GORGY RULA
Tatlong programa sa GMA-7 ang nagtapos noong nakaraang weekend.
Noong Biyernes, Mayo 3, 2024, ang finale ng Makiling. Naka-8.3% ito, na hindi ganung kataas sa inaasahan namin.
Nag-finale rin noong Biyernes ang K-drama series na Yumi’s Cells na naka-2.4%.
Noong Linggo, Mayo 5, ang finale ng Season 2 ng Walang Matigas Na Pulis sa Matinik Na Misis. Naka-9.2% ito.
Read: Walang Matigas Na Pulis Sa Matinik Na Misis ni Bong Revilla, last taping day na
TIKTOCLOCK/EAT BULAGA!/IT'S SHOWTIME
Narito naman ang ratings ng iba pang programa noong Biyernes...
Ang It’s Showtime ay 7.7%, habang ang katapat nitong Eat Bulaga! ay 3.5%.
Read: Eat Bulaga!, hindi nababahala sa pangunguna sa ratings ng It's Showtime?
Mas mataas din ang rating ng pre-programming ng It's Showtime na TiktoClock, na naka-3.7%, kumpara sa noontime show ng TV5.
Pagdating sa Afternoon Prime, tinalbugan ng Lilet Matias: Attorney-at-Law, na naka-9.8%, ang Abot-Kamay Na Pangarap, na naka-9.6%.
Pagkatapos ng Makiling, ang Fast Talk With Boy Abunda ay may 4.6% na rating.
Sumunod ang Yumi’s Cells, at medyo bumaba rin ang Family Feud na naka-6.9% lamang.
Noong Mayo 4, Sabado, ay 7.9% ang It’s Showtime, at 3.6% naman ang Eat Bulaga!.
JERRY OLEA
Medyo nakakadisyama ang pagbabalik ng Voltes V: Legacy na ipinalit sa katatapos lang na Makiling.
Nagsimula ang rerun ng Voltes V: Legacy noong Lunes, Mayo 6, at naka-5.8% lang ito. Dahil siguro sa replay, hindi ito kasintaas ng ibang afternoon drama shows ng GMA-7.
Read: Voltes V: Legacy returns to GMA-7 this May 6
Noong Lunes din, na-maintain ng It’s Showtime ang 7.9% rating nito; ganundin ang Eat Bulaga! na naka-3.6% ulit.
KAPUSO AFTERNOON PRIME SHOWS
Nakaungos muli ang Abot-Kamay Na Pangarap na naka-10.6%., habang ang Lilet Matias: Attorney-At-Law ay 10.1%.
Noong Lunes din nagsimula ang Mother’s Day special ng Fast Talk With Boy Abunda. Ang mag-inang Michelle Ortega at Ysabel Ortega ang special guests, at naka-4.2% ito.
Read: Michelle Ortega, hindi inilihim kay Ysabel ang estado ng amang si Lito Lapid
Sumunod ang kapalit ng Yumi’s Cells na Eclipse of The Heart, na naka-2.5%.
Ang Family Feud ay naka-7.1%.
Read: Musta ang It's Showtime guesting sa Family Feud?; Eat Bulaga! production cost, tumaas ba?
Wagi ang mga panghapong programa ng Kapuso Network.
Hindi makaporma ang afternoon shows ng TV5 at iba pang local TV networks.
Pero sa primetime kung weeknights, patuloy na naghahari ang FPJ’s Batang Quiapo ni Coco Martin. Taob ang Black Rider ni Ruru Madrid.
Read: Vhong Navarro’s son Yce Navarro joins the cast of FPJ’s Batang Quiapo
Kinakabog din ng Linlang: The Teleserye Version ang My Guardian Alien na TV comeback ng Kapuso Primetime Queen na si Marian Rivera.
Read: Linlang: Trending scenes with quotes
Madalas ding natatalo ng Can’t Buy Me Love (na nasa finale week na) ang Asawa ng Asawa Ko.
NOEL FERRER
Ang ganda lang na nagbibigay tayo ng weekday or weekend ratings.
Pero I maintain na, kung totoo ngang wala nang network war at kumpetisyon, puwedeng masabing we are beyond ratings na.
Isa pa, tila mas marami nang nanonood ng TV shows online, partikular na sa YouTube, kung saan maaari mong panoorin ang isang programa sa oras na gusto mo o available ka.
Pero gaano katotoo na sa kabila ng mataas o mababang ratings, talagang napakababa ng ad load ngayon sa mga shows sa telebisyon?
Mukhang naghahabol daw ang networks sa kita o revenue sa ads na medyo na-divert na sa ibang platforms at activities.
Sana, maging masagana ulit ang TV at bumalik ang sigla nito tulad ng dati… sana.
READ MORE:
- Ratings game, nananatiling nasa pabor ng GMA-7
- GMA-7, patuloy ang pamamayagpag sa TV ratings at online views
- Kapuso Mo, Jessica Soho patuloy ang pamamayagpag sa ratings
- Abot-Kamay Na Pangarap at Lilet Matias, consistent ang double-digit ratings
- It's Showtime, patuloy ang pamamayagpag sa ratings mula nang umere sa GMA-7
- It's Showtime, kinabog sa ratings ang Eat Bulaga! sa salpukan nila noong April 6
- GMA Network radio stations sustain lead in Mega Manila Airwaves with higher ratings
- TV Ratings: Eat Bulaga! at It's Showtime, dikit ang labanan sa noontime
- Noontime at afternoon ratings ng GMA-7, naapektuhan ng pagkatanggal ng Tahanang Pinakamasaya
- GMA Afternoon Prime triple kill sa ratings; Can't Buy Me Love, patok pa rin sa Netflix