GORGY RULA
Lalagpasan ng Hello, Love, Again ang box-office record na naitala ng Rewind (MMFF 2023) nina Dingdong Dantes at Marian Rivera.
Lalo pang tumaas ang kinita ng Kathryn Bernardo-Alden Richards reunion movie nitong weekend.
Noong Sabado, November 16, ay naka-PHP130M ito, at noong Linggo, November 17, ay PHP118M.
Sa first three days ay naka-PHP245M ang Hello, Love, Again, kaya sa loob ng limang araw ay naka-PHP493M na ito nationwide.
Read: Hello, Love, Again kumita ng P245M in three days
Hindi pa kasama riyan ang kinita nito sa ibang bansa na pinag-uusapan na rin ito ng mga kababayan natin sa abroad.
Pawang magagandang feedback ang nakakarating sa amin mula sa ilang kaibigang nakapanood sa ibang bansa.
Maaring naka-relate sila sa kuwento nina Joy (Kathryn Bernardo) at Ethan (Alden Richards).
DANIEL PADILLA TRENDS ON X
Samantala, hindi pa rin naiwasang ikabit si Daniel Padilla sa success ng KathDen loveteam.
Nagte-trending ang hashtag na Daniel Padilla sa X (dating Twitter) sa dami ng mga nagpo-post na fans na dumagsa sa taping ni Daniel ng Incognito sa Baguio.
Pinagkaguluhan siya roon ng mga fans, at puring-puri siya dahil sa pinagbibigyan daw niya ang mga gustong magpa-picture sa kanya.
May mga nagpo-post ding number one daw sa listahan ng hindi manonood ng Hello, Love, Again ay si Daniel.
May ilan ding nagpo-post na nakikitang mas masaya ngayon si Kathryn sa piling ni Alden, at sinasabing ang eme raw ni Daniel sa tagumpay ng HLA ay “Hello, Alak, Again.”
JERRY OLEA
Agosto 29, 2018 ipinalabas ang huling pelikulang pinagtambalan nina Kathryn Bernardo at Daniel Padilla, ang The Hows of Us, na mula sa direksiyon ni Cathy Garcia-Molina.
Ang nasabing KathNiel movie ang naging pinakamalakas sa takilya sa kasaysayan ng pelikulang Pilipino (hindi adjusted sa inflation) that time.
Read: The Hows of Us becomes first PH film to reach P600 million mark locally
Wala pang isang taon ang lumipas nang ipalabas noong Hulyo 31, 2019 ang unang movie nina Kathryn at Alden Richards na Hello, Love, Goodbye, also directed by Cathy Garcia-Molina.
At kinabog nito ang kinita ng The Hows of Us.
Read: Kathryn Bernardo, bagong Superstar; Alden Richards, bagong Box Office King
Ikinakasa na kapagkuwan ang kasunod na KathNiel movie, ang After Forever na isusyuting sana sa USA.
Inaasahang kakabugin nito ang box-office record ng KathDen movie. Kaso, lumaganap ang pandemya, at na-shelve ang proyekto.
At noong Nobyembre 30, 2023, opisyal na inihayag nina Kathryn at Daniel na buwag na ang tambalang Kathniel makalipas ang labing-isang taon.
Read: Kathryn Bernardo confirms breakup with Daniel Padilla
KATHDEN POISED TO RECLAIM BOX-OFFICE RECORD
Disyembre 25, 2023 ipinalabas ang Rewind ng DongYan bilang isa sa sampung official entries ng 49th MMFF. Idinirek ito ni Mae Cruz-Alviar.
Naagaw nito sa Hello, Love, Again ang record bilang highest-grossing Filipino film, na hawak ng HLG for four years.
Read: Rewind ng DongYan highest-grossing Filipino film of all time
Pero wala pang isang taon, babawiin na ng second KathDen movie directed by Cathy Garcia-Sampana ang trono mula sa Rewind nina Dingdong Dantes at Marian Rivera.
Tuluy-tuloy ang pagtatala ng HLA ng mga bagong record.
