po kapag nagkakasabay kami sa trabaho, nagbabatian kami. Mabait po sa akin si Ate Kath, at siyempre po si Kuya DJ [Daniel].
“Yun lang po talaga. Gusto lang po namin klaruhin na hindi po kami ang susunod sa KathNiel at hindi po namin papalitan yung KathNiel. Yun lang po,” dagdag niya.
Susog ni Seth, “Kasi po pag sinabing the next KathNiel, parang sinabi na rin pong kung ano po yung pinagdaanan nila, dadaanan din po namin.
“Yun nga po sinabi nga po namin, gusto namin makilala kami ng mga tao as FranSeth sa sarili naming paraan.”
Sisimulan ng Regal ang shooting ng My Future You sa Mayo 7.
Kasama rin sa cast sina Christian Vazquez, Almira Muhlach, Vance Larena, Marcus Madrigal, Peewee Quijano, at Bodjie Pascua.
(From left) Vinca Larana, Christian Vazquez, Almira Muhlach, Francine Diaz, Regal's Roselle Monteverde, Seth Fedelin, director Crisanto B. Aquino, Bodjie Pascual, Peewee Quijano, and Marcus Madrigal
JERRY OLEA
Naalala ko tuloy ang JhasDrick tandem nina Jhassy Busran at Heindrick Sitjar na tinaguriang “KathNiel ng Facebook.”
Read: Newbie loveteam Jhassy Busran at Heindrick Sitjar, binansagang "KathNiel ng Facebook"
Inilunsad si Jhassy sa pelikulang Unspoken Letters na ipinalabas noong Disyembre 2023. Isa sa mga suporta roon ang ka-tandem niya na nagbago ng screen name at naging John Heindrick.
Hindi naman siguro susundan ng FranSeth ang tinahak na landas ng JhasDrick?
Take note na ang ka-tandem dati ni Francine Diaz ay si Kyle Echarri, at ang tawag sa kanila ay KyCine.
Ang ka-tandem noon ni Seth Fedelin ay si Andrea Brillantes, at ang taguri sa kanila ay SethDrea.
Magkaribal sina Francine at Andrea.
Read: Francine Diaz: "Wala akong inahas, wala akong nilandi."
At si Andrea ay sinasabing isa sa mga dahilan kaya naghiwalay sina Kathryn Bernardo at Daniel Padilla makalipas ang labing-isang taong relasyon. Buwag na ang tambalang KathNiel.
At sang-ayon ako kay Seth na hindi magiging KathNiel ang FranSeth — in so many ways.