PHP85M on its opening day, November 13, Wednesday.
PHP70 on its second day, November 14, Thursday.
Bale PHP155M sa dalawang araw.
PHP90M on its third day, November 15, payday.
PHP245M cumulative gross in three days.
At ayon sa source ng PEP Troika, PHP130M on its fourth day — the highest single-day gross ever.
Bale PHP375M in four days.
At iyon na nga, P118M on its fifth day sa kabila ng “hello, bagyo, again.”
Bale staggering PHP493M in five days!!!
HELLO, LOVE, AGAIN INTERNATIONAL SCREENINGS
Maging sa international market ay nagpapakitang gilas ang reunion movie ng KathDen, na first joint venture ng ABS-CBN Star Cinema at GMA Pictures.
Nobyembre 14, Huwebes, ito nag-umpisang ipalabas sa Australia (33 sinehan) at New Zealand (8 sinehan).
Ayon sa datos na nakuha ng kaibigang Ogie Narvaez-Rodriguez, $165K ang estimated gross ng Hello, Love, Again sa New Zealand mula Huwebes hanggang Linggo, Nobyembre 14-17.
Bale pangatlo ito sa Gladiator II at Red One.
Nobyembre 15, Biyernes, nagsimulang ipalabas ang Hello, Love, Again sa 248 sinehan sa North America, maging sa Saipan at Guam.
Ibinalita agad ng Star Cinema sa X nitong Nobyembre 18, Lunes, 1:14 A.M. (Manila time) ang report ng Deadline na naka-$2.4M opening weekend gross sa North America ang Hello, Love, Again, at pumuwesto ito sa pangwalo sa Top 10.
As we write this, ESTIMATED gross pa rin lang ang $2.4M na iyan.
Sa Box Office Mojo, $2.326M ang ESTIMATED na weekend gross ng HLA.
Sa pagkakaalam ko, Martes (Manila time) pa lalabas EXACT figures ng weekend grosses sa takilya ng US at Canada.
Oh, yes, itong Hello, Love, Again ang bukod-tanging bagong release sa Top 10 ng North America last weekend, at base sa estimates ay ito ang pinakamataas ang average sa Top 10.
Nobyembre 16 at 17 ipinalabas ang Hello, Love, Again sa London, United Kingdom.
Kasado na ang special screenings nito sa iba pang mga bansa sa Europa, kabilang ang Finland (Helsinki, Turku), Ireland (Dublin, Cork), Italy (Milan, Parma, Rome, Bologna), at Malta (St. Julians, Fgura).
Nobyembre 21, Miyerkules, maghe-hello ang KathDen reunion movie sa UAE, Oman, Qatar, KSA, Bahrain, at Kuwait.
Inaayos na rin ang pagpapalabas nito this month sa Singapore, Malaysia, Cambodia, at Hong Kong.
Kaya konting kembot, kendeng at kandirit na lang… kakabugin na ng Hello, Love, Again ang Rewind!
At tungkol kay Daniel Padilla, ayon sa source ng PEP Troika ay ang galing-galing nito sa Incognito. Ang ganda raw ng working attitude ni Daniel!!!
Kung hindi ako nagkakamali ng tantiya, nakatakdang umere ang Incognito umpisa Enero 20, 2025 Lunes sa TV5, Kapamilya Channel, A2Z, TFC, and Kapamilya Online Live on ABS-CBN Entertainment’s YouTube channel and Facebook page bilang kapalit ng Lavender Fields.
NOEL FERRER
As of November 16, Saturday, ay lampas 1,000 sinehan na ang pinagpapalabasan ng Hello, Love, Again worldwide.
Pinost na rin ng GMA Pictures at Star Cinema sa Facebook na mapapanood ang HLA sa mga sinehan ng Hong Kong at Macau umpisa Nobyembre 24, Linggo.
Sa Top 10 Movies in the Philippines Today sa Netflix ay nasa No. 3 na ang Hello, Love, Goodbye.